السلام عليكم نحكيلكم تجربتي في زيارة مكة المكرمة و المدينة لعلي نفيدكم شويا
اول حاجة هنا بالجزائر بروقرامي روحك راك رايح بيت ربي تادي مناسك العمرة و تعبد ربي ني زايد ني ناقص دير في بالك تشوف كلش فالحرم انت خلي قداسة المكان و متكثرش الضحك و التمسخير ثم وحدة الزاوجة راك تتلاقا بالف جنس هنودا بكستان مغرب عربي ترك …. لي يطبعك لي يدخل فيك انت اسكت برك التها بصلاتك برك ( طوف و صلي و اشرب زمزم قدر الامكان ) لانو الصلاة معوضة ب100000 صلاة
من هنا اقرى مليح كيفية اداء مناسك تاوعك متبقاش تبع فالمرشد و المجموعة تعيا في باطل و العمرة ساهلة و كي تكمل احلق و انت فريتها و كل يوم لايم قرع فارغين تجيب فيهم زمزم #متغلطش_غلطتي تخليها ليامات التوالى متعرف كامل واش يكون فالحين انا 4 ايام مريض فراش مقدرتش نبوجي انت وقت ما تلقى قرع ( تلقاهم فالمساجد الصغار ) عمر و طلع للغرفة .
رد بالك من البدع تشوفهم يتبركو برداء الكعبة و ماشابهم ذلك اخطيك احرص توصل للملتزم الدعاء مستجاب فيه و اذا قدرت الحجر الاسود حاول ماتطبعش النسا ثم .
اذا كنت الطوف و قريب وقت الصلاة اجبد كامل لطراف و كمل طواف لانو يبداو يسوو الصفوف الاولى و توقع زحمة تنغبن بعد عليهم تحب تصلي فالصف الثاني ولا الثالث قبل الصلاة ب 30 دقيقة يبداو يسقمو فيهم ادخل في وسطهم.
اهم حاجة هيا اكري فندق قريب للحرم باش متبقاش تخمم فالنقل و تعجز و بزاف حوايج اكري قريب متحوس على والو صلاتك برك .
حنا نموتو نجيبو هدايا ههه اشري من حوانت الجملة اسواق الجعفرية كاين فالعزيزية مول المهم قاشح فالسومة اقسمها على زوج و لا كثر
ايه نسيت حاجة مهمة من الاحسن الواحد يدي بليغة اورتوبيتيك ولا بابي يطوف بيها تريحلو رجليها و يطوف مرتاح يديرها غير للحرم و الله ما يعيا. فيما يخص العجوة من المدينة خير من مكة ( سوق التمور ) .
و يدوكم الزيارات المشروعة ( مسجد قباء و ذو القبلتين و جبل احد ) و لي يحب يروح في مكة يحكم طاكسي و يروح .
و من الاحسن ثاني رحلة مباشرة باش ما تتمرمدش و سيرتو ناس الكبار
ربي يرزقنا العودة و يرزقكم زيارة مكة المكرمة
و اي استفسار ما نبخلوش على خوتنا سلام
الله يتقبل ان شاء الله ويرزقنا العودة يا رب
اللهم أرزقنا زيارة لبيتك و قبر نبيك آمين يارب
ربي يرزقنا عمرة في رمضان و حجة مع الوالدين
ربي يتقبل منك ويرزقنا العودة 🤲🤲
جزاك الله خير
نزيد ننصحهم : قبل ما تشروا قاشحوا و نحوا اي حاجة تبين بلي من الجزائر ( يزيدو لنا السومة)
– كي تشوف حانوت يبيع بسومة مليحة ابقى اشري عليه يزيد ينقصلك ( عن نفسي كان نرجع ان شاء الله ما نجيب والو غير ماء زمزم حنة و بخور فقط و الدعاء)
– صلاة الجنازة عندكم تراطيوها فيها اجر كبير
– عاون اي شخص
– عامل الناس كل بالتي هي أحسن و كي تشوف واحد غلط صححلوا 👌
– عن نفسي تفاهمت مع الناس كل : هنودة باكستان مغاربة تنواسة مصاروة… الحمد لله ( كيما تعامل يعاملوك)
كاين ناس تقلق ياسر تفاداهم
* بالنسبة للنساء باه تدخلوا للروضة قبر الرسول صلى الله عليه وسلم عندكم يعفسوكم
– اشروا كيما ڤاللكم كلاكات توضأ بيها و تكون خفيفة ما توجعكش
أدوا التقاشر 👌
– كي تكونوا مع أشخاص في غرفة جماعية تشاركوا في كلش ( انا مع وصلنا قلتلهم حاجاتي كل تاعكم) و ماذابينا نكون عايلة وحدة باه يفوتوا الايام ملاح و نتفاهموا.. جبدت حوايجي كل و قلتلهم كي يكملوا تجبد الاخرى و هي ماشية و الحمد لله تقول من عايلة وحدة
نصيحة….اشريو العجوة من المدينة المنورة رخيصة وشابة
9rit statut ta3ak, walah ghir hassit rohi rani fil 3omra. rabi yarza9na inchallah ziyara ila baytihi al haram
النصيحة الأهم : كي تحبوا تركبوا في طاكسي باه تروحوا تعاودوا العمرة سومو قبل
اول مرة رحنا ب عشرين ريال دانا و جابنا
المرة الثانية 40 ريال 😳 مبعد واحد قاللنا 150 ريال 😳😳
كاين كار في المحطة تديك ب 6 ريال ( صح تتعب في المشي) بصح ارخس تستقام
حلمي الصعود لغار حراء 😍
👌👌👌…ربي يرزقنا زيارتها 🙏
شكرا مشتاقة لزيارتها و زدتو شوقتونا اكثر جزاكم الله خيرا
ربي يرزقنا زيارتها ان شاء الله
ماشاء الله..ربي يتقبل
شكرا جزاك الله خيرا
ريي يرزقنا العودة الى المدينة و مكة المكرمة ان شاء الله في اقرب وقت
فيما يخص التمور من المستحسن تشري من جبل احد خير من سوق التمور
الصلاة في الصف الأول وراء الامام لازم على الاقل 3 سوايع قبل
بارك الله فيك بالفعل كاين تماك الحرس يعامل المصلين بطريقه قاسيه الواحد يصبر و يلها بالصلاته و لازم تحفض الطريق و البادج دايم معاك ، و عامل الناس بالاحسن تلقى وحدين يحوس غي يوصل للحجر هذ هدفه و يعفس و يدمر و في المدينه الله يبارك المعامله حسنه بالنسبه للنساء الصلاه في جه اخرى مخصصه ليهم الباب 25 و تذكر الباب لي تدخل منه و السوق كاين سوق بلال ارخص (اما الاكل غالي على مكه) و ماء زمزم عمروه في الحرم قاروره صغار و حتهم في وسط الحقيبه خبيها مليح هناك بضاىع لا تمر في المطار(الالعاب) و الوزن محدود هذه بعض من تجاربنا. 😍
الشعور الاروع على الاطلاق
ربي يرزقنا حجة. 😍
اللهم ارزقني زيارة بيتك المحرم 🤲🏻😢
الحلم ❤
Rabi ylahakna nchlh
امنيتي ندي وليدي ونروح نعتمر 🙏 ربي يقدرنا إنشاء الله ❤️
بارك الله فيك 💙
اللهم أرزقنا زيارة بيتك الحرام يا رب العالمين اللهم اكتب لنا سجدة على ارض مكه، اكتبها لي ولمن اشتاق لها اللهم آمين
Mo lis ça
اللهم زيارة قريبة الى مكة
3yiit nal7a9 lsaf lowel ydezou 7ala hhhh
وكي ترجع
بالعكس أخي اكري فندق بعيد على الحرم يوفرلك النقل تربح بزاف وقت
ايام لاتنسى 😔
Nchlh rebi yerze9na madamna sghar ou bsahetna y’a rebi
Màroùen Mîlànïst Prrîïncè sahbi rah ydirolhom devu
بارك الله فيك
اللهم ارزقنا زيارتها 💙
ماشاء الله ربي يبارك فيك اخي شكرا
آمين يارب العالمين بارك الله فيك
كفيت ووفيت والله كلامك صحيح ربي يرزقنا بالعودة يارب
اللهم ارزقنا العودة في القريب العاجل يا رب ❤ ايام لا تنسى Mer Ve
الاكل غالي لتم؟