كلام جارح لكن لازم تسمعوه
هذا الانسان اسمو محمود ابراهيم واغلبكم تعرفوه ، يوتيوبر معروف عند الجزائريين ويتابع كل كبيرة وصغيرة على الجزائر وكل محتواه على الجزائر حتى وصل وين قدر يدخل فندق المنتخب الوطني وتلاقى مع لاعبين والمدرب وجا للجزائر ودار جولات سياحية مدفوعة الثمن وناس بزاف قالو ماعليش المهم يروج للجزائر ، وفي الاخير واحد ماسمع بيه وبمحتواه وحتى في بلادو مايعرفوهش ببساطة لاننا دولة بعيدة كل البعد على التأثير الاعلامي والسياحي ومعزولين على العالم الخارجي وماعندناش تأثير في السوشيال ميديا ، ولكن سبحان الله نفس الشخص راح يومين للسعودية ودار فيديو عفوي قال فيه للحارس (يا وليد الماتش بدأ) فيديو فيه 5 ثواني خلاه حديث الاعلام وكل وسائل الاعلام العربي عرفاتو حتى لاعبين كبار كيما ساديو ماني يقلد فيه ووصل حتى وين دار اعلان لشركة سعودية ، خاوتي رانا بعاد بزاف باش الناس تعرفنا او تسمع صوتنا ، والشعارات اللي درناها من وحي الخيال مثل (عرق راح يطرطقلي من الفخر ) و (الناس كامل يحسدونا ويغيرو منا ) و (رانا شايعين في الموند ) شعارات فارغة نقنع بها انفسها لكي نغطي على خيبتنا ، الحقيقة مؤذية لكنها مريحة لاعادة الحسابات
تسما نتوما كي يجي واحد أجنبي يكبرو بيه ويشهروه تقولو علاش وراهو يستغل فينا، وكي واحد ما يسمع بيه نولو منعزلين ومزالنا بعاد هاهاهاهاهاها
كيما يديرو يحيرو معاكم 😆
الشعب يقول على نفس الشعب بلي فيك وفيك وينسى روحو بلي هو واحد من الشعب…
عندي سؤال وشنوا هي الفايدة كي يعرفونا ولا ميعرفوناش ؟؟؟ واش راح نستفادو مثلا ؟؟ زعما ترويج للسياحة ؟؟حنا أصلا معندناش و شعبنا نحبوا ولا نكرهوا مراوش يخدم لهداك شيء…. أنا بالنسبة ليا نلتاو بروحنا ونخدمو بلادنا في جميع المجالات ماكاش حاجة راي تبشر بالخير في جميع القطاعات 😔سما يعرفونا ولا ميعرفوناش هذاك هو آخر مشكل ديالنا…..قبل fb وجماعتو معرفوناش و ماصرا والوا ؟؟؟؟ وتحيا 🇩🇿شعبا و ……👎
احنا دولة من دول العالم الثالث من اغنى الدول من حيث الثروات و من افقر الشعوب من حيث المستوى المعيشي الفساد كالينا كل شي عندنا بالمقلوب و خلي وخلي ماندخلوش فالتفاصيل و هذي حقيقة رانا عارفينها لكن نفتخرو ببلادنا في كل الأحوال ماشي حاجة بيدي نبدل العباد و الحكام
المهم ماعندناش البق و القمل الحمدلله 🙂
ههههههههه جات غي في هاذي وياودي رانا بعاد بزاف في كلش حكم العسكر كاش ما خلا البلاد تتطور جماعة تع جنرالات راهم مقسمين البلاد لإقطاعات رانا في العصر الإقطاعي مازال ماتحررناش للأسف مازلنا عبيد النظام الإقطاعي
😂😂😂😂😂😂😂😂😂
خلاص بديتو تفيقو بلي دايرينكم تحريشة !!
بصح نتوما الله غالب ماترباوش تقعدو هكا
رانا معروفين و شايعين عند البنوك الاجنبية ما تخافش 🤣🤣🤣🤣
هكا رنا لباس جيب سياح لداركم لا نريدهم في بلادنا السياح يتبع الجنس وهنا لقاوها ناشفة
التصنيف العالمي من المفروص يعاد يرجعونا فالعالم العاشر احسن
واش دخل الترويج للسياحة في واش صرا لهاذ الانسان مؤخرا ! ؟ و كيفاش حكمت وقلت أغلبكم تعرفوه!؟ واش قلقك كي تشهر هاذ الإنسان مدام ماهوش يقدم في شيء سلبي و يضر بالمجتمع! ؟ راكم تهدروت باش تهدروا برك لي يشوفكم يحسبكم صحفيين او نقاد مختصين وراكم تروجوا للحزائر ليل و نهار، في حين أن أغلبكم الشيء لي عطاه ربي (بسبب هاذ لبلاد) أكثر بكثير من واش مديتولها
والمطلوب منا ؟؟؟
وكي تنتقد بلادك على خاطر تغير عليها وحابها تطور يجيك بوصبع لزرق يقلك نتوما أيادي خارجية ويصنفك مع الحركى 🤣
الجزائريين متحلبوش وكي تحلبو تحلبو فالعوج
دك فهمونا حابين تبنو اقتصاد محترم مبني على قاعدة صحيحة كما دول محترمة (صين ، المانيا ،كندا …)اقتصاد منتح للثروة ولا تبنو اقتصاد مبني على السياحة و الترفيه و ضخ اموال النفط في المهرجانات و متابعات الانستقرام؟؟
السعودة هذيك صرفت مبلغ يقدر يبني 5 بلدان ومزالها ف زيرو ماتحققش حتى 10% من اهدافها soit disant المسطرة
بالعقلية تعكم ايا نفسخو الخزينة ونصرفو وشكاين على الاشهار وسوشل ميديال باش يعرفنا العالم ونجيو قاعدين …
عصر الكهلنة
منشور يعبر عن تفكير ابناء الاقدام السوداء مخلفات الكولون
وين راك حاب توصل؟؟!!
انا مكاش حاجة راها مقلقتني وقلبي خرج منها تلقا الناس يحطو ف التيكتوك اغانينا ولا حاجة علينا يكتبولهم وش قال وحيد 🤢🤢 والسيد راه عندو 5ملاين يتبعوه 😥
محشيتلو الي مشي جزايري❌
محشيتلو الي جزايري ✅
فلعالم كي تقلهم الجيريا.. يقلك نيجيريا.. هنا تفهم كلش
نتا خلطت حاجة في حاجة واش دخل واش دار ووو في واش صرا لو في السعودية ياك على بالك بلي كرة القدم أشهر لعبة و أفضل حاجة تقدر دير بيها إشهار و الغلطة تع الحارس هي لي خلات السيد يشيع ماشي لعكس فهمت يعني كون كان يروح لشي ما في السعودية راح يبقى مجهري كيما راهو يتسمى نتا دخلتها شعبان في رمضان و حبيت تحكي على انو مايسمعوش بينا ووو الخ لكن ماعلاقة الشي هذا بواش صرا مافهمتش !!
كلام فارغ
بينلي بلي هذا يتفرجوله من كل انحاء العالم باه تقولي عرفو الدوري السعودي من خلاله؟
الدوري السعودي صدر نفسو للعالم بقوة المال يا حبيبي مكان لا يوتوبر مصري لا شكوبي
يلا با تعرف روحك للعالم رد روحك مطلوب في مجال هام و حاسم بالنسبة للعالم، ماتقولي يوتوب ما تقولي تأثير، روح شوف انتاج سلعة او خدمة “مستدامة” ب”جودة و سعر” تنافسيين في السوق العالمي، انتهى
صحا يرحم باباك، ايا حنا شاوالا المطلوب منا بعد هذا المنشور، وين راه المغزى
انا واحد من الناس ما نرحبش باليوتوبرز المصريين عندنا.. ما شفتش ردود أفعال الشعب المخلوع تاعنا؟… على الخلعة نتاعنا واحد ما راه ماديها فينا.. يديوها فيك كي يكون عندنا شخصية حاضرة دوليا واقتصاد قوي وسياسة منفتحة على العالم في مختلف المجالات.. أما يوتيوبر مشرقي تتخلع بيه أم شنطة تاعنا وتتميع معاه ما عندنا ما نديرو بيه.. واليوتيوبر الموجود حاليا في الجزائر احسن مثال
باسكو كي كان هنا في دزاير قلتو حاب يطلع على ظهرنا.. الدول الاخرى و خاصة الخليج ما يخموش كيفنا لانهم اكثر احتكاك بالجنسيات الاخرى و اكثر انفتاح نوعا ما رغم الطبيعة القبلية المحافظة للمجتمعات الخليجية
نني عندك لاعبين كيما ساديو ماني في دوريك؟ و استثمرتي فيه و جبتي كريستيانو و اغلب النجوم الاوروبيين؟ و جبتي مشاهير يديرولك الترويج و دوريك هو الأقوى عربيا؟ لا مالا على أي أساس درتي هاذي المقارنة ماقدرتش نفهم كيفاه الانسان يقارن بين بلاد منغلقة و مادارت حتى خطوة للانفتاح مع بلاد دايرة كل هاذي الامور من أجل التفتح على العالم و الترويج لبلادها؟
بلاك غير انا ما نعرفوش