ع قد ما جربت نفهم ما قدرتش
أولا يا اخوتي راني قلت رسائلكم يعني واضحة بلي مش انا، ثانيا المجموعــــة اسمها 1001 سياحة، ثالثا حددت فالتعليقات بلي صاحب الرسالة رجل و يمارس الرياضة و يقدر يمشي اكثر من المسافة بين وهران و العاصمة ع قدميه، برك هو حب يسقسي ع الطريق الآمنة و نصائح الناس لي موالفة تمشي هاد الطريق بزاف ( باستخدام السيارات…) . التعليقات جد جد سلبية و خارج الموضوع، فكاهة في غير محلها تماما ….
الله يهديكم و خلاه
Posted in Tourism, Uncategorized
ياك نتي ادمين ابداي تصفي
لالا نتي معرفتيش تحطي المنشور ، كان لازم تديري كابتير على الرسالة و تكتبي هاشتاغ رسائلكم و فقط هكذا يولي باين انا واحد ما علقتش كامل و لكن كنت حاسب صح نتي اللي سقسيتي.
عندي قناعة انو الغاشي تع الفايسبوك تافه واذا رياجاتلوو طفلة سي بون تم يبداا المشوار تاعوو
هؤلاء لا يهتدون و لو كانو كذلك لكنا الآن في مصاف الدول العظمى
يبعت لزازا يقدر يفهمو كامل الايجابيات و السلبيات
Trig el bhar mliha mais a velo
مافهمتش علاش تعليقات سلبيه مي راح نطرح سولا اجدادنا كيفاش كانو يروحو للحج
يعني لي سال إذا يقدر يروح من العاصمة لوهرن مشي حاجة مستحيلة تخليكم تستغربو أو تضحكو
مايقدرش يفهم بلي ما عندو ما دخلوا؟ يشوف في روحوا قعرنا ب الضحك و الفياقة.. !
غاشي مش مطهر
لازم الادمين يبلوكي واحد ما يسالك ما قلتيش حاجة حرام في دين الاسلام
كي تكون رسالة مماثلة مديها لأدمين آخر يحطها سيقلل بعض التفاهة قليلا
نعم
حين يكون موضوع جدي اكيد ساجيب بشكل جدي وهذا لي بعثلك الرسالة واضح نيته المزاح بنظر الى الفترة الحالية والجو السائد ولا داعي لنلعب دور الحكيم المثقف اونحاول وضع سبب وجيه لانه لاوجود لاي سبب منطقي مع يتماشى مع هذا الحر في جميع المواقف. تخيل بالسيارة ستصل بمشقة
فراغة ف مخاخهم و جيوبهم فواه حيفلحو عيشك
كتبت كتبت ومحيت ………..
خلاص بعد يهديك الله
اخطيك هاذي التجربة في بلادات الناس ماشي تاع هنا مغامرة غير محسوبة العواقب
حتي ادا انتي و طفلة و رايحة تدخلي هد التجربة مع شخص ما وش دخلهم و علاش تعطيهم التبرير
بالسيارة وماهيش آمنة خلي يا على الاقدام للأسف
لي مافهمتوش سيد باغي يمشي شادخلهم فيهم يا زح قالك اصرف عليا ! ولا بيتني عندك ! فسدو قاع لبلايص وين ماتروح الانتقاد و ناس دخل في روحها
هذ المجموعة تعمرت بالتا فهين
الناس لي طايحة خشان في هاذ الڨروب في الكرملن ومكانش
مواقع التواصل ولات مكب للامراض النفسية، بالزيرو و راهم فراوها 💁♀️
شعب يحب يضحك على كلش
خطفنا عليك برك الأخت ..
و الله دوك جيت 😁 خاطيني
سقسي zazafimmaker مشا من العاصمة ل تمنراست على رجل و متبعش clowns
حنا راه عندنا غاشي ماشي شعب حاشى الناس الى تفهم وتعرف تعلق.الحصول حنا هوما الشعب إلى نعرفوا في كلش
يلزم تصفيهم كامل في هاد المجموعة شفت اغلبية مايعرفوش يهدرو للأسف
هذو هوما الدزيريين للأسف
نتمنى برك لي علقو عالمنشور الأصلي ما يعاودوش يعلقو هنا كومسي ماداروهاش 😀
حبيت أنك راقية جدا في الرد صحيتي مانزلتيش مستواك ♥️😊🌼
هذا هو الفايسبوك مافهمتش علاش جاتك غريبة
انت شوفي التعليقات الايجابية وواش دخلك فالتعليفات الأخرى
الناس اجناس و عقليات و اعمار مختلفة استناي كلش
راك ف افريقيا بلد هم,جي لاعلاقة ب سياحة انا تبانلي دونجي كي وحدك لازم ع الأقل 3 ولا 4
باين عنابي هداك حب يزد فيها🤭
جيستومو قروب سياحة يعني رح يلقو فيه ناس حابة تحوس
ربي يهديهم وخلاص
ملخر ميقدرش مهيش ساهلة وكان بالدراجة ممكن اما على قدميه ميقدر يمشي ف النهار لشدة الحر وميقدرش يمشي في الليل لخطورة الوضع وزيد ميعرفش وين راه يمشي هكذا راه يرمي في نفسو للتهلكة واصلا معندها حتى علاقة بالسياحة اجيني للبليدة ونديه للشريعة يمشي في لجبال حتى رجليه اطيبو
اتيراتني لهجتك العنابية غير الاصلية 🙄🤣
السفر التطفلي قصدها