#تجربة_سفر مع Flynas
حجزت قبل بنهار لجدة من التطبيق لي كان ساهل بزاف.. الطيران المباشر غالي ايا حجزت ترانزيت للرياض مبعد جدة.. اول تجربة مع الطيران الاقتصادي وفالخيارات نحيت اي حاجة نقدر نخلص عليها الزيادة
نهار السفر كنت خدامة النهار كامل + الرحلة 6 تاع الصباح يعني مرقدتش الليل ايا شريت مخدة تاع السفر وقلت نحاول نرقد شوية فطيارة
المقاعد طبعا ضيقة ومش مريحة بزاف بصح كنت مصممة نرقد.. غطيت عنيا وحاولت ننسى برنامج تحقيقات الكوارث الجوية لي نتفكرو كلما نركب طيارة
غير بديت نحس بالهدوء النفسي والنعاس اخيرا جاتني المضيفة تنوضني وتقولي “we have something for you” انا قلت جابولي ناكل 😅 قلتلها yes مدتلي قرعة ما !
راح النعاس وكملتها نتفرج فالغيوم ونشرب فالما 😂
الطيارة لي وصلتني للرياض كانت مليحة بصح لي داتني لجدة كانت تتهز بشكل مخيف.. تاع الرجوع كانت فيلم رعب لدرجة الركاب بقاو يسقسيو اذا كاين مشكل
فلاي ناس سعر ممتاز بصح تجربة متتعاودش ان شاء الله
الرحلة كلفتني 1440 درهم اماراتي
الفيزا 412.36
التذكرة 948.01
الطاكسي من جدة لمكة 80 ريال
الفندق الوالد هو لي خلص (نورمالمو 200 ريال الليلة)
يعني واحد ساكن فالامارات يتكلف حوالي 2000 درهم للرحلة ويقدر يحجز من قبلها بفترة باش يخلص اقل
حتى معاملة ناقصة بزاف
فلاي ناس …التشناف داير حالة….الكرسي 90درجة..ظهرك يتقسم
تمشي فأوروبا ولا غير فالخليج ؟
فلاي ناس مليح نعم و اقتصادي
انا جربت من الدوحة الاسبوع لي فات لقيتها فوق 1500Madjda Zabat
🤔
فيلم رعب ☠️
وسمو التطبيق من فضلك أختي
أسوأ طيران في العالم، تحكي مع كستمر سرفيس تاعهم تحمد ربي على حاجة يسموها اير الجيري.
طيران low budget…. من النوع الرديء جدا.
جربتها ، كانت عادية جدا 😁
من جدة ل مكة استعملي قطار الحرمين احسن ، ارخس واسرع وافخم واريح
Flynas ركبت فيها من الدوحة لجدة
تقول راك راكب في j9 في الطريق الرابط بين الحراش و براقي
فيزا السعودية 100€ سياحية ولا تع عمرة ؟
حبينا نعرفو بالدينار الجزايري شحال
مواجي عبلة