رح نهدر حاجة صراتلنا في جيجل و يا ريت تقبل المنشور يا الأدمن
رحنا على أساس رحلة ليومين.. ملقيناش دار نكروها لكن بعد مدة لقينا وحدة قريبة سيدي عبد العزيز في الباطيمات لي شوي بعاد على لابلاج.. كرينا في دار شبه خربة في الباطيمات و في التيليفون عطانا سومة 500 ألف و كي وصل وقت الصح ولا يزيد في خمسينالف على السومة .. و زيد مش حتى مولا الدار يبعث في عباد تقول دي كلوشار.. لا علينا دخلنا للدار لا سرير يصلح لا طوالات حاشاكم و الدوش في حالة يرثى لها و زيد على الكوزينة لي أغلب الحوايج ما فيهاش نجيو للأدهى و الأمر .. خرجنا وحد ليلة في عائلة كامل مع جينا ندخلو للباطيمة و نلقاو ثلاثة سكرانين ولا متعاطيين مش عارفين عليهم لحقونا للباب نتاع لبلوك و هوما يتمايلو و يحوسو يسرقونا ولا معرف وش كانو ناويين … لي ناوي يكري للناس يا يكري دار تصلح يا ميكريش و لولا الظروف لي حتمتنا نقبلو الدار هذيك تالي و الله ما نبقاو فيها في الليلة لي جاو ذراري هذوك خرجنا بعدها بعد الصباح
نتوما حتى وصلتو باش وليتو تحوسو على دار؟؟؟؟ ياك ناس تهدر م قبل و تحوس من قبل ف ليتساع
راك ب دراهمك و ماكان حتى ظرف تحتم عليك الذل و الطحين
افضل طريقة للكراء يرووح واحد يشوف و يحوس وكي يلقى يجو العايلة ولا معارفكم تاع جيجل …تاع تزدم بالعايلة وتامن في ناس بالتيليفون راك غالط .
معرفتوش برك تحوسو على ديار كاين بزاف و500 كون زدتو عليها ورحتو اوتال
5000 في سيدي عبد العزيز ؟
تجيبلك f3 كليماتيزي في la ville
و علاه هنا في الجزائر مكانش applications خاصة بالحجز و الكراء كما يوجد في اوروبا و امريكا؟
منشور واحد برك في مجموعة للكراء تلاقاو كما تحبو، ولا شوفو كاش وكالة يكرو الديار تعطيكم الاقتراحات لي كاين..شحال من حل كاين غير لي مايحبش يكسر راسه ويقبل بالحل الأول من بعد يرجع يشكي
جيجل هي مجرد خراب ولا تستحق أصلا زيارتها
كان عطيتها لتونس، وش دارهالك
الناس تكري قبل ما تروح لازم كي تروح ديجا علابالك على الاقل وين راك رايح
مافهمتش لاه مزلتو تروحو لجيجل
صراتلك كيما صراتلي العام لي فات رحت لمستغانم مع عايلة وزعما السيد موصيه من قبل و سمانة وانا نكلم فيه تخيل ضربتها من ورقلة لمستغانم كي لحقت لقيت الدار مفيهاش حتى فريجيدار يعني ابسط الاشياء و السومة قالي 600، وكي شاف معايا النساء والأطفال بدأ يتكسل عليا اومباعد رحت حوست على دار أخرى لقيتها ب500 الف الريحة تاع الفراش تشمها من ورقلة، السياحة في بلادنا صفر صفر
جيجل شابة والمشكل راه فيكم رانا ولادها ونشوفو فناس يكرو بالعز ويروحو فرحانين .وشخص واحد جامي يمثل ولاية
الا حاب تبحر فجيجل ابدا من بومارشي حتى زيامة ( جهة غربية ) ماعدا بني بلعيد شواطئ مخفية ( شرقية )
اما الكراء سونطر فيل وتلقا اقل من 500 الف ومتحكمش على ولاية من شخص فقط
الصيف توصل والنديب يبدا على جيجل، ادا كانت نيتك صح تحكي المشكلة حتى يستفيد منها الآخرين مستقبلا كنت قادر تحكي بلا تشخيص لأنه هدي تصرا في اي ولاية ، ولا نيتك باه يجو التعاليق يخرجو عقدهم النفسيه ككل صيف هنا رأي اخر
ارواحو لعنابة 😆
سيدي عبد العزيز م تعجبنييييش خلاص
م فيها بلاج يصلح م فيها des endroits وين تحوس
باه نكونو واقعيين مشي غير جيجل هاد الضربة ، حنا صراتلنا سمانة لي فاتت في مستغاليم لي موالفينها و نروحو ليها و عندنا نفس العقلية يعني مشي غير البراني يديرولو هك هو يلحڨ وقت الصيف و السياحة يبداو سماسرية يخدمو فالباطل و أكبر غلطة كي تزدمو عايلة من بعيد بلا ماشايفين السكنة من قبل … مشي غير جيجل في كل ولاية ساحلية هك
ربي يعوضكم
جيجل أسوء تجربة عشناها، يكريلك كي شغل داير فيك مزية
الغلطة فيكم مفهمتش كيفاه كراولكم ب 5000 فدشرة ف جيجل
5000دج كريت بيها ف بومارشي قدام فندق دار العز f2 كاملة متكاملة مع اننا كنا نرقدو فيها برك
يعني كي يكون الشخص بدراهمو مايتكسل عليك حتى واحد خلص مليون ليلة حط راسك و من غدوة سهل
اما بدراهمك و يتكسل عليك هاذي الغلطة منكم و زيد لبلاصة هذيك مش بلاصة بكري الكرية فيها متتعداش 250 الف ليلة
فيها غير لبحر
كل شخص و زهرو ومنا وجاي حتى و تريزارفي دار من قبل يطلع الزوج ولا الاب ولا الأخ يفيريفي دار من كل شيء حتى الماء
و ابسط الاشياء معجبتكش شوف غيرها
راكم بصواردكم اكرو وين حبيتو جيجل معمرة ديار للكراء ومانظنش انو السيد حتم عليكم تكرو دراع
البروبلام راهو فيكم ماشي في جيجل ولا لي يكرو الديار
بدراهمك تكري وين تحب وكي تتحتم قاع شوفلك اوتال جوز ليلة وصباح يرحمها ربي هاك كان لازم دير ..ماشي رايح نحوس نعيش في خربة وفي كارتي تع زطايلية هذا يا خويا ما هو تحواس
اكريو في الفندق على الاقل ضمان
جيجل للاسف ماشي تاع سياحة دات الشيعة برك
جيجل منزيدش نعفس فيها خسروها على رواحهم شحال من عفسة صراتلي تم و قاع لي كانو تم ندمو لي جاو عام لي فات لعنصرية و اسعار و قلة احترام من قبل كانت مليحة ودرك خسرت كرينا في بلاصة مهجورة لفوطو حاجة و لحقيقة حاجة و شبعنا ناموس وكلش بعيد علينا و لبري طالع و ليزوتال معمرين مالقينا عليها وين مهم تمرميد كحل تما وسرقة دايرا حالة
لعام لي فات ثان في جيجل كرينا دار مشي كامل نظيفةةةةة تامني كانو كاريينها قبلنا و مانظفهاش مولاه روحنا طلعت بش نطواييناها
جيجل من غير لبحر معندك واش تروح دير فيها
قلنالكم الدزاير ماشي تاع سياحة
الغلطةمن عندكم يا الاخ مالاول سقسي و حوس على ناس ثقة باش تكري انا كريت من ماركتبلايس و هكاك بعثت يشوفولي الدار اذا كيما تصاور مع اني مام مانكريش ماحش نبات برا بصح جيجل او مكان وحدوخر جامي دير ثقة و تزدم مع العايلة و مام السعر كي تفوت تتفاهم دورو ما تزيدوش و على كل حال في كل بلاصة كاين انواع تاع الناس ربي يجيب الخير
السياحة في الجزائر عامة و في جيجل خاصة تعد تبذيرا للمال.
الي يروح لجيجل غالط
ياو كامل سراقين اشوفو فالعباد دراهم .
ف الحق احنا العام الي فات كرينا ثم من الانترنت لقيناها مليحة ونقية والسيد ماشاء الله بصح جيجل ماعجبتنيش غاشي كبير والوسخ داير حالة انا على حساب ما شفت لي يبغي يحوسها يروح في الشتاء والا الربيع فيها مناظر شابة
جيجل من العام الي فات. اخمج بلاصة رحتلها + ناسها موش مربيين خلاص
ما لقيتوش على خاطر ما حوستوش مليح ولا خليتو للدقيقة التالية، المهم بالسومة هذيك والله نكريلك كيما يتمنى خاطرك
هذا منشور موجه للناس اللي تقول حوس بلادك وما تروحوش لتونس.
جيجل ماتروحوش ليها ❌ ماتروحوش لجيجل ❌❌
كي تكري بالطريقة هاذي … في ستوكهولم و يحشوهالك … و هذي الظاهرة ليست حكرا على جيجل .. كي تكري في اي مدينة بدون حجز مسبق مع استكشاف الشقة مسبقا احكم 3 او 4 أرقام تاع الناس اللي تكري في تلك المنطقة ..ديما دير حسابك و اكري ليلة وحدة اذا عجباتك زيد و اذا ما عجباتكش ..عندك نص نهار دير زيارات للشقق الاخرى و تخير اللي تعجبك
نحكي تجربتي العام لي فات ديت العايلة لجيجل كرينا f3 في وسط البلاد فيها كلش ب550 و بعيدة على أقرب شاطئ ب5 دقائق مشية على الرجلين (العام لي فات كان كاين ضغط كبير على ولاية جيجل ف الصيف علابيها زادت أسعار الكراء) المهم جوزناها ما شاء لقينا حسن المعاملة و حتى الأسعار مليحة
الحاجة الوحيدة العيانة فيها هي أنو ما عندهمش وسائل النقل يعني باش تتنقل داخل الولاية لازملك تجاهد
جيجل كانت بكري دركا مكان مكان
علاش جيجل بلاد تروحو ليها ، ناس فاقت ولات متزروهاش خطيهم سياحة
سمحلي بصح الغلطة تاعكم اللي يحب يروح يبات فبلاصة يريزرفي من قبل ماشي كي ياحق يولي يحوس و الدنيا صيف ما عندك واش تلقا
و زيد كنتوا قادرين تدخلوا تشوفو الدار ما عجبتكمش تخرجوا و ما تخلصوش ماكان اللي يسيف عليك
Hamza Ghorma حمزة والخبرة،، مادوخش
5000مالفين نكريو بيها ايطاج في فيلا ويكون ديما قمة النظافة فيه كلشي كلشي وكانو في دارك في بني بلعيد كل مرة نروحولها تكون اجمل من السابقة
جيجل مشها تع تحواس اصلا ماتعجبنيش .. غير البحر و فرات
سيدهم عبد العزيز من بكري شاطئ تاع مراهقين و منا وجاي لي يحب يكري اي دار يفوت على الوكالات هك الى صرات حاجة يشكي