درت منشور سقسيتكم اسكو نقدر نتيليشارجي فوتوشوب فدار ولا لازم سيبار خرجو قع علماء دزاير يتفلسفو ويضحكو عليا حبيت نسقسيكم شكون لي زاد من كرش امو متعلم انا كنت نحسب نورمال كي واحد مزالو يتعلم يسقسي واحد عندو خبرة يوجهو مي لقيت اغلب التعليقات مخيبة ويضحكو ويستهزاو تقول سبيت الدين ولا قلت حاجة بيزار نصيحة حطو شوي من خبزتكم التكبر راه مينفعكم بوالو وحاشا ناس الراقية لي جاوبوني قدر سؤالي ☺️
Posted in Tech
سقسي كيما تحبي ولي يضحك سينيالي كومونتار تاعو يتهلاو فيه الأدامنة
اللي يعرف حرف يتكبر على خوه
نصيحة كي يعود عندك تسائل ولا اي حاجة ما تعرفيهاش مهما كانت تبانلك كبيرة ولا تافهة روشارشي علاها في google بل فاصون لي جاتك في مخك و رايحة تلقاي الحل
الاخت الڨروب معمر ذر عادي و لي توسوس راني عليه
لي جاوبوك بإستهزاء باينة مراهقين المفروض ما ديريش عليهم
بصح راهم جاوبوك فالبوست السابق
ماديريش عليهم
هاذ الحاجة لي خلاتنا منتعلموش لي يغلط في حرف من لغة الكفار يضحكوا عليه لي ميعرفش للتكنولوجيا يضحكوا عليه
اذا ما لقيتش نعطيك رابط تنزيل مكراكي
شوفي فتليڨرام
الله غالب مجموعات 1001 عندها مدة ولات تهمها الكمية و ليست النوعية
كاين photoshop ابليكاسيون تيليشارجيها
هذوك لي ضحكوا عرفو المعلومة يامس حسبو رواحهم وصلو ولاو علماء يا حسراه مكاش لي زاد متعلم وكامل نتعلموا من بعضانا
يعرفو كلش و يفهمو كلش و يفتيو في كلش و فالصح يجيب ربي ، كون جاو صح يفهمو راهم لباس بيهم فالواقع بصح اغلبهم ينوض عال 12 و ما يحبش يخدم و يدير دوصي تاع منحة البطالة
باش نجاوب على سؤالك، إيه تقدري تتيليشارجي وتانسطالي أي برنامج وحدك فالدار، السيبار ماعندو حتى حاجة زايدة على واش عندك. لازملك برك شوية وقت تلقاي موقع موثوق تطلعي منو.
وكنصيحة، قبل ما تسقسي فالفايسبوك الأحسن تديري بحث في غوغل، و 90٪ من الأسئلة اللي يجوك في بالك تلقاي عليهم فيديوهات مفصلة في اليوتوب، يعني السؤال تاعك تلقاي الجواب تاعو واجد. إدا كنتي ماشي متأكدة من الخطوات سقسي هنا. على خطوة محددة رايحة تديريها باش يجاوبوك جواب دقيق.
مكاش اللي زاد متعلم، واحسن طريقة تتعلمي هي تحوسي المصادر اللي كاينين أصلا
كاين مدونة الحلواني تلقاي روابط مفعلة مدى الحياة وجميع النسخ
عندك الحق حاجة ما تعرفيها سقسي عليها خليهم يضحكو انتي لمهيم تستفادي و تتعلمي حاجة جديدة
الشعب الجزايري غير يكون يعرف لحاجة يحسب روحو خلاص هو العالم والباقي جاهلين . و فالوقت لي لازم يتواضع باه يزيد فالعلم هو رحليه يطلعو من الطلاعة و يحسب ان كوكب الارض لا يناسب ذكاءه هههههه غير مايخلعك حتى واحد كلهم عندهم نقااااااط ضعف لا تحصى مخلوعين برك . وحاشا الطبقة لي محترمة صح ومتواضعة .
نورمال مديرلهمش قيمة ل يضحكو قيمي غير ل يمد معلومة مفيدة
تيليشارجيه من البلدية
شعب الله المختار ،هذه العقلية
هدوك اللي ضحكو هوما لنفسهم لي يقولو على فيديو فوتوشوب ههه
Telechargih mn ay source ta3 enternt .. mn dar wla cyber
و الله اكثر حاجة تحيرني ف هذو الغاشي لي يضحكو برك وين تروح اي منشور تلقاهم يضحكو سواء هنا ولا منشورات اخرا . تعيا تخمم هذو كفاش دايرين متلقاش حل .
في اغلب الصفحات ادمن يحط منشور عادي تروح تشوف الناس لي تفاعلت نصهم دايرين اضحكني .
هذو الناس من المفروض ينحولهم تلفونات كامل و يطفو عليهم الضو
كل واحد تنعكس صورتو وتربيتو وأخلاقو في تعليق فيه زوج كلمات ولا ثلاثة وحتى مستواه العلمي والثقافي والمعرفي
طالما كانت أخلاق العلماء تُدرس قبل عِلمِهِم وعلومهم
فالإجابة على قدر السؤال فن راقي لا يتقنه الكثير من الجهلة المُتعالمين(مدعي العلم)
ارواحي نبعثلك واحد مكراكي
الفايس بوك راو معمر مراهقين و ذري يلعبو كون تفيقو بلي تحرقوا في اعصابكم على ذري تلعب تندمو هههه فوتيهم التعليقات السلبية
هاذ لقروب خسر منهم لازمله ادمين يتفرغلهم و يصفيهم
الناس جاهلة لذلك تتعالى بجهلها اما العالم فهو لاا يتعالى بل يتواضع
في الدار احسن لاه حتى تروح للسيبار
كتتبي برك تحميل فوطوشوب ففي يوتوب يمدلك الطريقة والرابط