حبيت نجرب معاكم تجربتي لزيارة ولاية بجاية مهم هي تقريبا قريبة على العاصمة على حسب ولايات أخرى بالنسبة لسكانها ناس مشاء الله و يحبو ضياف بلنسبة لينا كي يشوفونا عائلة يجو يسقسو بابا وين راك رايح ولا كشما خصك و ميبروفيتوش فسياح كامل مثال كامل لي باركينغ في الولاية ب 100 دج مام ماكلة في بجاية فيل بنينة و سعر تاعها نفسو في العاصمة و تان مكانش فيها بزاف سركلة و مشروحة اما مناطق لي زرناها هي:
♦️شلالات تيزي نبربر( تمشي بطوموبيل من أوقاس و تطلعو لجبال تحويسة بزاااف شابة)
♦️شلالات كفريدة (فيها شوية غاشي بصح بلاصة شابة تستهل زيارة )
♦️كاب كاربون (غنية عن التعريف روووعة )
♦️بجاية لافيل ( تتشبه بزاف لألجي سونطر و بزاف شابة و نقية)
♦️ سد أغزر أوفتيس دام ( من أروع أماكن لي شفتهم في الجزائر يعومو ناس فيه ماشي في سد يعومو في واد تاعو )
♦️كاب أوقاس ( بلاصة ننصحكم تزوروها مع الغروب منظر هايل و تان فيه طوابل بشرط تشري باه تقعد فيهم و أسعار في متناول الجميع)
♦️ميناء الساكت( يكرو فيه رحلات بيخت و بزاااف غالين على مواطن عادي بصح يخلوكم تدخلو دورو فيه تحويسة شابة )
♦️ طريق لي تدي من ميناء الساكت لي بني كسيلة ( تحرقت بزاااف و ريحت نار مزالها للدك ربي يعوض أهلها ان شاء الله و هداك و مزالها شابة)
♦️أما بالنسبة للبحر كاين بزاف شواطئ فارغين لي ميحبش غاشي
حبيت نقول لناس لي يقلكم اخطيكم من بجاية و ماشي تاع العايلة حبيت نقللكم بلي حنا كعائلة محافظة حوسنا مليح و ألاز صح يديرو سهرات و يحبو زهو مي واحد ميحتم عليك تريح فوسط سهرات كاين بلايص و لي جاردن مفيهم والو أما بالنسبة للبحر تان كاين بزاااف شواطئ فارغة حنا كنا نخرجو مع صباح نعومو وحدنا للعلم حتا أنا كنت نقول ماشي تاع العايلة مي كي رحت ليها بدلت رأي تاعي كامل من هذا المنبر متسمعو لحتى واحد و روحو شوفو بعينكم و تحيا ناس بجاية ❤️ و كاين حاجة التنقل أتكلو على ڨوڨل ماپ و متخافوش يلحقكم سواسوا
بصحتكم
Anouar Bayoud hayhayhay
بصحتكم
شحال رحلات يخت
بصحتك
بجاية الساحرة ❤️
ياحصراه على بجاية غنية عن تعريف. جمالها. لا يقارن وناسها قمة. كجمال بجاية نقية صفية
بجاية تعجبني و ناسها ملاح بزاف و يعرفولها ماشي كما جيرانهم جواجلة،بصح العري في شواطيء هو لي هربنا منها
نتمنى يداركوا هذا المشكل مع العائلات المحافظة
وجهة نظر واحدة يعطيك الصحة و تحياتنا لناس بجاية