شكون ديجا خرج سافر وحدو؟ ، دار بيفواك وحدو ؟ و تبحر و طيب و كلا وحدو، و نشط وحدو، او جوز أيام في السفر وحدو ؟ يتفضل يقولنا الإيجابيات أو سلبيات السفر لوحدك و ماذا يمكن أن يتعلم الانسان من هذه التجربة 🤗❤️
Posted in Tourism
شكون ديجا خرج سافر وحدو؟ ، دار بيفواك وحدو ؟ و تبحر و طيب و كلا وحدو، و نشط وحدو، او جوز أيام في السفر وحدو ؟ يتفضل يقولنا الإيجابيات أو سلبيات السفر لوحدك و ماذا يمكن أن يتعلم الانسان من هذه التجربة 🤗❤️
The best thing you can do to learn about yourself
نحب نتعلم. علموني 😭😭
خرجت مرة وحدي ف الليل جاوني ناس ما نظنش بلي هذوك ناس حقيقيين. لن اخرج وحدي مجددا.
مليحة وحدك عندها شارم وحدها المهم تلعنها نهار تطيح في قبلية من هدوك الناس
التخييم وحدك خطر عليك و لا ينصح به و حبذا لو يكون معاك مرافق
Hab njarebha
السفر لوحدك رائع لكن ليس أهلا للجميع فالبعض غير قادر عليه
لكنها متعة و راحة نفسية تتطلب الحذر
J’ai fait un voyage tte seule c’était trooop magnifique, je vous le conseille vivement.
Vraiment c’est un repos morale et un detox pour sois même.
Tu vas jamais le regretter believe me
مليحة اخي خاصة ذا كان لديك حب المغامرة والإكتشاف
كي يديرو قانون حمل السلاح فالدزاير نولي نخرج وحدي
بصح ضرك باه نخيم فالبراري وحدي منكذبش عليك منجملهاش
انا كلش إيجابي كي تكون تعرف الإمكانيات تاعك
انا سافرت تركيا وتونس وحدي هايلة التجربة تربط صداقات تم تم وتعيش كل نهار وحدوا برنامجك يمشي على الشعرة لأن مكانش المجموعة لي تعطلك وتروح غير الأماكن لي صح انت راك حابها ما تضطرش ادير بخاطر حتى واحد تستغل بزاف سورتوا البرامج تاع يوم واحد لان المنوض فيها بكري والرجعة لوتال روطار يعني تقدر تسافر مع واحد فنيان شوية ممكن يخسر عليك بزاف عفايس ملاح
لاقدر الله وتعرضت لوعكة صحية شكون يجيب خبرك ؟ حسب رأيي على الأقل واحد معاك
انا سافرت وحدي ولاكن ماشي تخييم يعني كنت باينة في رياض / اوتال
فيه بزاف فوائد منها تلاقى ناس جدد دير بروقرام كيما تحب
تمشي على قيس جيبك
مكاش مشاكل و قيل و قال
ترقد و تنوض وقت ما تحب لانو انت وحدك الي تقرر
اسوء فكرة ممكن جيك في راسك هي تسافر او تخيم وحدك
مهم تكون تعرف الدخلات والخرجات وتكون مجرب ومن الأحسن ادي معاك واحد تتونس بيه ويتونس ومنها تحسلها مليح
نهار هزيت فيلوتي وبڨاجي نتاع الكونبينغ . وحبيت نديرها. جاوني. جدارميا حسبوني ارهابي و من بعد. حسبوني. باغي نحرڨ
الوحدة. احيا افضل من. انك تخرج تخيم. معا واحد خاطيه
حرية
فور تجربة رائعة
المشكل في بلادنا كاين بزاف هذوك الناس في الليل يسمطولك الرقدة
موحال وحدي نهبل لازم معايا مهابل كيفي
عَنْ ابْنِ عُمَرَ رضي الله عنهما عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : ( لَوْ يَعْلَمُ النَّاسُ مَا فِي الْوَحْدَةِ مَا أَعْلَمُ ، مَا سَارَ رَاكِبٌ بِلَيْلٍ وَحْدَهُ ) رواه البخاري
وعن عبد الله بن عمرو بن العاص أن النبي صلى الله عليه وسلم قال : ( الرَّاكِبُ شَيْطَانٌ وَالرَّاكِبَانِ شَيْطَانَانِ وَالثَّلَاثَةُ رَكْبٌ ) رواه الترمذي (1674)
وعن عمر بن الخطاب رضي الله عنه قال : ” لا يسافرن رجل وحده ، ولا ينامن في بيت وحده “. صححه الألباني
وترجم للحافظ ابن حجر ابن خزيمة : ” النهي عن سفر الاثنين وأن ما دون الثلاثة عصاة ” ؛ لأن معنى قوله ( شيطان ) أي : عاص . وقال الطبري : ” هذا الزجر زجر أدب وإرشاد لما يخشى على الواحد من الوحشة والوحدة ، وليس بحرام ، فالسائر وحده في فلاة وكذا البائت في بيت وحده لا يأمن من الاستيحاش ، لا سيما إذا كان ذا فكرة رديئة وقلب ضعيف .
والحق أن الناس يتباينون في ذلك ، فيحتمل أن يكون الزجر عن ذلك وَقَعَ لحسم المادة ، فلا يتناول ما إذا وقعت الحاجة لذلك ، وقيل في تفسير قوله : ( الراكب شيطان ) أي سفره وحده يحمله عليه الشيطان ، أو أشبه الشيطان في فعله ، وقيل إنما كره ذلك لأن الواحد لو مات في سفره ذلك لم يجد من يقوم عليه ، وكذلك الاثنان إذا ماتا أو أحدهما لم يجد من يعينه ، بخلاف الثلاثة ، ففي الغالب تؤمن تلك الخشية ” انتهى .
والظاهر من الحديث السابق أن النهي وارد على من يسافر في الطرق الخالية الموحشة ، أما الطرق الآهلة ، والتي يأمن فيها المرء ألا تنقطع به السبيل ، ولا يعدم معينا ولا أنيسا ، فلا يرد الكراهة ولا النهي عنه ، ومثله السفر في أيامنا هذه في الطائرات أو السفن أو الحافلات ، لأن من فيها كلها يعتبرون رفقة ، فلم يتحقق وصف الوحدة المنهي عنه
متغامرش سفيان😂
Moi
فيها متعة 😍 تكون سيد القرار. تسقسي و تتعلم اكثر. تتعرف بناس جدد. تزيد ثقة تعك بروحك. سلبيات بالنسبة ليا وحدي منقدرش نروح لبلاصة معزولة مثلا..
الكومبينغ في بلايص معزولة وحدك ماهيش افار
حلاوتها يكونو زوج معاك ولا 3 ماكسيموم
و الله حبيت نسييها مي منعرفش نطيب 🤣🤣
طرزان وكره وحدو ولا يدور مع الحيوانات
سافرت وحدي.. خرجت من دزاير وحدي.. بحرت وحدي.. حوست وحدي …. بصح نكومبي وحدي فالخلا منديرهاش ديجا غير خممت فيها خفت 😆😆😆
مڨطع لزرڨ نفس المكان قبل اسبوعين تفتح راسي فالروشي حمد لله معايا الجماعة
Le voyage est un remède à tous les maux 😉
راح تعرف بلي كون غير فوتها كامل وحدك 😜
يا ودي البنة وحدك كي تتعلم تعيش وتحوس وحدك راك درت إكتفاء ذاتي حاجة ما طيحك فالدنيا هذي
تضيق روحك شويه مي توالف
هذا و قد نهى الرسول صل الله عليه وسلم عن السفر ليلا و نهى عن وحدة السفر
فيها متعة كبيرة دير واش يقولك راسك مكاش نتاع اصبر نتشاورو….. انا سيتها هذا الصيف في عنابة و تونس يمات بزاف شابين و تعرفت على بزاف ناس الحمد لله
انا
الايجابيات : الكالم والراحة والتحكم في الوقت والنشاطات وحجمها ونوعها
السلبيات : الريسك واش ممكن يصرى وتلقى روحك وحدك