اليوم راني مخلوع بأتم معنى الكلمة
مخلوع من العدد الهائل تاع الناس اللي دخلو تمالوس (شاطئ واد بيبي، البحيرة، بلحاج) اقسم بالله أكثر من 20 حافلة كبيرة و اما السيارات و العائلات… لا تعد و لا تحصى والأغلبية من قسنطينة بعدها سطيف و أم البواقي و العاصمة. وهذا كامل على جال الإشهار اللي داروه ليباج لكبار لشاطئ البحيرة. هيا صح موالفين يجو بزاف مي مش فأول اسبوع تاع الصيف 😃. المهم مرحبا بكم رانا نفرحو كي تجو عندنا 🥺 و لكن من فضلكم هزو وسخكم معاكم الله يستركم باش كامل نبحرو فالنظافة😚😚
Posted in Tourism, Uncategorized
سيلون اقرى السلام على واد بيبي
وفرو حاويات القمامة و كثرو منهم
لازملو ستايشن باه تلحق ليه😂
أوووووو أترباوا
وش لي يخلع فيك ناس عجبها بحر وسياح لازم يعرف مناطق وشواطئ جدد حطكم ربي غير تمشريك فم تربوا اكم كبار واعرف وش تهدر كنت قادرا تكون حافضو علا نضافة شاطئ نسيت بصح لا علاقة بسياحة و اقول نصهم قسنطنة وش قلقلك فيهم علاه بحر ومكتوب بااسمك تعيفو عباللك علا ديك سياحة مش نجاحة في بلادنا مع علم انا عنابية 💪
نجوه بلا إشهار شاطئ روعة
شكرا مولى لابلاج
لازم شباب يطوعو وينظفوه ..اذا تعولوعلى ناس تلم وراها ماشي ناس كل كيف كيف…
وين جااي 🥺
ماشاء الله 😍
الحفاظ على النظافة +++++
الشاطيء اللي يلحق ليه الباص غير نساه خلاص ، في خبر كان.
وان شاء الله تتبدل العقليات ويحافظوا على الطبيعة ليستمتع بها الجميع ، لا للأنانية.
استمتعوا بجمال وروعة الطبيعة مع نقاءها وخلوها كما لقيتوها نقية
روح يا واد بيبي بالسلامة .
اتهلاو فيهم من ناحية الإستقبال ووفرولهم الأمن والظروف الجيدة وعاملوهم مليح واخذمو على رواحكم خاوتي باه ما تفرغش بإذن الله حتى لسبتمبر
باسم الله ماشاء الله
سكيكدة و الطارف من أحسن الوجهات للسياحة في الشرق ، خاصة أن سكانها طيبين و يعرفوا يتعاملوا و عندهم الحرمة
رب يهدي شعبنا ويحافظ علي نظافة بلادو
خدمو الطريق وجابو جدارم=شوف بلاصة خلاف تتبحر فيها ….
من بكري يروحولها بلاك انت مش حاط معاهم برك ومذابيهم يوفرو لافتات توعية على نظافة ويديرو عمال يدورو تم منها يخدمو ويديرو توصيل منها اذا ماكانش وين يرمو النفايات هم يدوها مقابل مبلغ مالي حتى وحكاية وسخ تهدر ولا ماتهدر نقي نقي والموسخ موسخ ماعندك ماتغير فيه الا اذا فرضتها عليه مهم يوفرو خدمات تم منها شبيبة لتم تخدم وتدير بالها على لبلاصة
لا اعلان لا والو مكانش في قسنطينة لي ميعرفش واد بيبي قبل مايتشهر تلقى فيه غير تاع قسنيطنة وعلى العام نضيف يعني غير مكاله الشرات هادوك تاع 20 حافلة هادي جامي تصرا سيرتو في بلاصة كيما هاديك يعني المعنى تاعك باين بلا ماتحاول تلعبها نيتك تنشر السياحة وزيدلها الكلام الزايد تاع هزو وسخكم كاين ناس لازمها دروس بزاف باش تفهم بلي البحر مش رزق باباها
من بكري يروحولها ما تزيدوش عليها وطريقة كلام صاحب المنشور وبعض التعليقات مستفزة
الميساج لازم يخرج برا المجموعة خارج لي هنا نظنهم كل بنفس العقلية يعني ينظف بلاصتو ويروح
الكم الهائل تا الناس جايين عندك تسما اي حاجة مليحة للبياعة ثمة ما فهمتش علاه ناس يحطوها مش مليحة
وين جاي ؟
ملاحظة لناس تامالوس نظفو مدينتكم و اهدرو مع المير يهز المفرغة لي في طريق الشاطئ راهي تبهدل
تفكرت واحد يسكن في ولاية ساحلية قال لوحدة تسكن في ولاية داخلية مجاورة قالها تجو تعومو عندنا كملتولنا كامل الجاج 😂😂😂😂😂 هذو تفتحلهم السياحة 🥲
كي شغل ماوصيتش
هو الأكيد ليس كل ناس بتلك الثقافة و ترفد الوسخ لكن نستبشر خيرا في الشباب كل مرة يحاولو ينقوا المكان حتى تعم مثل تلك الأعمال
من هذا المنبر أخي الكريم غادي تنخلع بالاوساخ أغلبية الشعب الله المختار ميعرفش يلم خنزه و يشور لداره😢
انت ديجا راك تدير في الاشهار ثابت و اكيد بصح المجي تاع الغاشي كيران و طاكسيات يعلم ربي
دائما مع المشكل البسيط هاذا لي الجزايري رجعو مشكل عظيم بسبب عدم المبالاة. كون كل واحد يلم وسخو كون الشواطئ ماتتوسخش في الشهر الأول من الصيف.
منشور جميل نحي برك كلمة عندنا الشعب نيتو ديما ناقصة 😅
الغاشي تاع البارح و مزال يزيد اكثر من هكذا .
مالا العبد غير يحوس على بلاصة خلاف وين يبحر فالكالم و النظافة ملخر