الفيديوهات القصيرة جدا أفسدت الانترنت
كل مواقع التواصل الاجتماعي اكتشفت ماذا يحب الناس ولأن اغلب سكان العالم تافهون وكسالى وهذا منذ القديم
وبعد نجاح تيكتوك صارت تدعم هذي المقاطع لتحصل على هذا الكم من المستخدمين التافهين والذين تؤقر بهم الاعلانات ايضا وتربح كثير من الأموال
العلم والدين والمعرفة والثقافة لاتأتي من مقطع قصير من شخص يمكنه أن يقول مايشاء
إذا أردت سماع القرآن حط سماعة وسورة البقرة أو سورة أخرى واسمع لماذا تدخل تكتوك لتسمع آية وقد يكون بها أخطاء بالأحكام ويكون بها شعار هذي الشركة المفسدة
وكذلك كل العلوم والمعلومات والمعارف ، التاريخ ، التقنية، الفلسفة ، الفقه ،
هذا عن هذا ..لكن اغلب المقاطع فيها فجور وفسق ورقص وعري وليست للمعرفة ولا للترفيه والتسلية المباحة
#1001tech
Posted in Tech
صح من التيك توك مقدرتش نتفرج فيديو طويل و الا فيلم
احسنت👏 بارك الله فيك
تيك توك يستهدف الإستهلاك السريع و التجديد كيما المخدر بلا ما نحكوا على الرذائل
و جماعة شوف أنت واش تبع تقدر تستفاد منو نقوللهم هذيك المعلومة لي سمعتها في عشر ثواني نتحداك تتفكرها لمدة يوم
كل واحد وش يحب يتفرج ولا يتبع ولا منين يتعلم،. حبسو متدخلو رواحكم في حياة الناس الا نتا حاب اليوتيوب روح تعلم من اليوتيوب شكون حاكمك بصح لاه جاي تفرض في حاجتك عليا انا
ومنشن لجماعة تعلمت بزااف من التيك توك..خاصة أمور الدين الشرعية، وهو غالبا تسقسيه(ا) شحال كاين من ناقض للوضوء يروح يشوف ف غوغل
التيك توك منصة باه تضيع فيها وقتك وتفاجي “حسبهم” على روحك..هذي خدمتها..وشعبنا بسيف حاب يرجعها جامعة
يحيرني هذاك الي يقلك انا نستعمل التيك توك و تعلمت منه حوايج بزاف، حييت نقولك راك تخرط روح تعلم الصباغة مثلا في فيديو تاع 5 ثواني يصورلك قبل و بعد و انت تتحمس تحسبها خدمة ساهلة بدون عرق ههههخ
✔️
ما المقصود ؟؟؟
راه عندك طريقة تفكير سليمة شكرا
أروع منشور يفوت عليا من فترة
رانا فزمن السرعة ناس ماشي فارغا شغول تشوف فيديو فيه 10 دقايق واش يصلح فيه 2 دقايق برك .. حبسو تخيلات تاعكم
صدقت
صح هذا شي لاحظته في يوتيوب ناس كامل رجعت تهرب منه وتروح لتيك توك وحتى صناع محتوى رجعوا يروحوا منه
معنديش تيكتوك
كما اقول وقلت منذ ظهور
التيك التكتوك وكل الفيديوات القصير سواء الفيس او اليوتيوب او الانستا ماهي الا لتضيع الوقت لا اكثر
من يتوهم انه يتثقف فهو يكذب على نفسه
لايوجد اي علم ستحصل عليه في 30 ثا
كل علم يحتاج لاثبات وادلة للاقناع والفهم غير هذا انت شخص بليد يحاول ان يوهم نفسه انه مثقف ويحصل على معلومة من مصادر مجهولة
لازم تصحح التعبير تاعك الانترنت عندكم غير في فايسبوك و تيكتوك و انستنجرام ؟
لم تفسد الانترنت ، بل تشمل بعض مواقع للتواصل ،
مثلا Twitter مفيهش ، Reddit مفيهش ، quora مفيهش ، و باقي المواقع لي تنشر مقالات علمية و ثقافية واحد فيهم لا يستعمل فيديوهات قصيرة .
السرعة في تلقي المعلومات العشوائية توهم الشخص بالمعرفة تخيل كل فيديو 15 ثانية فالدقيقة عندك 4 فيديوهات عشوائيين كيفاه راح تثبتلك المعلومة يرحم الوالدين راح تتربى عندك عادة التعود على السرعة ماراح تقدر تتعامل مع المحتوى الطويل الدسم بالمعلومات راح تمل و تتعب بسرعة
الفيديوات القصيرة بدون اعلانات و التي تحتوي على المعلومة مباشرة احسن من فيديوهات اليوتيوب التي فيها مقدمات طويلة و طلبات للإشتراك و تفعيل جرس … و الأهم بدون اعلانات
في رأيي مقطع فيديو صغير أفضل بكثير من طويل .
مقارنة بسيطة مثلا تحب تعرف حاجة في الهاتف. تبحث في يوتيوب تلقى فيديو بعشر دقائق دقيقة شرح والباقي مجرد كلام جانبي في تيك توك او فيس او انستقرام مقاطع الريلز تعطيك فقط العصارة فقط .
يعني تحب تعرف حاجة بحث في تيك توك يوفر الوقت أفضل.
طبعا كاين حوائج لي يقدر يفيدك فيهم ماشي من تيك توك تولي ميكاني
حتى التيك توك فيه أمور مفيدة . و كل شخص على مادا يبحث . إن كنت تريد الرقص و العري فلك ذالك . و إن كنت تبحث عن شيء مفيد تستفيد منه فلك ذالك أيضا .
معظم المقاطع القصيرة تندار اما من اجل الدعاية لفيديو اطول او للترفيه، لي يحب يتعلم باينة يروح لفيديوهات تعليمية، مافهمتش واش الحاجة المقلقة في الموضوع ‘-‘