بعد السلام عليكم اليوم حبيت نحكي في موضوع شفتو يدور بزاف في كل صورة نحطها حول التخييم 🏕️🇩🇿⚠️
-بزاف ناس تقلك متخافوش الحيوانات تزدم عليكم 😱🦍 ؟!
أولا مكاش فالغابات تاعنا حيوانات مفترسة لي تخلع ،نحكو عليهم شوية ⏬️⏬️
– كاين القردة 🦧 حدها تهبط تسرقلك الماكلة وتروح يعني ماتشكل حتى خطر ✅
– كاين الخنازير (أكرمكم الله) 🐗 ،كي تكون النار شاعلة🔥 و الحركة مستحيل تقرب للمخيم ، تقدر تقرب بعد النوم للبحث عن الأكل بدون ماتشكل خطر ومن المستحسن عدم نصب الخيم⛺️ في مكان عبورها ، والحِرص على تنظيف المكان وجمع القمامة ووضعها في مكان عالي مثل أغصان الشجر 🌲
– النقطة هاذي لي تقلقني وتهبلني فالمخيم لي هي الحشرات 🕸️🕷️🪰🪲🐞🦗 ، الناموس تاع الخلاء سامط فدائي تحرك روحك ولا متحركش يسموها تشفط الدم للقطرة الأخيرة 🩸 الحل لازم تقتلها وفقط مكاش حل هههه 👊🏽
الذباب تاع الخلاء عندو مهام مغايرة على تاع الدار لي نعرفوه 😅 هذا يقلقك وفوق هذا يقرصك وبعدها تتنفخ البلاصة لي كان فيها مشكل كحل والله 😢😢
لذا ينصح كي تكون مريح فالخارج تلبس لباس طويل سروال وزيد تقاشر عالين تان وتريكو طويل هكذا وكاين لي محترفين فوق التقاشر وتعطيك 🤪🤣، وأغلق طونت تاعك مليح وكي تكون داخل ليها طفي الضوء باش مايتبعوكش 😂😂
وقت الأكل حط الضوء بعيد شوية ماشي فوق طابلة راح يطيحو داخل الماكلة😱😱
– الحيوان هذا يخافوه بزاف ناس لي خاطيهم التخييم لي هو الذيب 🦊 النوع لي كاين هنا في بلادنا صغير ويخاف ميقربش للإنسان خاصة كي تكون فيه نار شاعلة ، راح يخوفك مالبعيد بصوتو برك وماشي وحدو كي يكونو قطيع 😂، من أجمل الأصوات لي ممكن تسمعها وانت راقد 😍😍
حاجة اخرى لي بزاف ناس معلبالهمش بيها هي هاذوك الناس 👀👻 متواجدين وبقوة فالأماكن الخالية لذا كي تكون رايح دير حسابك وحصن روحك بالأذكار والقرآن حاجة ماتضرك بحول الله ولكن راح تعيش أجواء خيالية هههه هاذي نحكيلكم عليها في ستاتو أخر 🫠🤪💁🏼♂️
لي عندو إضافة فالموضوع يتفضل نستفادو من بعض 💚💚
#حوس_بلادك #نقي_بلاصتك
في التخييم كاين واحد الكائن خطير لازم تديرلو حساب، مشي يسرقلك الماكلة، قادر يقتلك قاع
سموه الإنسان.
هاذوك الناس 😂، أحكيلنا عليهم يلا تلاقيهم، تسما ضرك الواحد كي يروح يهمل يدي معاه راقي 😅
ملخر تبانلي الي يدير التخييم يزيد عليها
روح حوس ولعشية ارجع لداركم
و هاذوك الناس واش حكايتهم 😂 احكينا عليهم
شحال فخاطري بصح علبالي كون يسمع خويا فاش راني نخمم انحلي التيليفون واقلي نتي مش تع كنكسيون 😂
مشكل الذيب وهذوك الناس
الذيب ساهل وين نشعلو النار نشوفو غير عنيه بحذانا
وأما العالم لآخر التحصين ثم التحصين والابتعاد على المبيت وين كاين برك الماء
ميزيرية گحلة
باغي نجرب التخييم هذا في غابة بعيدة وحذا كاش واد وو ..بصح الرفاق مكاش😅
حاجة شابة و تجربة فريدة بعيدا عن روتين الحياة 💯
بخصوص الذباب انت برك ما عندكش التاويل… انا مع الزوجة ديت معايا باتري والتاويل ولاباراي تاع الناموس… الخ ناموسة ولا ذبانة ما تجيك كامل يمرقو خخخخخ بخصوص الجن جامي كونبيت وشفت دلالات تاعهم انا على كل حال… بالعكس الخلاء هو أأمن بلاصة بالنسبة ليا.. بالتوفيق
Ki krit hed les lignes bah nahi l’idée ta3 bivouac à vie 😵💫😵💫😵💫😵💫
Elbary Elbary
منشور يزيد يخوف و شكرا 😅😂 لالا نضحك برك هي صح ما عندناش حيوانات مفترسة بزاف في البرية لكن هكذاك و يليق تاخد احتياطاتك مليح و يكونو على الأقل زوج اشخاص مع بعض مشي واحد وحدو أكيد، مرة جاية حطلنا وينا بلايص فيهم التخييم يكون مليح و شكرا على الموضوع الشيق ♡
المهم كي تروحو تحوسو على الحطب عمرك ما تقطع من شجرة ..
هاذوك الناس كيفاه حكايتهم 🥴
حابة ندير تخييم في الغابة 😍
ديرو خرجات هكذا en groupe تدونا معاكم ؟
J’adore les aventures 😁
هضرت على كلشي الا الانسان اللي هو الخطر الاساسي على من يخيم
إضافة بالنسبة لهادوك الناس
المكان اللي راح تخيم فيه عليك بالاذان غير ماتوصل وانوي تصطالي لازم عليك ترفع صوت الآذان
أنا شخصيا أخاف من الإنسان و ما نخافش من الحيوان.
نسيت الضبع!!!
مع كل وش ذكرت بصح متعة … و هاذوك الناس كي توصل للمكان عليك بالأذان و الأذان في كل وقت ووالصلاة ووراك محصن بإذن لله
انا تبانلي اخطر حاجة هي البشر ، لوكان يتفاهمو جماعة بالاسلحة يزدمو عليكم هذاك المشكل ، يسرقوكم و بالشك لا يخلوكم سالمين ، لي عندو حل لهاذ المشكل يتفضل
الافاعي؟
دونا معاكم 🥺
و الافاعي ؟
الذيب و الحشرات والكلاب 🚶🏻♀️🚶🏻♀️🚶🏻♀️
أسوء حاجة فتخييم
Zaidi Nabil اكدلي على صوت الضفادع هاذيك الليلة
كاين حاجة مهمة نسيتها بزاف وهو أخطر كائن مفترس يسموه الانسان
Saêd Snç
Omar Benslimane
اصلا نخاف و كي زيدت قريت هكذا مستحيل نخييم
معمرة حلوف غاباتنا