#ماتغلطش غلطتي اول حاجة قبل مانبدا نشكر جميع المساهمين في هاذي الصفحة و اخص بالذ

#ماتغلطش غلطتي
اول حاجة قبل مانبدا نشكر جميع المساهمين في هاذي الصفحة و اخص بالذكر اخي Othmane Touat
بالنسبة لي يعتبر موسوعة جزائرية في السفر والترحال وكان عاوني قبل اول رحلة لي خارج الوطن الي كانت في سبتمبر الماضي
المفيد مانطولش عليكم كيما سبق و اذكرت سافرت اول مرة في سبتمبر من بعد حصولي على فيزا شنڨن في جوان هو ماسمح لي بالبحث والتحري و مشاهدة بزاف الفيديوهات قررت نروح مرسيليا برشلونة باريس هذا كان في مدة لا تتجاوز 10 ايام (كونجي 10 ايام في عامين هذاك واش كتب 😢😢😢😢) كنت وجدت برنامج وبعد استشار من اخ عثمان و صديق اخر حكمت تذكرة من مرسيليا برشلونة ومن برشلونة لباريس
(application omio)
وتم كانت الغلطة في اني وجدت في
الخيارات بين الطائرة الحافلة و القطار وكانت اسعار جد منخفضة في شهر جويلية والتذكرة حتى سبتمبر او اكتوبر ماكنتش واثق وكتا نروح (حساب ماراني شافي الطائرة من 10حتى15اورو والحافلة كانت 4.99(
لكن لم اقم بالحجز ذلك الوقت حتى بدايةسبتمبر كانت الاسعار زادت وين اضطريت نحجز في الحافلة من مرسيليا برشلونة ب 17 اورو ومن برشلونة لباريس ب 27لورو مع حافلات ouibusكانت اسمها blablabus (حافلات جد مريحة مع عدة محطات توقف ماتحسش بالطريق لكن تبقى حافلة وراح تتعب)
المهم في الرحلة من برشلونة الى باريس كانت الانطلاقة من برشلونه 13.30الوصول5.30غدا وصلنا محطة bercy
بعد16ساعة
محطة تخوف غير الأفارقة و الغجر والبعض من سياح الاوربيين
الي حابين تمرميد كيما انا بعد مانزلت من الحافلة بنحو نصف ساعة وبحكم الحال مزال باكر قولت نبقى تم حتى يطلع نهار
تفكرت حوايج كونت حاطهم في كيس فوق راسي(مشتريات وتذكارات بنحو 100حتى 150 اورو) وياريتني ماتفكرت رجعت لقيت الحافلة مشات دخلت الموقع درت تبليغ بضياع وزدت حوست على وين محل تاعهم تم في المحطة لقيتو حتى السابعة ونصف باه يفتح كيما فتح عطاوني رقم الحافلة ووكتا نعاود نلقاها (السائق والحافلة وكتا ترجع برشلونة)
كان ذلك في المساء وين عاودت رجعت لكن وااااالو كانو حوايجي طارو قالي تسرقو كيما خليتهم من طرف المسافرين الاخرين
هذي هي النصيحة تاعي افرز امورك على بكري لما تقرر تسافر دير برنامج واحكم في الطائرة احسن و باكرا قبل شهر او شهرين من السفر وين تكون الاسعار مليحة
نتمنى مطولتش عليكم و شكرا