بعد كثرة الإنتقادات دون وجه حق من طرف أغلب شعبنا أريد توضيح بعض النقاط بخصوص حصولي على المرتبة الأولى في مسابقة أحسن فيديو ترويجي للجزائر المنظمة من طرف وزارة السياحة.
✅الفيديو المتوج بشهادة 7 حكام من مختلف الوزارات إستحق الفوز لأنه صور تقريبا كل ولايات الجزائر.
✅ ماعندي حتى معريفة بالوزارة أو لجنة التحكيم والذي نفسي بيده فوزي كان نظيف.
✅ في الجزائر لا يوجد فقط خبيب و جمال و بلقاسم والدقس نعرف ناس بزاف هاربين عليهم تصوير ومونتاج فقط ما يحبوش الظهور وعملهم تجاري أكثر منه صناعة محتوى.
والأسماء التي ذكرتها سابقا عملها صناعة محتوى VLOG وليس فيديوهات سينمائية احترافية وما عدا خبيب او جمال لا اعتقد البقية عندهم مستوى عالي في التصوير والمونتاج .
✅بعض الناس تحكم على الكتاب من الغلاف وفقط ولا تبحث عن الموجود في الداخل وفيما يخص الفيديو تاعي بشهادة وزير السياحة قالي عمل عظيم ولا فخر.
✅بخصوص الناس لي قالو لم يتعب عليه فقط درون وقلب عندكم الحق والدليل سافرت الى تمنراست و جانت و البيض و سكيكدة و عدد ولايات تجاوز 40 ولاية وحتى الدرون كانت تصور وحدها كما تبغي هيا والمونتاج ثان تركب وحدو .
✅ الناس لي قالوا هذو في حومتهم وما يعرفوهمش عندكم الحق ولكن صدقوني الوزارة يعرفونا مليح ويقدرو مجهودنا اضافة الى الناس اللي يقدرو تعب الاخرين في مقدمتهم الأدمين Ab Dou الذي نشر موضوع حول هذه المسابقة.
كما أتمنى من الصفحات المعروفة نشر الفيديوهات الرابحة حتى يتوقف الناس من التنمر دون وجه حق.
أخيرا شاهدوا الفيديو ثم احكموا عليه ومن يريد جودة عالية يوجد في صفحتي على فايسبوك ويوتوب بجودة 4K وتحياتي.
#
بالتوفيق ربي يعينك مديرش عليهم ناس تحب تشرك فمها برك نفسهم لينتقدو نفسهم لراهم يدعمو فاشباه المؤثرين والمؤثرات …خلي البير بغطاه
قوة الله يبارك
ما شاء الله …فنان …بالتوفيق و تستاهل
ما ديرش على أعداء النجاح فيديو عالمي برافو
الحقيقة أنهم في رأيي قدرو تعبك و مجهودك و هو يستحق الفوز، و ليس مهاراتك و إبداعك، للأسف أخي مونطاج بسيط و ايس إحترافي و مافيهش كثير من الزوايا. إن شاء الله تتدارك الأمر و تحسن هذو الأمور و بالتوفيق.
لي معجباتوش الخدمة ايجيب لي خير منها
يعطيك الصحة خدمة متقونة وهدرة موزونة
اذا يوجد لديك ثقة في نفس لاداعي لتبرير لانك لن ترضي الناس تعلم ارضاء نفسك والعمل بجد بتوفيق في قادم الاعمال وشكرا
نصيحة برك ما لازمش تجبد اسموات الناس و تقارن بهذه الطريقة…على ما أظن تجريحية…الاهل بروحك و خلي خدمتك تهدر عليك…ربي يوفقك
فيما يخص المونتاج فهو عادي جدا جدا و ما فيهش الإبداع…لازم تقرا زوايا التصوير من قبل ما تبدأ التصوير..ربي يوفقك
سكيكدة تحتل المرتبة الأولى
يعطيك الصحة، عمل رائع.. ربي يوفقك
هذا فيديو ترويجي معناها تروج للسياحة للاجانب و تعرف بالجزائر و التنوع الجغرافي و المناخي لي فيها بالصحراء و التل الناس تقول خبيب و الدقس و منعرف هذوك صناع محتوى يعرف بطريقة اخرى بصح فيديو كيما تاع خونا تلقاه فالنشرة و القنواة التلفزيونية عادي.
و بالنسبة للفيديو عالمي و يستحق مع الاخرين التتويج بصحتك اخي ان شاء الله مزيد من النجاحات
ربي يوفقك خو
ما هذا الاسلوب التجريحي ؟؟ انسان في السياحة المفروض مستواه الفكري يكون ارقى من هذا .. تسمية الاشخاص و مقارنات بدون معنى والله شئ محزن ..
تخدم واش تخدم ينتاقدوك غير ما تعييش روحك اخدم خويا و مبروك عليك و تدورش موراك
تستاهل مرتبة شرف
فيديو عالمي عالمي ….اول مرة نعرفك اخدم خويا ربي ينجحك
الله؛ يبارك
ليتك تتحدث عن عملك ومجهوداتك دون دكر اسماء اخرين دو شعبية حتى تكون في المستوى بالتوفيق
لا تفرع عقلك مع هذا الشعب.. عمل قوي جدا.. تستاهل ما خير… و هاذو لي يصتصغرو في الامور و يقزموها.. و الله ما يديرو حاجه.. نصهم يحبو تاع الملوخية.. شياتين بالفطرة
سمحلي خويا تقبل الإنتقاد الفيديو مقبول عموما يعني جيد لكن مفيهش حاجة خرافية و متقدرش تقارنو بالفيديوهات تاع خبيب مثلا بالدرون و حتى المونطاج هارب عليك بزاف من خلال زوايا التصوير و التحكم فالدرون و فالمونطاج خصوصا فمعالجة الالوان اسكو درت معالجة الوان صح الفيديو تاعك اخي بعيد كل البعد على الاحتراف و صح كاين ناس بزاف قاويين فالتصوير والمونطاج على خبيب و جمال لكن حاليا انت ماكش منهم عوض انك تدير منشور كيما هاذا شوف الاخطاء تاعك و حاول تعالجهم و عمرك لتستشهد بوزير السياحة و الحكام لي تحكي عليهم لانهم مهمش اهل ميدان واش يفهم الوزير فالمونطاج و التصوير و اهم حاجة فطريق النجاح انك تتقبل الإنتقاد مش معناها انك تنقلت ل 40 ولاية معنتها الفيديو تاعك مليح حاول تطور من نفسك خويا وربي يوفقك
Ana wahed m n’as makontch na3erek mais ki chet had l vidéo nmdlk 10/10
اولا ربي يوفقك في عملك ومشكور ، بصح مافهمتش علاه دائما عندنا عقدة النقص من رواحنا وحب التبرير للناس باش يرضاو علينا!!! اي واحد يخرج للناس ويبدا يبرر اعرفو ماهوش واثق من نفسه وعنده مركب نقص يا اخي انا ربحت وخدمت خدمتي وتعبت علاه نجي نبررلك ؟؟ ومبعد هدرو وقالو مايستاهلش وفي حومتو مايعرفوهش وووو شكون بدا يعرف وشكون تعرف بلا تعب وخدمة؟ ياسيدي راكم عرفتوني هذا ديماراج ليا باه ديرولي حساب منا وجاي سمحلي مي لازمك تخرج من الاطار الضيق لي راك فيه باه تنجح
تستاهل كتر من 50 مليون 👏👏👏
ربي يوفقك
يعطيك الصحة. ومبروك عليك
من جهتي فيديو عادي ماشفتش فيه حاجة مميزة و اكثرت التصوير بالدرون 🤷🏻♀️ مقارنة بخبيب يخليك تستمتع بالفيديو من جهة زاوايا التصوير و الالوان مونتاج خرافي حتى الدقس لي بوسائل بسيط يدير فيديوهات شابين .. و الوزارة لي تحكي عليهم ماراهمش من دومان و اغلبهم كهول كل حاجة عادية تبانلهم حاجة كبيرة .. اتقبل النقد و حاول تحسن من نفسك
Bshtk hbb video chebab testahel
جاني عادي جدا
ربي يبارك خويا ❤️
تستحق التتويج باللقب الف مبروك
خويا من تالي رحم على الكهول اللي مدولك التقييم عملك في الواقع متواضع .
اتمنى لك المزيد من النجاح بالتوفيق .
ببساطة لأن الحكام السبعة كانوا كهولا