فيلم Perjanjian Gaib ( 2023 )
الفيلم بيحكي عن واتي وأندريه زوجين فقيرين بيتمنوا إنهم يكونه أغنياء عشان يسددوا ديونهم وكمان يدفعه إيجار المنزل اللى عايشين فيه وفي مرة بيقرأوا عن إعلان لوظيفة الإعتناء بسيدة كبيرة بالسن مُقابل مُكافأة كبيرة فيقرروا يروحوا على عنوان القصر هناك ويقابلهم ابن المرأة المسنة ويوظفهم وبالفعل يبدأوا الإعتناء بيها ولكن هدفهم كان نهب ثروتها والإستيلاء عليها لكن بتموت الجدة “المرأة المسنة” في ظروف غامضة فيقرروا الزوجين إنهم يقنعوا الجميع إنها على قيد الحياة لكن ايه اللى هيحصل لما يكتشفه إن الجدة رجعت للحياة مرة تانية؟
فيلم Perjanjian Gaib مش مجرد فيلم رعب كوميدي عادى او مُبتذل بل يُكاد يُصنف كفيلم رعب وغموض ومن خلال أحداث الفيلم هتفهم الرسالة اللى بيوصلها …. ممكن في الأول متفهمش أحداث سير خط القصة بسبب المُفارقات بين بعض المشاهد العشوائية كمان ممكن تحس بملل لكن لو ركزت مع كل تفاصيله وأنتبهت مع كل مشهد مش هتحس بالملل.
الفيلم يستحيل يكون كوميديا بل هي بعض المشاهد المُضحكة القليلة في جو من الغموض والرعب وافلام الرعب الكوميدي إستحالة تكون بالشكل دا بالفيلم.
عجبني أداء أندريه خاصة لما تراجع عن فكرة سرقة الثروة المُخبئة بالقصر أما بالنسبة لواتي فكانت مُستفزة وشخصية أنانية كل همها الدهب والملايين اللى هتسرقها ومحاولة إنكارها للغلط اللى بتعمله وإنها مش عايزة تعيش في فقر وإن من حق الفقراء يعيشوا كالأغنياء ويستمتعه بثروتهم.
كل الكلام دا الفيلم بيركز عليه في رسالته اللى هتتكشف في النهاية وأيه الغرض من كدا، وبالنسبة للزوجين عاشه داخل القصر لأيام حولت حياتهم لجحيم لدرجة إنهم بيحاوله يهربه من القصر لكن القصر كان ليه رأي آخر
بعد كل الأحداث اللى شوفتها دي لو انا كنت مكانهم مستحيل أدخل القصر دا ولا أفكر فيه نهائياً لأن اللى حصل في الداخل دا صعب جداً.
تقييمي للفيلم: 8 / 10
أعذروني على عدم كتابتي للبوست باللغة العربية الفصحى
