كنت ندور في الفايسبوك تلاقيت بهذا الفيديو ، الله أعلم في ولاية سكيكدة ( صححولي المعلومة إذا راني غالط ) إفتتاح موسم الإصطياف ، جات الوالية و شوية إطارات عليا و مسؤولي الأمن رماو لاوبوي هذيك في البحر و الناس تصفق !! واش هيا الحكمة !! الله أعلم !! و الله لحد الآن مازالني مستغرب الأشياء هذي مازالها تصرى في الجزائر في عام 2024 طقوس و عادات ما عندها حتى معنى ، ما عندهمش مستشارين ولا بروتوكول يقوللهم واش راهم يديرو غير مقبول و ما ينسجمش مع التطورات لي راهي تصرى و العالم قاع يقدر يشوف التصرفات هذي ، نتا كسائح تجي للجزائر تشوف الأشياء هذي في التلفاز يعطيك خبر على نوعية بعض الشواطئ في الجزائر ، تحب ترفد كابتك و تروح😐
Posted in Tourism
هاذي في جيجل … مي كامل الولايات راها هكذا .. الله غالب الكهول هكذا دايرين
Rahom 7akmina lkouhol 🤷🏽♀️ j’ai vu la vidéo 9elbi wdje3ni 🤢
هادي في سكيكدة حنا الي عندنا والية
نعم في سكيكدة . و هذا للتعبير على انكم في الحفظ و الصون و نحرص على سلامتكم
أفكار الكهول غير قابلة لتطور
ياربي واش درنا في حياتنا 🤦
لهنودة ليعبدو كلش ومداروهاش
حمد لله مالا لي مشفتيش فرقة تع الطبول تحس روحك في وقت الجاهلية
هادا هو الهدف تاعهم ..يكروهولك لحياة بالقنطة احتى وين يخلوك ترفد كابتك وتروح ..😂
انا كمواكن جزائري اب عن جد وليت حاب نرفد. كابتي وروح بعد ما قربت لل40