#نصيحة لمحبي التخييم وزيارة صحرائنا الجميلة والمهمشة 😥
كل يجب ان تعرفه على #تمنراست ؟؟!
🔴 من العاصمة كاين2200كم.🥵
🔴بالسيارة ديرها في 36ساعة (على نفس) + ال 400كم لي كانت بيست خدموها بقات فيها غير 50كم …🥵
🔴 بالطائرة زوج سوايع و 30د ، 🥱
🔴 صحراء صخرية Rocheuse ماشي رملية .
🔴 الكثبان الرملية ماكانش لازم تمشي حتى للطاسيلي 250كم طريق مخسرة ديرها في حوالي 8 ساعات ، لازم برنامج وحدوا.
🔴 بالسيارة العادية ما تقدرش تلحق لاجمل الاماكن ، لازم تستأجر سيارة دفع رباعي 4*4 و في العديد من الاحيان لازم مرشد.
🔴 سيارة دفع رباعي يكروا فيها 7000دج لليوم او علي حسب الوكالة المستأجره/ ترفد 4 أشخاص 😶
🔴 من أهم المحطات لي تقدر تزورهم : أسكرام ، أفيلال ، طانڨت ، شلال .تامكرست اسقراسن، جبل انغاهن(هڨار) ، عين شبي …
🔴 فيها أعلى قمة في الجزائر “تاهات أتاكور” 3003 متر
🔴 بوابة أدغال إفريقيا ، بمعني رايح تشاهد الاجواء الافريقية مناخ ، طبيعة ، مام الافارقة عايشين فيها بكثرة
🔴 المدينة حالها حال المدن الداخلية ما فيهاش تحواس لكن تقدر الديباني بالساحات العمومية + فيها الأسواق تع الافارقة وين تلقى فيهم الاناناس ، المانڨا ، جوز الهند ، السيوفة + مطاعم الماينامة
🔴 كاين فنادق ، مراقد ، شاليهات …. من 1000دج حتى 15000دج نتا و دراهمك.
#منقول_للأمانة
اخ لي يروح مع وكالة سياحية شحال تكون تكاليف ! يعني نتا تخلصهم و كلش عليهم !؟
من فرنسا لدزاير ساعة ومن العاصمة لتمنراست ساعتين ونصف نعم انها الجزائر القارة 😍😍😍
تمنراست عشت فيها و الله جنة فوق الارض
حتى تزورها باه تحس بالمتعة تاعها + المناخ تاعها معتدل مهيش سخونة درجات حرارة في بعض الاحيان اقل من بعض المدل الساحلية
الله يبارك
للتصحيح فقط من العاصمة الى تامنراست كايت 1922 km
بارك الله فيك على هذا المعلومات المفيدة
عقبت فيها دكريات لا تنسى 💖
أتمنى أن أعود يوما
راني فيها وجامي شفت هاذ لبلايص٠ درتلي فضول باش نزورهم إن شاء الله 😍
Mohamed Rebouh دير حسابك
نسيت نقطة مهمة اغلب الاماكن لي هدرت عليها بدون مراحيض. باش ناس دير حسابها و يديو الماء و الصابون معاهم
من العاصمة 1900كلم
كاين مخيمات وفنادق توصل حتى ل5000 دج
مايناما 140 الف للبلا 😋😹
بالنسبة لطريق من المنيعة الى تمنرست حوالي 1000 غير صالح مكسرة كامل
منعرف علاش منحبش السياحة الصحراوية رغم ان الجميع يحبوها
ايه جميلة الصحرا اه
وماقلت ليهم سيرا على الاقدام شحال من يوم 😂
Alaâ El Dine Bouzina ألباكوركي
لا المقال ولا الصور عطاوني الرغبة باش نزورها للاسف مع اني نحب التغيير
ركزلي على المهمشة😭