♦️ بعد انقضاء موسم الإصطياف و بهدف الحد من الغش وسوء المعاملة الموجود في المجال السياحي وإعانة الغير على إختيار الأفضل.
قررنا فتح المجال أمام الأعضاء لمشاركة تجاربكم مع مختلف المجالات السياحية داخل و خارج الوطن
🔸️لكم الحرية في الحديث عن تجاربكم سواء كانت جيدة Top أو سيئة Flop أثناء تجربتكم لأي خدمة سياحية (فنادق، منتجعات، رحلات منظمة للداخل أو إلى الخارج بشرط ان التنظيم يكون جزائري، مطاعم فنادق، ملحقات الفنادق، مسابح، قريات سياحية، تحويسة مع guide)
⚠️ لكم الحق بالتعبير بأي لغة كانت : دارجة، عربية، انجليزية أو فرنسية
⚠️ مشارتكم مشروطة بإلحاق صور أو فيديوهات غير شاملة للأشخاص، لا صاحب المنشور ولا السائح و لا السياح الآخرين و surtout pas عمال المنتجعات و المرافق المذكورة أعلاه
⚠️ لأصحاب المرافق و عمالها الحق التام للرد
⚠️ يتم تنقيط المرافق السياحية المذكورة أعلاه وفق تنقيط المشاركين، حيث يرجى من كل مشارك، إضافة إلى الهاشطاڤ، إضافة نقطة عامة في آخر المنشور، و حسب عدد التنقيطات للمرفق الواحد نقوم بحساب معدلها و تثبيتها في المجموعة لتكون référence للأعضاء الآخرين الذين يريدون قضاء عطلهم أو نهاية أسبوعهم أو حتى الأكل أو الاستفادة من احدى مرافق هاته المنتجعات
🔸️الحديث يكون بدون شتم أو تجاوز للحدود، مع إدراج جميع التفاصيل (صور، مقاطع فيديو ، وصل الحجز ، ….)
وبالطبع يوجد حق الرد كي لا يظلم أحد.
⚠️ نعدكم بنشر آرائكم و أجوبة أصحاب المرافق في العديد من مجموعاتنا، المطاعم في Cuisine ،
Les spa في santé
لكي يتجلى للمواطن معرفة ما ينتظره و إيصال صوته ✍️
#1001_rating
@everyone
ماخرجتش من الدار صيف هذا ملي ديت لعطلة تاع لقرايا لليوم 🤦💪
#لا_تجارب
سلام عليكم عندي سؤال قرية تع بوزجار عين تموشنت شعال أسعار كراء و مسافة اذا بعيدة على بحر و رأيكم فيها
التيكيات تاع مواقف السيارات (المحروسة) عبر الولايات يطبع فيه عبارة
(لا يتحملون مسؤوليات حدوث اي سرقة او كسر يلحق بالسيارة)
مالا علاه راهم يقولو موقف سيارات محروس ؟ ولا يحرسو على الدراهم لي يدخلوهم و البقية يجيب ربي !
مقارنة بسنوات مضت على العموم مستوى مقبول أنا نتكلم على شواطئ العاصمة (بحكم عملي فيها)
انقضاء!!!
نا هدوين رح نبدا نصيف😫🤷
انا هذا وين غادي يبدا الصيف عندي
مبادرة مليحة لتحسين الخدمات و هذا سيعود بالفائدة على الكل ان شاءالله سواء للمصطافين و المنشآت السياحية
زرت الكثير من الشواطئ ما لفت انتباهي كثيرا كثرة الأوساخ خاصة القرع نتاع الماء قلبي وجعني
شخصيا روحت لثلاث ولايات ساحلية
سكيكدة : روحت لفندق في فليفلة انا زوجة ثلاث بالي مع العشاء بزوج ملاين في حقيقة عجبني و متوقعتش أنه في جزائر كاين فندق بهذا سعر و خدمة جيدة qualité / prix
عجبني ، حوست مليح في سكيكدة لقيت ترحاب جيدة تقريبا معنديش حتى كومنتار عيان عجبني
عنابة : روحت يوم واحد و اول مرة نروح لعنابة صح عنابة حسيت ظلمتها و ايضا كاين بزاف ناس هازين فكرة موش مليحة على عنابة ، كريت في لوتال صابري كراء غالي ليلة ب 8000 دج انا وزوجة و هكذا كامل برومصيو ، الحاجة لي خلعتني في عنابة ناسها طايبين موش نرومال خلاص تخيل حكمت طاكسي ياسير كي شافني اول مرة نحي عناية دار بيا عنابة كامل و و بالي اجمل مناطق حتان توست منه قلت ضورك يشحطني في ربي و لكن بكلعكش حكم عليا 200 دج فقط و ايضا حكمت ياسير آخر كان خاصني نشري حليب لرضع خاص لولدي دار بيا عنابة كامل صديلية صيديلية حتان لقيت واش نحوس و ايضا خاص غير 200 دج ايضا الاكلات بحرية عندهم رخيصة فور ، عنابة لازم نعاود نرجعلها حقيقة يوم واحد ملقيتش نقاط سلبية فيها
جيجل : روحتلها كريت في دار جيجل جميلة جدا و ناسها ايضا طيبين
ممكن نقاط لي معبجونيش دار لي كريتها على اساس ف 2 لقيتها كراج مقسمو و حسيت كراء غالي شوية جاني 4500 دج ليلة ، وحسيت سماسرة لي يكرو ثم ماعندهمش ضمير لأنه كريت دار قبل هذه في آخر لحظة بطل عليا الحمد الله اني كنت مزال مقلعتش كي بطل عليا
و ايضا غاشي بزاف بزاف و لكن روعة
ماكلة صراحة معجبتنيش و غالية ممكن مطحتش في لي ريسطورو ملاح
هذه هو اختصار تصيفة نتاعي هذا العام
المهم بلادنا روعة
بارك الله فيكم حاجة مليحة
رحت للقل كرينا دار في عمارة …عند الباب كاتبين بيت مسكون…وصح كيما كان الحال جوزناها خلايع
❤️❤️