الناس لي سقسات على مواقع لي خدمت بيهم الاغنية :
1- الكلمات :
استعملت الشات بوت تع bing الجديد تقدروا تستعملوه و لي ما عندهش يقدر يستخدم chatgpt قوله برك يكتبلك اغنية راب مثلا في الحالة تاعي كانت :
Write a rap song in 2pac style about young man named habib who lives in Algeria.
ما تعجبكش زيد قله يعاودلك و لا عدل عليها انا خليتها كما راها ما بغيتش نتعب عليها كان تيست فقط و هذا جواب للناس لي طلقوا غمالتهم و فكاهتهم فالتعليقات.
ملاحظة : شات تع بينغ و لا gpt تع openai ما يطيحش ما تعييش روحي تقوله غنية في تطياح و شتم.
2 تحويل النص لصوت :
هنا كاين بزاااااف مواقع يوفروا الخاصية هدي لكن في الحالة تاعنا لي هي تحويل النص لصوت مغني استخدمت موقع
https://uberduck.ai/
موقع مدفوع و فيه free plan يكفي للغرض لي رانا نحكوا عليه…تلقى مغنيين ممثلين شخصيات معروفة …الخ
مدابيك كي تحطله الأغنية ما تنساش الفواصل و النقاط بسكو يساعدوك.
بعد ما تكمل يعطيك امكانية انك تحفظ الصوت كملف audio او فيديو.
3 الروميكس:
هنا كاين العشرات من التطبيقات و المواقع انا خدمت بموقع و تطبيق BandLab مدفوع و لكن عندهم free plan لي يفي بالغرض.
نتمنى افدتكم
ملاحظة : جماعة سيئة جارية هذه التقنية ليست فقط للغناء فأنت المسؤول عن نفسك و فيما تستخدمها.
أبوني باش يوصلوك منشوراتي فالمجموعة 😄
unlimited sayiaat for you 👍
و راك فرحان كي راك تبارطاجي ؟ هكذا راك تدي في الذنوب أخي الكريم الغناء حرام
شات bing
Apk wla site
كي قالك سيئة جارية قصدهم لي سمعو الأغنية لي حطيتها ديت على كل واحد منهم إثم
كل واحد مسؤول عن نفسه، عندك الحق…
لكن نتا الشرح تاعك كله عن الموسيقى و الأغنية كيفاه يديرها…. يعني اذا واحد طبق خطواتك فانت تسال فيها ايضا 😊
شغل واحد يحط الخمر فالطابلة و يقولهم لي يشرب انا ماشي مسؤول عليه😅
وكي قلت الجماعة اللي تقول سيئة جارية بلا بلا بلا … هكا يعني برأت نفسك من الإثم ؟
بالنسبة لتحويل النص إلى صوت كاين بزاف برامج احترافية أحسن و لا تعمل بالذكاء الاصطناعي
من بينهم
برنامج Vocaloid 5
و كاين هذا خرافي مستوى إحترافي Synth V
فيهم مكتبة لأصوات
و فيهم خاصية التلاعب باللحن pitch tuning
و التحكم بالصوت بإعدادات كثيرة في غاية الدقة
بالإضافة ل midi map
و صوت طبيعي للغاية
يعني تقدر تصنع أي أغنية بأي شكل تريده
طالما أنك عندك خبرة في استعمال البرنامج
و إليك هذه الأغنية نشرها أحد اليوتوبرز
قام بإنتاجها باستخدام هذا البرنامج Synth V
الصوت و كأنه لإنسان حقيقي
باستعمال
مكتبة صوت Solaria
و مكتبة صوت Stardust Infinity
https://youtu.be/zHzxRsjLBSk