السلام عليكم ورحمة الله وبركاته
⭕️ليوم تلاقيت مع زوج من الناس كانوا دايرين طلب على بطاقة ذهبية جديدة (لأول مرة).
واحد الطلب تاعوا يعود الى 30 افريل واحد بداية شهر ماي.
✅ليوم كي داروا تتبع البطاقة على موقع ECCP خرجتلهم Valide، بعد ما كانت مكتوبة En cours de fabrication.
💭قلت ندير منشور #أنبه الأخوات و الإخوة لي داروا طلب لأول مرة فهذيك la période #بلاك يلقاوها تخدمت…(مارانا خاسرين والو).
👈ولا لقيتها Valide، من المفروض تزيد 10 أيام كأقصى تقدير وتلحقك لمكتب البريد بإذن الله.
🟢فضلًا، لي قدر يدير تتبع ولقاها Valide أو صالحة يخلي تعليق مع أسم الولاية باش الناس تعرف انه بدا #يتحل المشكل وبارك الله فيكم.
💥وان شاء الله تكون هذي نهاية حكاية الطلبات لي كانت حابسة منذ ماي…
هذا والسلام عليكم ورحمة الله.
AP Helper
#AP_HELPER
Posted in Tech
عندي كثرمن 3 أشهر ملي درت دوموند ومزالها تخرج en cours de fabrication ومقدرتش ندير تتبع (متخرجليش ف ECCP). ما الحل؟
وعليكُم السَّلام ورحمة الله وبركاته
من المفروض في قادم الأيام يبداو يلحقوا الطلبيات الجديدة و ﷲ أعلم
عندي بطاقة ولكن مقدرتش نحل بيها بريدي موب؟
درت طلب يوم 6 ماي مزال تخرجلي في طور التصنيع
طلبوها بخدمة بريميوم راهم في شهر يستناو …
مؤسسة بريد التبهدايل
وي لبارح تخدمت
منذ شهر ماي متوقف صنع البطاقات الجديدة عكس الذين طلبوها عن طريق خدمة بريميوم والذين انتهت صلاحية بطاقاتهم القديمة
مزالت طور تصنيع
من ماي
Depuis le 6 mai mazelet tt jr en cours de fabrication ra9mana ak chayef