السلام عليكم و رحمة الله،
منذ أيام كنت قادم إلى الجزائر من فرنسا، و عند وصولي إلى المطار لاحظت طوابير كبيرة جدا عند التفتيش و طوابير كبيرة عند شرطة الحدود، ناهيك عن أن الطائرة التابعة للخطوط الفرنسية لم تكن في الوقت و الإقلاع تأخر لأكثر من ساعة و نصف،إلا أن كل الركاب كانوا هادئين و ولا واحد تكلم أو علق على الأمر.
الخدمات داخل الطائرة كانت منعدمة (رغم أن سعر التذكرة كان غالي) و لم يتم إعطائنا حتى قارورة ماء نتيجة التأخير و لكن رغم هذا الكل كان هادئ.
لما وصلنا إلى الجزائر، تصادف ذلك مع وصول 3 طائرات أخرى لذلك كان هنالك بعض الإنتظار عند شرطة الحدود الجزائرية التي كان أفرادها يحاولون للأمانة بذلك مجهود لتخفيف الوتيرة، إلا أن الركاب إنفجروا غاضبين و كانوا يتصرفون بعدائية كبيرة و بقلة إحترام حتى إزاء أفراد الشرطة ولا يتوانون في شتم كل ما هو جزائري.
عند الرجوع بعد أيام، إجراءات التفتيش و التسجيل في مطار الجزائر كانت سهلة للغاية رغم هذا كنت أسمع الإنتقاد من كل جهة و تزايد ذلك بعد تأخرت طائرة الخطوط الجوية الجزائرية ب ساعة واحدة فكان الكل يغلي و يستشيط من الغضب.
في الطائرة الخدمات كانت حسنة للغاية إلا أن الكل كان يبحث عن أصغر عذر للإنتقاد.
عند الوصول إلى فرنسا، كان هنالك طابور غير منتهي عند شرطة الحدود (قضيت أكثر من ساعة و نصف) إلا أنه و بقدرة قادر ولا واحد من الركاب أبدى غضبه أو حتى تكلم عن الأمر و كأن الأمر عادي جدا.
هذه التصرفات تحدث في كل مرة، و رغم أن الخدمات في المطارات الجزائرية أو في الخطوط الجزائرية بحاجة إلى تحسين في عدة مستويات إلا أنها ليست بذلك السوء، فلماذا يكن الفرد الجزائري يا ترى كل هذا الحقد إزاء بلده الأم و لماذا لا تكون الإنتقادات بطريقة حضارية و بنائة عوض تخطي الحدود و تلطيخ صورة البلد؟
التڨوعير بالعامية
صح كاينة خو يخافو يشكيو في فرنسا و يتفرعنو علا تاوعنا
أمهم فرنسا.
ناكد كل ما هدرت. والله يدخلو للجزائر تقول بلاد بلا راعي. كل واحد يولي يفهم. و في فرنسا والله طابور بالساعات والكلام تقول راهم عند جوج التحقيق
كل مرة ندخل ندخل دزاير دايمن فيها روطار …الشرطة بش تكاشيلك تقد عشرين دقيقة مع شخص كي شغل تيدر حصة تعارف
بالعكس كي ندخل فرنسا تمتم نفوت و نجبد باقاج و نخرج
Wi si vrai j’ai remarqué
لا تفسير و تعليق على الأمر، اللع يرحم الشهداء
اللهم
منشور في محلو
Je suis d’accord
كاين بعض المناطق فالجزائر فرنسيين اكثر من فرنسيين نفسهم يبغو كل ماهو فرنسي
Hypocrisie sociale
تفرعين يحبو يبانو كلاص
دار الناس متقدرش تنتقدها لأنك أنت رحت ليهم ومتسالش فيها بصح دارك كي تنتقد تقدر تغير و من حقك متعجبكش حاجة تهدر بصح كي تكون ظيف تشوف وتسكت
جلد الذات
صراتلي اليوم الصباح في مطار سطيف ، الله يبارك كلشي فات خفيف ظريف هكذاك و بزاف يشكيو على اتفه الأسباب .. لحقنا ليون إنتظار اكثر من ساعة و لا واحد جبد كلمة.
قمة النفاق
الفرنسيين كي يدخلو لبلادهم يفروها فخمس دقايق 😉
عقلية la bas chez nous
جلد الذات بكل بساطة
ناس عندها عقدة النقص لكل ما هو عربي و جزائري خاصة، كل ما هو غربي فهو ذو جودة عالية و كل ما هو فكر غربي هو فكر صحيح…
بارك الله فيك اختصرت وجهة نظر تمس اغلب المجالات كيكونو تما عقلية وكي يجو هنا يتفرعنوا والانتقادات ماتحبسش بالرغم من انو حتى في اقوى الدول كاين نقائص
في كلش مش غي ف هذي ، ف فرنسا تلقاه منظم و يتبع قانون وهنا يولي هايج كي شغل إمعة كما يلقى لي معه يديرو يدير
وشهد شاهد من اهلها الحمد لله لي قلت الصح ياخويا بارك الله فيك
صح لقطة هادي بكل يشكيو مي لخر فيهم يسرق قرعة مااا خاطي تاعوا الا من رحم ربي
شيء مؤسف وي هاديك أمهم فرنساا بيانسور ماعندوا علاه يعيط ويدير لقباحة
في فرنسا خطركش يخافو يهدرو
ليزالجيريان واش يجيك منهم حمبوك
جلد الذات
مشكلتنا عندما نسافر للخارج نصبر ونتحمل الذل أحيانا ونتحمل أذى وتقصير غيرنا…أما في بلادنا نضخمو الأمور شغل يا محڨورتي ياجارتي…. الله المستعان
القابلية للاستعمار خلاها كلمة مالك بن نبي الله يرحموا
قال بابا
لي عجبتو دار الناس يدعي لدارو بالخلا
مغلوبتي مرتي
اقرا لمالك بن نبي تفهم علاه