لوكارنو 🇨🇭 ( سويسرا )
الكثير يتكلم عن انترلاكن، لكن يجب ايضا ان نسلط بعض الضوء على لوكارنو، في هذا المنشور رايحة نحكي على لوكارنو و القطارات السويسرية، و الرحلة لي درناها عبر الباخرة، لي شفنا فيها مناظر لا مثيل لها
✅تقع لوكارنو في قمة لاغو ماجوري ، إحدى أكبر البحيرات في إيطاليا (أكبر بحيرة في جنوب سويسرا). تتمتع المدينة بأكثر الأيام المشمسة في السنة في سويسرا، مما يساعد على تفسير سبب استرخاء الأجواء وسعادتها.
✅يوجد الكثير من الفناديق، حنا بقينا في فندق 3 نجوم على ما اعتقد، الغرفة واسعة جدا، و نظيفة مطلة على البحيرة( منظر رائع ) ، قريب لمحطة القطار. و المطعم تحتك، و كاين مطاعم كثيييرة حول المكان. الاسعار تبدا من 2 ملاين على حسب الغرفة لي تخير. اسعار الأكل معقولة برأيي. و تمشي زوز خطوات تلقى البحيرة قدامك.
✅خدينا عدة قطارات من انترلاكن حتى وصلنا الى لوكارنو، و في الطريق مرينا بدومودوسولا لي في ايطاليا، و بعدها كملنا لوكارنو. كي تعود داخل لإيطاليا عبر القطار راح يجيو يشوفو باسبور و تيكيت.
✅المكان هادىء جدا و جميل. الا انك تحس روحك في ايطاليا ماشي في سويسرا، الكل يتكلم بالايطالية، و حتى الاجواء ايطالية نوعا ما 😆.
✅كل الحجوزات درناها اونلاين.
✅تجربة الباخرة كانت جد رائعة، تقدر تخير واش من نوع التيكيت لي حاب، حنا خدينا درجة اولي باش نستمتعو مليح بالتجربة، الاكل موجود و كلشي موجود، ثمن الأكل وحدو ماشي داخل مع التيكيت.
✅الباخرة تمر على عدة اماكن و كل ما نمر على مكان مشهور يقوم المرشد بسرد قصة المكان.
✅اهم شيء لازم تجربو في سويسرا 🇨🇭 برايي عي القطارات، خذينا القطارات المشهورة مثل Glacierexpress و Gotthard panorama express و فعلا راح تشوف حاجة مميزة جدا. في Gotthard كي يوصلو لمكان معين يقولولك الا حبيت تروح للخلف و تفتح النافذة و تتفرج 😍 و لقيتا عباد حاكمين العلم و يرفرفو بيه It was cool
✅في Glacierexpress شفنا جبال الالب الشهيرة مكسوة بزينتها البيضاء ( الثلوج )
✅لي عندو سؤال يتفضل، ساحاول الاجابة على قدر ما استطيع.
Thanks admin.
💙💙
شابة بزاف هذي البحيرة حنا جزنا قدامها بالقطار من دومودوسولا الى بيان السويسرية بصحتكم
شحال سقامت الرحلة بالأورو
بصحتك و بالتوفيق
و نتمنى تشاركي جميع تجاربك حتى يتسنى للجميع الإستفادة
كل يوم نزيد نقتنع بالهجرة اكثر فأكثر
Amazing 🥰
Psshtk ❤
ماشاء الله
بصحتكم 🌹
زرتها زوج مرات. صح شابة بزاف. عندهم البيتزا. والجبال تاعهم يشبهو للجبال في جيجل مع البحيرة ثم. كاين الباب تاع باتمان لي يديروه فالافلام.
💛💛💛💛
بصحتك 🤍
My dream destination 😍. Bsahtek
بصحتك ماكاش حاجة اتيراتني كيما نظافة المكان
بصحتك نساقسيك تخدمي مدونة
تهبلي نتي و حكايتك نتمنى تريحي ديما تشاركينا تجاربك السفرية ❤️، و بصحتكم 😍
Raw3a mach’alllah bsa7tkoum ❤️
وانا نتمنا تشاركينا كيفية جمع لمال من اجل السفر هههه