خطرة كنت قاعد في المسجد النبوي( المدينة المنورة ) بين المغرب و العشاء و دائما في الفترة هذي كاين حلقات تع الدين و القرآن .. أيا قاعد وحدي حتى نشوف واحد الأخ في وجهو تشوف النور .. خزر فيا و دار هذيك تع صحة براسو كي رجعتلو أنا تانيك .. بعثلي واحد الطفل سعودي كان يقرى القرآن ، الطفل هذاك كان يحفظ في القرآن و يعرض عندي باش نصححلو إذا غلط … الطفل هذاك قرى واش كان حافظ و كمل قبل ما يروح قالي بارك الله فيك وراح ، الأخ هذاك خزر فيا و بدأ يبتسم .. وحدي حكمت القرآن و بديت نقرى … الأخ هذاك بلا ما سقساني عرفت بلي كان حاب ينصحني بلا ما يقولي و يحرجني حسيت بلي كان حاب نفتح القرآن و نقرى شوية و ندي الأجر وين الحسنة ب ألف خير ما نقعد قاعد برك و نشوف في التيليفون ، قريت واش تيسر و قبل إقامة صلاة العشاء قتلو بارك الله فيك شيخ …. النصيحة في كل مكان عندها آداب و حنا كجزائريين كاين لي ما يعرفش ينصح و كاين لي قليل وين يتقبلو النصيحة … هذا المثل ينطبق على كل حاجة في الدنيا و ينطبق على السفر أيضا …. واحد متمكن في الدين و عندو علم تحترم العلم ديالو …. و واحد موالف يسافر و يدير ستاتو على أي بلد ولا مدينة و ينصحك بكاش حاجة لازم تتقبل النصيحة و تتعلم التجربة هذيك باش ما تغلطش و ادير حساب لكلش 👏🏻
و ادع الي سبيل ربك بالحكمة و الموعظة الحسنة
شوف حسب تجربتي الصغيرة البسيطة اكثر ناس تعاني معاهم باش توصل نصيحة بسيطة هم الكهول….تعريف التكبر في الاسلام هو التكبر عن الحق…تسايسو وتضحك معاه وتسلم على راسو وتجيبهالو بلعقل وتقصر معاه وووو غير تقولو نصيحة وجهو يتقلب ويقدر يقزعك….الكبر مشكل كبير عندنا عند الكهول بالعكس الشباب اكثر انفتاحا للنصيحة بصراحة مقارنة بواش لاحظت عن الاجناس الاخرى
فن النصيحة
و نعم النصيحة
جزاك الله خيرا
ما أجمل النصح بهدوء ❤
❤️❤️
جزاك الله خيرا
شيكو مستحيل يدير منشور بلا متلقى فيه فايدة
يااااارب ، اللهم بيتك الحرام 🤲 💜
عندهم الحكمة الله يبارك
حتا ذرك حسيتك عطيتنا نصيحة بهدوء خويا شيكو ❤️
يا سبحان الله والله مالقيت مانقول صراحة من ارقى النصائح بارك الله فيكما 💪
كيما الحسن و الحسين رضي الله وقصة الوضوء النصيحة بدون احراج
ما شاء الله
ماشاء الله ❤❤
جزاك الله خيرا وربي يوفقك لما يحبه ويرضاه
ان شاء يكون لحقكم الميساج يا جماعة الخير 😊😊😊
ازمة فكر
شحال تسقام العمرة تاع شخص واحد بيها بالمصاريف تاعها كامل??
لاحظت بللي من رحلاتك كامل تأثرت بزااف بالعمرة و بمكة ☺☺☺☺
اللهم ارحمنا برحمته و اغفر لنا و تبثنا اجمعين … نصيحة بطريقة غير مباشرة منك ايضا جميلة
بارك الله فيكم
يا حصرااا… اهل المدينة تحس فيهم وحد الظرافة وحد الرقي في المعاملة وحد الآداب لا الاه الا الله محمد رسول الله… اشتقنا للمدينة ونسيم المدينة وريح المدينة 😟😟
جميل🌷