ما الذي يمنع ان تكون البطاقة الذهبية بطاقة تتعامل بالعملات الاجنبية كالاورو والدولار اضافة الى العملة المحلية الدينار ، والتي تغني المواطنين من اللجوء الى بطاقات اخرى، وتدر على بريد الجزائر ارباحا هامة عند التعامل بها؟!
Posted in Tech
ما الذي يمنع ان تكون البطاقة الذهبية بطاقة تتعامل بالعملات الاجنبية كالاورو والدولار اضافة الى العملة المحلية الدينار ، والتي تغني المواطنين من اللجوء الى بطاقات اخرى، وتدر على بريد الجزائر ارباحا هامة عند التعامل بها؟!
يخافو يصرا استنزاف للعملة الصعبة فالبلاد.. الشعب كامل يولي يشري من عند.عمي علي و ايا هكاك الخزينة تفرغ :’)
البطاقة الذهبية معندهاش علاقة بشركة فيزا او ماستر كارد تقدر تخدم بيها محليا فقط معنتها هي كيما الهوية البيومترية
البنوك المحلية راه عندها بطاقات ماستر كارد تقدر تشري بيهم من الخارج
انت زين شفت خدمة بريد تتعامل يالدوفيز ؟ من غير البنوك
لأنها بطاقة محلية تابعة لمؤسسة مالية محلية
ممكن بريد الجزائر معندهاش البنية التحتية باش تتواصل مع بنوك خارج الجزائر او لم تحقق الشروط الدنيا للدخول لهذا النظام المالي العالمي
او ان النظام المالي يفرض انك تكون بنك وليس بريد
او ممكن تلقاها حاجة بسيطة جدا برك عمي الكهل مول الدومي مونش محبش يكسر راسو
فكرتني في صديق مغربي مقيم بالجزائر كان يقلي مكاش حاجة حيرتني فالدزاير كيما انو متقدرش تجبد دراهم بالبطاقة تع البريد من ديستريبيتور تع البنك
وانا كنت نقلو مكاش منها واش دخل البنك مع البريد
وهو كان يقلي فالمروك بطاقة تع بريد تجبد بيها من تي ديستريبيتور تع بنك
وانا كنت ندافع على الجزائر بكل حماس ونقلو راك غالط ممكن تلفتلك عندك بزاف مرحتش للمروك 😅
فالنهاية صدقت عندو الحق … مجرد قرار من عند كهل خلانا نقدرو نجبدو بالذهبية من ديستريبيتور تع بنك 😊
و السكوار كيف يسرقو امالا احمودة ؟
و الدينار حبيتو يطلع ولا كيفاه ؟؟
حبيتنا نعيشو في رفاهية احمودة ولا كيفاه ؟؟
و سكوار كيفاش تقطع عليهم الخبزة 😂😂
واش جاب البريد للبنك ؟ هل بريد الجزائر عندها أرصدة بالعملة الصعبة ؟؟
نتا مش فاتح التعامل والتداول بالعملة الاجنبية في بلادك وتحوس من لابوست لي هي مجرد بريد يتهامل معاك كأنه بنك؟
تهريب عملة صعبة ممنوع منعا باتا من طرف كهول في مطار ينحيلك تحوسلي في ذهبية
هو أساسيات مسكر إستيراد تاعهم على جال باش زعما يحافظ على صعبة
حبيت يمدلك عملة صعبة تخلص بيها نتفلكس؟
دراهمنا و رانا نخرجوهم بسيف بيها
Soug sekoir vu.. 😁😁
Sekoir 3isaba andha fayda fih ktar mel chkil nta3 les frais de transfert
بصح علاش تطرحو أسئلة غبية ؟؟؟
الكارطة الذهبية تابعة ل ccp أي حساب جاري ماشي بنك
البنوك كامل تتعامل بالاورو عادي
البطاقة الذهبية تابعة للبريد الجزائري المحلي يعني ماراهش بنك ، البنك هو لي عندو هذا الصلاحيات تاع يعطيك بطاقة فيزا او ماستر كارد و تشحنها بالعملة الصعبة و البنوك الوطنية ماراهيش تمد تسهيلات للجزائرين تصعب و تضيق عليهم بفرض عمولات كبيرة لإستخراجها و تجديدها و التعامل بها و شحنها و حتى ال ATM 🏧 ما تقدرش تجبد بيه العملة الأجنبية حتميا تلتجأ للسوق السوداء او تجبد عملتك بالدينار بسعر البنك و الله اعلم
علاش التخلاط؟
في كل العالم توجد البطاقات البنكية المحلية (تتعامل بالعملة المحلية) و توجد البطاقات الدولية (visa, master card, american exp…) يعني لما تريد التعامل بالنقد الدولي اطلب بطاقة دولية، و هذا متوفر في الجزائر.
المافيا
لوكان غير دارو ربط بينها وبين البنك فقط هذا ما نحتاجو واش جابنا للأورو
هادي بطاقة تابعة لبريد ماشي لبنك
القانون تاعنا يمنع حركة الأموال نحو الخارج ، يعتبروها تهريب