قبل بضع أشهر وضعت هذا المنشور حول إمكانية احتضان الجزائر لكأس إفريقيا 2027 بأكبر عدد من الملاعب و المدن وفرصة للترويج للسياحة و للبد ككل ، بما تملكه الجزائر من مؤهلات و إمكانية تدارك النقائص الموجودة بشكل عادي عندما تكون هناك إرادة سياسية ..
الكثير من التعليقات تمحورت حول : مكاش تواليت ( أغبى تعليق يتكرر دائما ) ، مكاش انترنت ، مكاش فنادق ، شعب ماشي مربي وماشي تاع سياحة ، ماراناش تاع تظاهرات ، الكاميرون خير منا ، الملاعب ماشي شابة …الخ
أتمنى أن يغير هؤلاء نظرتهم نحو بلدهم بعد نهاية ألعاب البحر الأبيض المتوسط …
Posted in Uncategorized
اصحاب جاد ذات يا يتعدلو يا ماقدرش تبني بلاد
اغلبهم ليحكو هكا ما خرجوش من كارتيه او فيلاج تاعه. مع احترماتي ليهم
وبالمناسبة كي يحكي على كاميرون. جرد طريق مزفتة كي ناس مكانش. غير وين كاين الادارات وزعمى
أغبى سؤال ؟؟؟ أظن أنه أكثر سؤال صادق و بديهي و زيد و زيد
ما تغطيش الشمس بالغربال خويا
من الاخير ربي سبحانه عطانا بلد من اروع البلدان و لم نكن قد المسؤولية على جميع المستويات من الاخير
أسمحلي يا أخي بالنسبة لإنعدام المراحيض العمومية والله ماراهو تعليق غبي روح هاد اليامات للعاصمة مثلا أودان الريحة حاشاك تقتل مادابينا تتسڨم الحالة و هاذو النقائص ڨع ياخذوهم بعين الإعتبار
كيف تحكم على من تطرق إلى غياب المراحيض العمومية في موضوع السياحة بالغباء ؟
حاول أن تسأل الأجانب الذين يأتون إلى الجزائر عمالا أو سياحا حول النقائص من وجهة نظرهم. شخصيا وجدت منهم تقريبا التشخيص نفسه :
غياب المرافق بأنواعها (ويدخل فيها المراحيض العمومية).
موت مراكز المدن مع غروب الشمس.
غياب المطاعم (بمعاييرها الحقيقية) وإن وُجدت غاب عنها الطبخ التقليدي.
غياب القانون (تحتاج تفصيلا عميقا).
تردي وسائل النقل.
تدني مستوى الخدمات.
ضعف شبكة الانترنت.
وفي مقابل ذلك يذكرون محاسن كثيرة ليس هذا المقام لذكرها؛ إنما دفعني تهجمك على من خالف رأيك ونعتك له بالغباء للتعليق على منشورك.
اقسم بالله غير عيب نتا تحكي على عفسة وهو يحكي على طوالات جاتكم غي في طوالات ياشكبي ؟ كاين مراحيض متنقلة تشريهم الدولة ويحطوهم بارتو وهي فرات جاتكم صعيبة ؟ وش تبالكم راح يبنو طوالات بالبيطون؟وهاذي كاينة بارتو الدول السياحية ايديروهم نورمال المشكل تاعنا كان فالملاعب الحمد لله حاليا راهم عندنا وبمقاييس عالمية
الأفضل أن يغير هذا البلد نظرته إلى الشعب . فيجب العمل على تطوير المنشآت و الخدمات للمواطن الجزائري أولا . و في حالة تظاهرات آخرى يضيف لمسات جمالية أخرى . البنية الأساسية غير موجودة
انا نشوف بلي تقدر تنظم بطولة قارية او حتى عالمية ماشي قضية امكانيات ابدا..
المشكلة لازم يكون كاين نظرة مستقبلية ، استراتيجية في تخطيط
هل الهدف هو التعريف بالبلاد والوصول الى عدد معين من سياح بعد البطولة.. او جلب استثمارات اجنبية ( لانه هكذا تنظيمات تكون جاذبة للمستثمرين) الخ..
انا نشوف بلي تنظيم بطولة فقط من اجل التنظيم فكرة سيئة خاصة اذا كان مؤقت
ياحبيبي بلادنا كبيرة بإمكانياتها و بشعبها تقدر تنظم أي تظاهرة دولية، لكن لازم تجميع التجارب و الخبرات يعني لازم ديما نترشحو لتنظيم أي تظاهرة ماشي نرقدو ونوضو نظمو وحدة في الثلاثين سنة، ولي يقولك مانقدروش وشعبنا ماشي مربي و بلا بلا بلا، هذا راضع من السلبية كون تروح تخطبو في ختو يقلك ماهيش مربية وتعييك هههه
الفنادق كاين ، النقل كاين ، الامن كاين ، الملاعب كاين خمسة جويلية و براقي و دويرة و وهران و عنابة و قسنطينة و تيزي و كاين تا معسكر ..
كاين كلش في دزاير كانو خاصين غير الملاعب و دوك عندنا ملاعب قريب يكملو كامل نقدرولها كوب دافريك و تجي قوة .
نشالله يتقدمو بطلب تا 2025 🤲🤲
ماشي حايبين يغيرووووا نظرتهم باسكووو مايحبووو البلاد ما يحبولهاا الخير و يسناااو غير و كتاه يديرووها تحريشة و هاذي لي انشالله ماتصراااش ❤💪👐
تحيااا الجزائر وفقط ولي ماعجباتوش الجزاير و شعبهاا ماعليه غير يكيتييهاا ومع ألف سلامة
#وهران_في_القلب
صحا احتضنو العاب المتوسط و قدرولها و جات مليحة و منظمة الحمدلله عجبنا لحال و ڨاع مي بيناتنا ماناش باغيين احتضان محافل و رياضة باغيين بلاد مسڨمة باغيين طريڨ مخدومة باغيين مستشفيات مقيومة باغيين اسيدي غير ماناج كي لولايات الأخرى يلعبو فيه ولادنا.. بلاد مقطوع فيها لماء أكثر من 15 يوم خصها غير كوب دافريك ناس را تعاني دراهم لي يضيعوهم هادوك يفيدو بيها الشعب أولى.. و زيد خصنا شعب واعي بلا مانكذبو كي دولة كي شعب 🙂
بروبلام تاع خرا زرت ثلاثة بلدان مخريتش في تواليت بيبليك
تلقاه يروح للطوالات تاع الجامع و يخرا بلا ما يكادري ويحوس على مراحيض عمومية باش يجي اوروبي يتشوكا كي يشوف الزبل تاعو مطلس في الحيط لالا غي ما يديروش مراحيض نعودو نولو تحريشة بين لجناس ✌️
هاذي هي الفرصة الذهبية للجزائر للبرهان على قدرتها بأحتضان كأس افريقيا و لما لا أعرق البطولات … ان شاء الله برك يشرفونا العشية و يبهرونا ويكون كلش في المستوى
ياودي هذو ما يخرجوش من ولايتهم
جلد الذات رجع صنعة 🤮
بشار سطيف ❌
حسب رأيي العقلية تتبدل اخي من ولاية الى ولاية
نجاح دورة العاب البحر المتوسط سوف يعود لأبناء ولاية وهران لتقبلهم الأمر و السهر على انجاحه من متطوعين و عاملين الخ …..
يعني اذا قلك شخص منقدروش نظمو لأنه ليس عندنا تواليت فهذا يعود لعقليته
كاين ناس و ولايات مالغري تظاهرات مي مزال ميتقبلو أو يكتسبو عقلية تاع تنظيم أي مظاهر
هو يعني صح ابسط مثال المحطة البرية الخروبة
ان شاء الله يبداو بكأس أفريقيا للمحليين في جانفي و يمدولها نفس الاهتمام المعطى لهذه الألعاب باه تكون احسن دورة في تاريخ القارة و تتحسن بفضلها البنى التحتية للولايات المعنية بها كيما راو صاري في وهران
معلش راهي تعيف علاش طيحو بروحكم قدام براني
لازم ندعمو هاد الفكرة نحن كشعب لانو واضح من خلال العاب البحر الأبيض المتوسط بوهران انو الدولة تعنا ما تخدمش غير ايلا كاين حدث دولي. مالا ايلا حبينا نستفادو من مرافق و خدمات متطورة لازم ندعمو هاد الفكرة
معا لاستضافة الكان بالجزائر
و اتمنى من الشعب الجزائري ان يتفهم تاني بلي هذا الحدث الرياضي لي احتضنتوا دزاير راه اقل شأن و اهمية من الكان و اي حدث رياضي حلو عينيكم الواقع يقول انو هاذ الحدث تاع وهران واحد مكان يسمع بيه من قبل و الدول الكبرى كيما أسبانيا و فرنسا و تركيا كي احتضنتوا داروه في مدن غير معروفة اساسا عندهم حنا من تطبيل بزاف رجعنا هاذ الالعاب المتوسطية في مستوى الأولمبياد حلو عينيكم شوي هذا واقع ماشي جلد ذات ماترفعوش مستوى طموحاتكم الى اعلى درجات حتى الفرق الشبه اولمبية المشاركة من الدول الاخرى واحد ما يعرفهم في بلادهم
وزوج كوب ديموند
نقدرو وعادي جدا دزاير عندها دراهم وبدراهم دير طريق في بحر 🤷🏻♀️
كاين وحد الفئة تلقاهم مايخدمو مايزدمو حياتهم اليومية حاصلين فيها وقاعدين لانتقاد كل شيء ونشر السلبية هذيك الفئة ميؤوس منها .
وي ها الله غالب 🙏 الجميع كان هاك ✅ إلا القلة القليلة لي مآمنة بالقدرات وعبقرية أبناء الوطن 🇩🇿❤️ تحيا الجزائر ولا عزاء للشكامة
الغباء بعينه هو الإعتقاد بأن التواليت مشكل هامشي في السياحة. قتلتوتا بالديماغوجية و الشعبوية!
Mosta stade chbeb fih kolchi kima galek ghil zalidj
اول شيء لازم تحلل نتائج العاب البحر الابيض المتوسط قبل ما تحكم وتقول راني صحيح وشوفو واش قلت…. أكيد لازم حتان تنتهي الالعاب باش تقدر تحلل وتحكم
أصحاب التعليقات السلبية أغلبهم مخازنية وبدرجة أقل الأخرار
المشكل الوحيد للشي هذا هو عدو النجاح للبلاد #خائن_الوطن لي دايما يشوف انو لبلاد ماتصلح لوالو وهو بحد نفسو راه والو في راسو
بالاضافة الى التغطية الاعلامية راهي هاربة علينا ضوك التظاهرة هذي ماراناش نشوفوها كامل من ذاك يخرجلك فيديو عليا والشي هذا هو المشكل حتى واذا صلحت واحد مايشوف نورمالمو الاعلام يكون قريب باه يديرو ترويج ليه من كل زاوية
نقدروا ننظموا مناسبات عالمية كي نحبو الشي هذا والدليل وهران المنطقة الرياضية رجعت جنة من كل النواحي والمرافق ولا عزاء للحاقدين💛
منشورك نشفالو وقريتو مليح
ماخممتش بلي اغلب معلقين ومنتقدين من جماعة الجهة الغربية مطبعين
مجرد كمشة غاشي منكوب الفكر مكانه الفايسبوك لا يسمن ولا ينغي حتى نفسه يعشق جلد الذات لا أقل ولا أكثر .
نحن هم أعداء هذا الوطن
مكاش انترنت
هادي من ملعب وهران دنيا قاع تكونكتي
Pourvu avec ça, on aura l’internet à très haut débit, de l’eau sans coupures, des routes propres, des trottoirs et un policier dans chaque coin de rue.
نكدبوا على رواحنا؟ من وينتا وهران بهاد الشكل و التنظيم؟
النوع هداك بالداات هوما و الطاقة السلبية تاعهم لي يمدوها و تفكيرهم السلبي لازم يتردمو ما يغيرو تفكيرهم ما والو .
Hia c’est la réalité toilettes publiques w makanch
😂😂😂😂😂 كي عشات الكاميرون خير منا🤣🤣
تواليت عام محترم ابسط شيء فالسياحة بركا ماتخرط بشعبوية تاعكم
انا كنت مع السياحة في الجزائر بصح من شفت الكبت و الناس مخلوعة و دايرين حالا بسبت هاد تاع العاب البحر الابيض المتوسط نقولك جماعة جلد الذات عندهم الحق كنت ظالمتهم المشكلة مراهش في تواليت المشكلة في عقلية و تربية المجتمتع الجزائري من الجزائريين يغيرو عقليتهم تم نقدرو نهدرو على السياحة في الجزائر و من الافضل بدل ما نحوسو نجيبو السياح للجزائر نطورو من المنشآت في مناطق الظل و خاصة مناطق الجنوب يديرو لهم على الاقل ترامواي و سبيطارات و اماكن الترفيه ياسيدي يوفرو لهم غير الكهرباء
يا خويا حنا عندنا شعب يساهم في تحطيم كل ما هو جيد ،يساهم غير باش يهبط بلادو أكثر مما هي عليه
اغلب الشعب تلقاه يضل يطعن في بلادو لا حشمة لا والو …..
من ناحية التنظيم هي ليست ألمانيا أو أمريكا و لاكن تبقى الجزائر هي الجزائر و واجب علي دعم بلدي فرغم النقائص نتمنى لها النجاح في تنظيم الدورة المتوسطية .
#وهران_فلقلب
ههه يسمعو لزيطوط والجماعة المخزنية
الشكاي البكاي الخراي ما فيهاش معاه 🙃🙃