حبيت نفهم
كان عندي رقم 0771 مديتو لبابا وليوم عيطولوا برقم فاكس قالولو حنا تع شركة جيزي
وسقساوه اسكو هذا الرقم تعو قالهم مش تعي
هدا تع ابنيايا قالولو نتا وش تخدم ووين تسكن وشحل عندك ولاد
من بعد سقساتو قاتلو اسكو راك تستعمل فيها ولا راح تسكرها واسكو راك تدير فالانترنت والهدرة فيها قالهم ايه
من بعد قالولو نشكروك على الاجابة على الاسئلة وكوباو
حبيت نعرف هذا اجراء موالف يصرالكم ولا اول مرة تصرا
توسوست 😏
Posted in Tech
مجرد اسئلة فقط لنعرفة احصاء استعمال البيس والانترنيت وغيرها
مجرد احصائيات برك
متعامل تاع هاتف يسأل واش تخدم شحال عندك ذراري؟؟؟؟
ياخويا إذا نتا مول الشريحة ادي بطاقة التعريف الوطنية أو روح ليهم يجاوبوك
انا بانتلي غريبة هادي الأسئلة
عيطولي انا تاني وماربونديش عليهم هههه
هذي لابيس مكتوبة باسمو ؟
جيزي نورمال موالفين يعيطو باش يديرو الإحصاء
مرة عيطولي في اوريدو سقساوني واش يخدم الاب تاعك، وشحال نتوما في الدار، شحال عندكم من كليماتيزور و فريجيدار… ساعة و هي تسقسي ماخلات حتى حاجة ماسقساتش عليها !!
هاذي هي خدايم جيزي
كانت عندي عيطولي ثاني و سقساوني بصح كنت حاسبها سبام محبيتش نجاوب
و من بعد وليت شحال من مرة نتلاقا بهاك منشورات سقساو ناس
و الله اعلم
موالفين يديروها حتى بليميساج ثاني
نورمال عادي
موالفين يعيطولي نكوبي ديراكت😂
شوف الأسئلة اذا توشي امور خاصة او واذا متعلقة بالشركة
موالفين نورمال
استبيان فقط
نورمالمو هذو الاسئلة هما لي عندهم الإجابة عليها الا عدد الاولاد و واش تخدم سؤال غريب !!!
انا يعيطولي باش يستفسرو هكدا ونقلهم راه ريزو نتاعكم عيان ونكوبي عليهم 🤣🤣🤣
الإحصاء الوطني للزبائن
انا نكوبي عليهم
الرقم نتاعهم لحتو فلبلوك
هاذي نورمالمو مكتب دراسات كيما يقولو نورمالمو معندهمش حق يسألوك هاذ الاسئلة خاطر تبقى خصوصيتك اذا كي يعيطلك كوبيلو الهدرة من البداية وقلو منجاوبش وصايي
شركات استبيان تجمع معلومات وتبيعها
شحال الرقم لي عيط لك
غير يعيطولي نكوبي ديراكت
موالفة تصرى
ايه مام انا عيطولي وجاوبتهم ماعرف وش فايدتها
جامي ترفد عليهم كي هوما كي موبليس كي اوريدو
علاه يحوس على معلوماتي انا شخصية مزوج لالا ولادي لالا
من الاحسن تروح لعندهم
عيطولي خطرة وولاو يعيطو مانهزش
هذو ما شكيتش تاع جيزي .. من الممكن يكونو كاش شركة تاع احصاء
هاذو شركات استبيان
نعم تصرا و صرات معايا كذا مرة بلي ميساج
ماشي جيزي لئ عيطولو
كانش شركة دير في دراسة حالة
انا طيحتلهم و رخستهم ماكانش سمانة عدلو الريزو 4G ههههه
انا هاذيك رنتي ظلي تعيطلي كثر من دارنا مزيا كاين روجوتي 😌
تع الإحصائيات برك
Oui normal des fois les opérateurs travaillent avec des boites de communication pour la collecte des données
عادي مجرد تقرعيج من الشركة
سبر اراء كل وقت يديرو فيه
عيطولي مرة تع اوريدو . تقريبا نفس الاسىلة
هاد الأسئلة تاع وحدة حابة تلصق فورصي (واش تخدم، شحال عندك لولاد) كون قالها مييييرد عليك وكوپا خير
انا تاني عيطولي منزيتش
بصح كيفاه عرفت بلي الاتصال من شركة جيزي؟