سلام عليكم .درت منشور في رمضان وطلبت منكم مساعدة من أجل سياحة في فرنسا ودول المج

سلام عليكم .درت منشور في رمضان وطلبت منكم مساعدة من أجل سياحة في فرنسا ودول المجاورة بدون تكلفة .اليوم حبيت نشارك معكم التجربة ديالي ونفيدكم ببعض النصائح اللي انشاء الله تسهل عليكم اذا كنتو رايحين.
اول حاجة انا فيزا ديالي فرنسا يعني إجباري نبدأ بيها .تذاكر السفر اشروهم وحدكم عن طريق البطاقة الذهبية او مكاتب air Algérie الوكالة السياحية تدي معاك حتي مليون فالتذكرة ذهاب واياب. في المطار فالجزائر مايدققوش مليح في باريس سي حتى coupe ongle ممنوع تخبيه يعني اذا كان عندك حط كلش في السلة للمراقبة مام سبتة تاع السروال بالمختصر كل حاجة فيها معدن.
اول شيء كي تحبط من المطار لازملك شريحة و انترنت كاين lyca مليحة ورخيصة 20 اورو فيها 10G انترنت ماتسحقش رصيد للمكالمات فقط انترنت لانو بدونها تتبحرو كيما انا 😅، لازم تكون عندك كارت فيزا تسهل عليك بزاف بزاف وخاصة الحجوزات لانه كلش اونلاين. مثلا انا حبيت نروح ل dortmund بالحافلة flixbus فالتطبيق السعر 40 اورو اما عند السائق 100 اورو الله لاتربحو وايضا خلي الهاتف مشعول فالجزائر عند شخص قريب باش كي يبعتولك رسائل التأكيد للحجوزات يلحق وتقدر تكمل الحجز. شخصيا درت عند BDL الكارت فيزا , الاكل من الأفضل تشري من السوبيرات وتسخن في الميكرواوند او اكل البارد، لازم تدي معاك رداء شفاف نيلو ضد المطر و فاست. بالنسبة للاوتيلات للعائلة ibis رخيس شوي وقريب للمطار بالنسبة للشباب والبنات auberge de jeunesse يكفي ورخيس جدا كاين بنات وحدهم وكاين رجال وحدهم وكاين مختلط ادو معاكم سربيتة وبليغة وشامبوا وصابون للوجه لانهم غير متوفرين في المرقد . كي تولو bagage اللي طلعوه للطائرة بالاكو غير السوائل لازم القارورة ماتفوتش 100 ml حتى لو كانت فارغة 🚯 يبهدلوك ويمرمدوك حتى تعشي راميها كيما انا 🥺 حتى لو كان صابون سائل ديرو كلش في bagage اللي يروح فالطائرة وغلفوه بالسيلوفان فالمطار كاين ألة خاصة فالمطار تغلف مليح .وشكرا
أي استفسار مرحبا 👋 😊