سلام الاستاذ فالجامعة طلب منا نلخصوا فلم باللغة الانجليزية movie وراح يكون هذا هو نقطة الاختبار فحبيتكم تقترحوا عليا عناوين تاع افلام تكون قصتهم مليحة ومايكونوش معروفين بزااف باش مانطيحش فنفس الموضوع مع اصدقائي خاصة واني ماعنديش علاقة مع الافلام ابدا فحقا احتاج اقتراحاتكم #-help #1001movie
Posted in Movies
فيلم the hurricane أقل مايقال عنه تحفة سينمائية بطله الأسطورة denzel Washington مبني على قصة حقيقة و جد مؤثرة👌 انصحك به و بشدة
ماش راح تندمي
atonement
اذا كان الاستاذ استاذ لغة انجليزية
و الا افلام قديمة معظم الاساتذة يميلو لهذا النوع
The martian
القصة هي رائد فضاء بعثوه للمريخ وحدو ، مبعد المركبة تيعو تعطلت وحصل تم .. بقى يصارع الموت عليه والعلماء فالأرض يسابقوا الوقت باه يرجعوه حي …
يمكنك البحث عن قناة مصرية في اليوتيوب تلخص الافلام و السيريات ..
The exorcism of Emily rose قصة واقعية
ديري intersteller مكاش لي يعرفه
Lucy
يطرح نظرية ان الإنسان يستخدم الا 10 ٪ على الأكثر من قدرات المخ . و يدرس لو ان الإنسان كان قادر يستخدم أكثر حتا 100/٪
Kayen f YouTube 2 chaînes égyptiennes فيلم في الخمسينة et فيلم رايق yheto des résumés Chofi tema khir bech ma diy3ich we9tek
Man on fire
فيلم قديم 2003 ، و القصة بسيطة حارس شخصي لطفلة تختطف و هو ينتقم مالمختطفين و يرجعها ليماها .
no escape 2015 hkaytou mliha w ndhif t9der dirou
راحا نقلك شاوشانك بصح علبالي جاع اديروه😂 كاين هذاك تع الكوريين نسيت اسمو زنزانة رقم ٧ ولا معرفت البطل مريض بالتوحد وعندو بنتو والقصة عليهم 💚
Lion يبالي حاجة يمكن اختصارها وقصة جميلة
I origns special bzf had el film
Brain on fire
قصة حقيقية و زيد مفيدة
ديري
shawshank redemption
لا بغى يعاندوك ڨاع
ديري
The age of adaline
هاذي حكاية تاع وحدة دارت اكسيدون في عصر من العصور وولات متكبارش طوووول
ايا بقات بنفس الوجه والملامح لسنين عدييدة لدرجة انو ابنتها في العصر الحالي قد جداتها. والمخلوقة كل ما يتبدل فترة تخرج من منطقة باش ميتحلبولهاش مهم هو في مجملو او قصة حب يعني كي وقعت في حب إبن الشخص لي كانت تحبو بكريييييي والشخص لي كانت تحبو بكري كي شافها مع ولدو تشوكا بسكو وجهها من تبدلش على بكري وحبت هي مع لول تحشيهالو بلي هذيك لي كان يحبها يماها مهيش هي
مهم هو شباب ومعروف شوي مي حكايتو مختلفة عن باقي الافلام عليها اقترحتهولك
Les nageuses
يحكي على زوج خواتات سوريين كانو ف الحرب و هجرو من بلادهم عن طريق قارب الموت باش يحقو الحلم ديالهم الي هو الفوز في les jeux olympiques
Histoire véridique
كاين فيلم خيال علمي عنوانو adventure to the center of earth و تلقايه مام كتاب نسيت الكاتب
فيلم إيطالي كلاسيكي ، فلسفي عميق.
سيرة جندي من حرس الحدود المتمركز على حدود مملكته ، همه الوحيد في الحياة، مقابلة عدوهم الكلاسيكي ، تمر سنوات وسنوات بأحداثها التعيسة والسعيدة وهو في ترققب ، النهاية حزينة . بعض الأهداف المنشودة في حياتنا ممكن تكون سبب تعاستنا أو حتى هلاكنا ، هذا هو سر القدر .
أعيد إنتاج الفيلم ولكن بعنوان مختلف ، نسيت أسمو.
مقتبس عن رواية للكاتب لإيطالي (دينو بوتزاتي)
The shwashenk redemption
ساهل و عظيم في نفس الوقت ✌️
Cast away
الفيلم راح يساعدك لأنو فيه رواية وحيدة ومتواصلة وفيه الحبكة والحل والنهاية الغير منتظرة
فيلم the help شباب . راقي و اهم شيء خالي من اللقطات الإباحية. يحكي على فترة مهمة.على العنصرية لي كانو يتعرض لها السود. قصة الفيلم هي انو امرأة بيضاء كانت باغية تدير كتاب على يوميات و احساس المرأة الملونة و هي خادمة في منازل الأشخاص البيض . و المواقف لي يتعرض لها . ننصحك بيه فيه مواقف و عبر شابين بزاف
Kayan Ayla يحكي على جندي تركي كي يروح يحارب فكوريا و يلقى طفلة صغيرة ماتو والديها يربيها
Hayeeel
كفرناخوم الا حبيتي فيلم من الواقع
ياااا قرايتكم تهبل 🥺🥺
🔶️Murder on the orient express
🔶️جريمة في قطار الشرق
🔷️فيلم للروائية العالمية Agatha christie
اغلبهم اقترحوا عليك افلام خيالية .. هذا النوع ما عندك ما تناقشي فيه .. شوفي فيلم على سيرة ذاتية لكاش رياضي أو سياسي أو عالم.. او شوفي الأفلام لي ربحت سعفة الكان والاوسكار وتكون أجنبية.. تلقايها تناولت مواضيع مثل التهجير الحروب.. محاربة الاديان.. العنصرية
وانا ننصحك بفيلم Malcolm x
ديري Interstellar باليز 🥺
The game…. تدي 10/10,نورمال
ديري فيلم I Ropot 2004 😅 فيلم خيال علمي
كاين واحد بصح لما قلتي مش مشهور هذا مشهور بزاف اسمه 12 angry men حقبة ابيض و اسود لكن فيه وحد المناقشات و الافكار ممكن كل واحد غادي يعطي ملخص مختلف عن الاخر
شوفي اذا يساعدك a time to kill يحكي عن محامي ابيض يدافع عن متهم اسود قتل مغتصبي ابنته
كاين كوريين ode to my father
My way
يحكي عن الحروب
Shutter Island هدا أعظم فيلم تقدري ديري عليه تلخيص ربح بزاف جوائر و وقيل الاوسكار مثل فيه ليوناردو ديكاپريو مكاش كيفاش ميكونش عظيم و زيد نهايتو غير متوقعة و صادمة يحكي على جندي رجع للدار لقا مرتو فالبحيرة ولادو غارقين طبعا هي غرقتهم و هو من الصدمة فقد عقلو و مع هو كان متحري ذكي بزاف يصراو بزاف أحداث و تشوفي بزاف شخصيات كامل أدوارها مهمة يعني تقدري تناقشي فيه بصح مشهور بزاف الفيلم
Diri 3la inventing anna قصة حقيقية و بزاف شابة
كاين رواية تاع عليا ودارو عليها فيلم و مسلسل بزاااف هايل نضمنلك تدي نوت مليحة عليه وبالتوفيق
كاين واحد القناة في يوتيوب تع ملخصات أفلام بالعربية و تلخيص شباب شوفيها و خيري الملخص لي يعجبك و ترجميه للأنجليزية
Ayla the daughter of war
فلم جميل جدا ومقتبس من قصة حقيقية
Chocolat yhbl🥺
مهتمة
شوف فلم تع ويل سميث وولدو،نسيت اسمو،يحكي على قصة نجاح والبداية من الصفر .
ربي يرزقنا پروف كيما هك