حسب تجربتي البسيطة في التجارة الإلكترونية.. حبيت نعطي نصيحة من تجربتي البسيطة في هذا المجال
أكثر حاجة تسحقها هي المعاملة اخي الكريم
يقدر كلش يكون مليح عندك، لكن ما تنجحش، لانه معاملتك للزبائن تاعك غير لائقة و تخليه يحس انه مهمل من طرفك
إذا ماكانش عندك الصبر باش تجاوب على جميع التساؤلات ( خاصة ملابس النساء لأنهم يسقسو بزاف و يحوسو يفهمو و هذا حقهم كزبائن )….. إذا غير اخطيك
عارف كاين لي يقولي البعض يجو يتمسخرو و ما يعرفوش يهدرو….. مهما كان هو/هي يبقى مجهول، لكن انت لي صورة محلك أو صفحتك أو نقدرو نقولو تجارتك بصورة عامة راهي على المحك لو تسب أو تهدر بالتشناف أو دير حاجة سلبية
منشور واحد سلبي عليك… يقدر يمشي في مواقع التواصل الاجتماعي و يدمر كل ما بنيت 🤷🏻
و إذا تلفتلك ،عامل الناس كما تحب أن تعامل كي تروح تشري…
تحب يضحكولك، اضحكلهم…. تحب يجاوبوك تم تم… جاوب تم تم الخ….
فوق كل هذا اخدم الحلال 🙏🏻
و صدقني تولي كلما توصلك رسالة كيما هذي، تموت بالفرحة و ترقد ضميرك مرتاح ✨
اسف على الإطالة، أتمنى نكون عاونتكم و لو بالقليل و بالتوفيق 🙏🏻
#1001_help
#1001_tech
#1001info
يقولك قبل لا تفتح محل تعلم تتبسم…بزااف لاحظتهم “ف قاع المجالات تاع التجارة” غي تلحقهم الدراهم يرجعوا مايسواوش
هي ساهلة دير سعر مع المواصفات واحد ميجي ليك للبريفي يسقسي غير لي راو حاب يشري حنا تلقاه ميدير والو يجر ناس للبريفي شغول مشتاق هدرة او مبعد كي يبداو يسقسو ميعجبوش لحال او ميردش علاش عليك
حاجة باينة تجاوب الأسئلة
انا بعت تلفونات
وكنت نعتبر اي مستفسر كانه صديق
كانت تجيني كثير من رسائل
في وحد الولاية بدون ذكر الأسماء
شغل داير فيك مزية بدراهمك
خويا نسقسيك واش رايك لي يبيع بالعربون مثلا الزبون يخلص كاش 300 عن طريق ccp مبعد يكمل الباقي عند استلام الطرد وهذا لتفادي الروتور و الخسارة هل جربتها من قبل
انا لي مافهمتهاش و مادخلتش راسي هي تشري من انترنت؟! مافهمتش علاش الناس تشري من هنا و واش يخليهم يخلو الواقع ويجو للمواقع! كيفاش تخلي الحانوت قدامك تشوف بعينك وكلشي مضمون وتجي هنا ومنبعد يقولك او سرقلي دراهمي باعلي حاجة مش كيما لي شفت اوماردش عليا او مجاوبنيش او كذا… حاجة باينة تلقاه مايردش ويشنف ومايجاوبش صار فالواقع تدخل عندو للحانوت وتقابلو وبدراهمك و مايديهاش فيك وزيد التشناف من فوق خلي يا فالمواقع
صراتلي يامس راسلت وحد صفحة تاع هواتف ما حبش يرد عليا زدت بعثتله قتله يا اخي راك تقول راسلوني في الخاص راك قاصد فيس و لا انستغرام ؟؟
رد عليا قالي مالك طايح خشين 😅🤦 حتى استغربت عاودت قريت لي ميساج قلت بلاك سبيته و ما انتبهتش
التجارة فالجزائر معندهاش قوانين، لا معاملة قادرة تنجحك ولا غير المعاملة قادرة تفشلك، كي يحتاجك يجيك من لخر
كاين برنامج فرفر تاع التجارة الاليكترونية يساعد بزاف
هههه راني كيفك باغي نحط cv فوحد الشركة هه ليعرف واش نقدر نكتبلهم مايبخلناش
المعاملة الحسنة خلق و منهاج في الحياة كامل و في كل المجالات ماشي غير في التجارة ولا على جال المصلحة
ربي يحفظك خويا اسماعيل ، نفس شي لي ديما نخمم فيه ز نديرلو الف حساب هي #معاملة مع زبون ✅
سؤالي هو خويا اسماعيل واش هي شركة لي راك تتعامل معاها في توصيل ، وواش هو رد زبون كي تقلو على سعر توصيل ؟
و اذا كنت تتعامل مليح بصح هوما ما عندهمش اللباقة و الاحترام واش ندير 🙂 راهم يخرجوك من عقلك
وهذك لي يقولك شحال تقولو سعر من بعد يقولك شحال وش تقولو