سلام عليكم خاوة عندي حكاية صغيرة حبيت نبرطاجيها معاكم و منها حبيتكم تعاونوني بمعرفتكم انا قبل رمضان بيامات كنت نوجد لميموار نطلع فكتب و نحوس على مراجع حتى دخلت ل سيت لقيتو موفر كامل مكتبات جامعات اونلين ملفرحة دخلت ديراكت حتى نلقا حاجات يطلعو فالبيسي مفهمت والو درت انتي فيروس خرج بلي تبيراطات لاكارت مار و الهاكر راه يستعمل كاميرا باش يشوفك و يسمع صوتك بقيت مدة خليت Pc طافي من خوف مازدش شعلتو حتى بعد يامات نحس تيلفوني كلي واحد مسو و راه يدخل فيه مانلقى حاجة في بلاصتها مع علم Pc فيه زوج صفحات انستغرام فيهم خدمة و فيهم زوج صفحات فايسبوك و مفتوح الواتساب حتى درت في تيكتوك حبيت نعرف واش من ايمايل تبيراطا بعد ملقيتو بدلت كلش خليت غير ارقام تاع تيليفون و لي حيرتني كل مانبدل موتباس نبعت كود ل تيليفون و نعاودو من بعد نلقاه عاود بدلهولي حتى درت كود *#21# نلقاه داير رقم يسمعلي هدرة كي نعيط و أكتيفا Sync و Async رسائل يلحقولو و رقم هاتف مايخرجش كامل رقم تاعو غير 05.40 بعد مدة بعتلي ناس لباب دار على اساس ديكليونت مع انا نخدم ديكوراتريس مي هدك نهار كنت بعيدة على دار و مفاتح عندي مكاش لي يقدر يفتح باب غير انا لي حيرتني كيفاش لحق لتم مع علم لي كليونت تاعي كي يجو انا نڨيديهم و وين نخدم بديت جديدة و جيران تم ماشي ساكنين مكاش لي عارف بلي تم تخدم وحدة ديكوراتريس مهم زعما جا يكري مواعن عشاء و داروها بيهم و طباخ راه يستنا في مواعن مام يديهم روطار معليش و عيط روطار تاع امبوسيبل طباخ يلحق يطيب قيس 300 على زوج مهم كي قتلو لازم طرونسبور تاعي يجيبهملكم سيد غلق تيليفون ليومنا هذا رقم مايمشيش و عندها يومين عاود عيط شخص آخر على اساس يماه جات من عمرة و قالي ندي كراسا و طوابل قيس 350 شخص نعشو بيهم جاو في نهار مكان حتى واحد فدار كيفاش عرفو بلي واحد مراهو فالدار حتى و اني بدلت ايمايل و نحيت رقمو يقلي حاجات نعرفهم غير انا و دارنا مهم تاع يماه جات من عمرة مادخلتش في راسي حوست كيفاش نكونفرمي بلي صح سقسيتو قالي نسكن هنا انا قتلو معرفتكش قالي وليد فلان و هدك فلان جامي سمعت بلقبو تم قتلو مدلي لاكارت ناسيونال منبعد قالي ندي واش نحب و نتي معندك ماتقضيلي واحد ماراه فداركم دايرين كي حيطان من خوف هربت نجري لداخل دار ڨراج جاي فدارنا و فيه باب دخل لدار هربت لدار و هو مام يجي مورايا يطول كلش مربج فالأرض هكاك و لحقني طلعت تخبيت كنت موصيا راجل ختي كاش حاجة ازرب رواح شميت ريحة مهم عيطت لراجل اختي كان قريب من تم جا و جاب معاه جماعة لي لقاهم فطريق كي شافو جماعة جايين هربو مي دااو واش قدرو يسرقو و ، قادرين تقولولي علاش ماشكيتشي لابوليس مشكل أنا ماعنديش روجيستر كومارس ، و فكرة تاع كراء جبتها جديدة دوكا مام نشكي واش نقللهم يقولولي مديلنا روجيستر و ادا لقاوني اونواغ عندي غرامة مالية نخلصها … ممكن حل لبيسي تاعي و كيفاش نسلك منهم و اسكو ديب واب كاين فالدزاير و هدو تاع ديب واب لي جاوني هكا ، و اسكو كون ندي pc ل لابوليس يقدرو يجبدو هدا سيد لي بيراطاني و كيفاش نحي لي بيراطاني من تيليفون و نحمي تيليفوني مع علم طلعت لي انتي فيروس مي والو و شكرا بزاف
خلاصة القول..
حادثة السرقة منفصلة على حادثة تهكير حسابك و عندك خيال واسع
لأنه من يستطيع تتبعك من خلال ايميل او رقم هاتف بهذه الطريقة ماراحش يجي ليك.. راح يشوف قرش أكبر
تحكي منك بصح خاطر حكايتك صعبة التصديق حسيتك تحكي في فيلم !!
المؤجرين من الديب ويب هههه ما أنتي إلا ضحية لن يستفادو منها مجرد كادحة للحياة لست هدفهم المنشود دعك من هاذا التخيلات
اما حكايت البيسي تاعك عاوديلو الوينداوز عاودي كونفڨيري الموادام اذا تعرفي ولا روحي لإتصلات الجزائر عاودي المودباس كامل الحسابات تاوعك وسجلي الخروج من كامل الجلسات السابقة دائمة غطي الكاميرا الأمامية بلاصق والسلام وربي يوفقك
مسلسل وماشي هكذا
أدي بيسي لابوليس و اشكي تبان زوج عفايس متفرقين سرقة وحدها و بيراط وحدو
ياو هدا غير جارك وراه يعس عليك
اسمحولي كي فوت المنشور هذا كنت هذاك وين نضت 🤦🏻♂🤦🏻♂🤦🏻♂
منضنش كاين عندنا واحد ذكي اسو بوا🙄
حبستيلي راسي علبالك! فقتي بلي تهكرتي و قعدتي عايشة عادي ونتي علبالك 😶 مشي قضية دوصي كومارس يودي روحي لاهل الاختصاص جماعة لانفورماتيك ولا شرطة علمية ما صرالك هذ السرك ديجا خدمنا كامل ميموارات جامي خرجلنا سيت هذا لي سيت الفايك يبانو تكحلتي برك