خاوتي الدمعة طيحلك هبطت للرحبة ( قسنطينة ) نشري كابل Pd ايفون كيما ف الصورة.
نسقسي يقولي كاين نقولو قداه الامبير ولا watt لانو كل كابل و نسبة تحويل الكهرباء للهاتف مع الباطة ااا قالي معندوش watt يشارجي نورمال مهم باطة مليحة.
ا خاوتي حانوت ب مليار جاهلييين يالرب حتى تولي تفهم فيه ياخاوتي دمعة طيحلك من الجهل علاه علاه تولي تقولو لازم الكابل متوافق مع الباطة باش يشارجي ليهليه يقولك اااا معلاباليش 🤦🏻🤦🏻🤦🏻
و هو يبيع ف 13 pro max
والله عييييب سورتو تاع رحبة تاعنا كااارثة جااااااااااهليييييين اثقفو عندك حاونت معمر كابل متعرفش كيفاه يمشي.
مهم فرغت قلبي برك.
#1001info
Posted in Tech
اسامة كرامي 🤣🤣🤣🤣
و ربي علاه
الله يجيبها ف ليكابل شعب جاهل في شتى المجالات ولا يتقبل المعلومة
انت حاب تشري علا تاجر ولا علا steve jobs
NTA tanik a9lb la boîte w a9ra
نورمال راه تاجر مشي انجينيور انفورماتيك 🙄
نتا ماشفتش كي تروح تشري دوا و السيد لي يبيعو ماهوش عارف وش هي خدمة الدوا كون راك بطلت من ذي الهدرة
تنفس برك قادر السيد جديد في الدومان نتا مازدتش تعرف وكان بالامكان تهز وتقرى وحدك شحال فيه ووش يساعدك 🙄
عندك الحق 100% ما فاهمين فيها والو
ياودي تع زوخ برك وغير تع مظاهر وتصيبهم في المنشورات يتمسخروا ويعيبوا في لي مارك تع الهواتف مثل شاومي وريلمي وهواوي وهو ميعرفش قعو من بعو
😂😂😂😂
وراه المشكل كي ايبيع او يشري ماعلابالوش !! نقص المعلومة برك واحد مازاد يعرف او تقدر نتا تجبد لباطا او تقرا او تشري او نتا فريت المشكل بلا ما تجي او تفرغ قلبك هنا ☺️ اما لقسنطينية 99% كااامل طايحين يعرفو كلش او مايستعرفوش بالغلطة او مشهورين بمقولة ” اييييييييه او علابالي “
كيما خطرة دخلت لحانوت عجبني +s10
قتلو Exynos ولا snapdragon قالي لالا مهوش😂😂
هذي في قسنطينة ولاية كبيرة 😒
وانا نلوم في البائعين تاع المدينة تاعي
كي يكون عندك الدراهم ماشي شرط تعرف هاذ المعلومات 🤣🤣🤣🤣
مش كل تلقاهم عندهم معرفة كبيرة فهاذ المجال
يخدمو تجارة يشري و يعاود يبيع
قادر تاجر تع بطاطا تقولو واش نوع البطاطا اللي تبيع فيها يقولك مش عارف
المهم تجارة و ربح
و المثل المشهور يڨولك لباطة لي تشارحي لكابل ناقل برك
مرة واحد ڨالي باطة كيما بومبة تاع لما لازم تكون مليحة بصح تيو قد ما تكون بريسيو يفوتها 🤫😅😅 ندمت لي جبدتلو لموضوع 🤣🤦🏼
العلم تاعك هو العائق انك تعود تبيع الايفون 13 برو ماكس
مشي لي يعرف حاجة يروح يدير عليها مشروع نوووو لي عندو دراهم خيي
انا معمر بمليار ونتا علاه دمع كي الهجالة
هادي قلتلهم ارقدو الجاجة تبيض والسردوك ضارو قححرومو
عوض تفرغ قلبك بتفاهتك…كون عملت منشور تعلمهم فيه و تفيدهم …انت تاني بهلول كيفهم
لا عيب لا كارثة هو تاجر يخدم على روحو ، و من المستحسن يكون يعرف …، علاه تحبو التقوعير
يااااإلهي!!! كم انت بطيخة كبيرة😮 ياللهول !!!!
Howa ibi3 pro max 13 !!!! الجهل راهو فاتمخليع
Zakaria Djr فرغ ڨلبك مواطن
جيت نسقسي واحد يبيع لي بيسي ولي مودام على ادابتر ورازبيري اذا عندو …بقى نص ساعة وهو معاي مش فاهم على واش نهدر ومنبعد قالي نتا تشوف حوايج تاع الانترنت وتجي عندنا هنا تحوس عليهم …البروبلام مهوش كبير ولا فالعشرينات كيفنا ..المهم هبطت لواحد تحتو لقيتو داير تصويرة تاع راسبيان (التوتة هذيك) دخلت لعندو نسقسي على رازبيري ماهو فاهم والو عليا ..حتى نطق صاحبو قالي مبقاوش راهم داوهم تاع الجامعات
بالاك منين نسكن كاين حانوت واحد فيه ناس فاهمة واش تخدم الباقي كامل الجهل المعتم
هادوك اللي راهم ينتقدو في السيد ڨاع توسوسو ..واش صحاب لحوانت صاڥا شوية لبهيم
ياك راك قلتها وين؟ ف قسنطينة. مالا مطيحناش بطاطا خشينة ف paris و كاين ل faux و يبيعو و برك و نورمال المفيد يتاجر
نتا صراتلك معا حانوت تاع تلفونات انا صراتلي معا فرماسيان تشوكيت كان راح يبيعلي فيتامين د على اساس معاه فيتامين سب انا نقول لالا راهو معاه كالسيوم و هوا يقولي نورمال يجو كيف كيف تنخلع في الجهل لي يكون في بلاصة تاع صحة الحمدلله لي جيت نثقف في الامور هاذو سينون كان رايح يحشيهالي نورمال و ماتغيضكش في دراهم قد صحتك
راك معمر بزاف خونا 😂
هو ميعرفش وعندو حانوت بمليار وانتا اقعد برك طيح خشين
انت مابيك لا جهل لا والو انت جاي تقول عندي آيفون هذا ماكان
Zaki Zaki قتلك🙂
الله يعطينا حانوت تاع ملايير و الثقافة بحر عليها.
يلمتعلييمة يا بتاع المدارس
عبارة هاتولي فاهم لا قرا
لاحت شعب في واد
نتاع حانوت بمليار ولا زوج هذ ن…ها فيها وذاك رزق من عند ربي وربي يزيدو.
وخيركم من تعلم وعلم … فحاجة مليحة انك فهمتوا اذا راه فهم لأن أغلبية التجار همهم يبيعوا وخلاص على خاطر والفوا نتاع هات برك وقليل يجيهم واحد فاهم كما انت… لذا راك مليح أنك لقيت الكابل لراك تحوس عليه اصلا.
صاحب المنشور كتب على الكابل تاع تلفون ولي يبيع ميعرفش توافقه مع علبة الشحن. فالتعليقات واحد يڨولو اتنفس برك، واحد أخر يڨولو علابالنا بيك عندك أيفون، وحدة تسب فالقسنطينية، واحد يهدر على الإنتخابات، وخلي وخلي، والله مخي حبس. هذا هو الشعب لي عايشين معاه تهدر معاه كلمة يأولها حسب اتجاه تيعو ميعرفش يحصر الهدرة فالموضوع المتكلم فيه. وللناس لي تڨول تاع الحانوت ملازمش يعرف كلش حط روحك في بلاصة المشتري تسحق حاجة والبائع ميعرفش صح العبد ميقدرش يعرف كلش لكن في اختصاصك لازم تكون تعرف على الأقل الأساسيات، دير روحك رايح تشري من صيدلية وصرالك نفس المشكل والحديث قياس
ياخو متكسرش راسكلي حابس حابس