جيت نعطيلكم رايي في هاذو لي headphones 👇
— الأول p9 ولي شاع بزاف مؤخرا شريتو ب 280الف سعر يقدر اي واحد يشريه بصح ما يشبه لوالو ..
الصوت تاعو ناقص وخاصة كي تعود برا ما تسمع والو غير كي تزيد بزاف ..
وزيد يخرج الصوت ، لي قدامك يسمع كلشي
بلا مانحكي على انو فراجيل خلاص كون تحطو في كارطابل ولا .. يتكسر.
تشارجيه ساعتين يحكم 6 ساعات.
وماهوش تاع استعمال يومي نهائيا عندي 4 اشهر ملي شريتو بدا الصوت تاعو يفسد .
— والثاني sodo عندي 3 سنين ملي شريتو ، ب800ألف الصوت تاعو عالم ثاني من كثر ما الكاليتي تاعو مليحة جامي زدتلو على لخر
يعزل الصوت تاع برا وزيد مايخرجش الصوت نهائيا
لاشارج كنت نشارجيه ساعتين يحكملي 3 ايام نسمع ديما.
ماهوش فراجيل والميزة لي عجبتني فيه بزاف هي انو وحدة من الأذنين تاعو كي تدورها على برا (كيما فالصورة ) تولي باف يعني تقدر دير بيه عرس نورمال(تعبير مجازي)..
3 سنين وانا نسمع بيه يوميا (مانستعملش الكيتمان نهائيا) وما صرالو والو غير مؤخرا فسد الباطري تاعو و
خسارة مازدتش لقيتو يتباع.
#1001_tech
