تقييمي لنزل ديار المدينة الحمامات الجنوبية الاستقبال : 8/10 أعوان محترفين يستق

تقييمي لنزل ديار المدينة
الحمامات الجنوبية 🇹🇳🇹🇳
🍀الاستقبال : 8/10
أعوان محترفين يستقبلك بالابتسامة ويجاوبك على كل الأسئلة الي يخليك تفهم انه كل شيء منظم
☘️البيوت: مختلفين حسب الموقع
فما
📍 بيوت فوق الاستقبال وتطل على الشارع
📍بيوت مقابل الاستقبال عبارة عن شقق مفروشة متوفر فيها كل شي و قدامهم بيسين
📍بيوت في الفناء الخلفي الي مزروع أشجار زيتون عبارة عن شقق فيها الي حتى بطابقين
📍بيوت وسط السوق كيف المثال الي في الفيدو وهنا لازم يكون انسان يحب الحركة و الحس لان بيوت الي في السوق جاية قريب المقاهي و الحوانت و الأجواء ديما حركة حتى لليل
تقييمي إجمالي 8/10
الشقق كاملة فيها الصالون و غرف نوم حسب عدد الأشخاص و فيها الدوش و بيت استحمام وفيهم الي متوفر مطبخ هذا بالنسبة للعائلات
☘️النظافة 10/10 الي لاحظته انه كل شي مراقب بطريقة متواصلة يعني فما مسؤول على النظافة يتابع و يراقب و يوجه العمال البيوت تتنظف كل يوم و تغيير المناشف
🍀البسين : عجبني اكثر البسين وين أشجار الزيتون
البسين الي قدام الاستقبال معرض للشمس اقل تقييمي 7/10
☘️المطعم: صغير نسبيا مع كبر الوتيل حسب رايي
الاكل متنوع و متوفر و كل خير موجود تلقى حتى الأكلات التقليدية التونسية
فطور الصباح هايل و العشاء ديما احسن من الغداء
تقييمي 7/10