مساء الخير عليكم، رايحا نمدلكم بعض النصائح على شكل “ما تغلطش غلطتي” 🤭 فيما يخص عمرة رمضان لعل و عسى اللي راهو حاب يروح العام الجاي يستفاد منهم…
-على حسب تجربتي، إذا كان الواحد موالف بالسفر و شاطر يروح وحدو خير، رحت أنا و الوالدين مع وكالة (زعمة معروفة😏) زدنا تمرميد لرواحنا في باطل…
-الأيام الأخيرة لرمضان فيها غاشي عظيم و زحام، حنا كنا نروحو صباح بكري لتوسعة الملك فهد، نحكمو مكان شباب و مانعاودوش نولو حتى مور التراويح و أدو معاكم هاذوك الزرابا اللي فيهم مسند للظهر، رايحين يريحوكم بزاف…
-بالنسبة للأكل حنا ما درناش مع الفندق لأنهم يلزمو عليكم الإفطار بعد المغرب، و إذا خرجت مالمسجد پلاصتك تروح و ما تصحلكش حتى الصلاة في الساحات، لهذا كنا نكسرو الصيام فالمسجد و ندو معانا شوية ماكلة و الخير كاين، الناس تصدق، و بعد التراويح كاين المطاعم اللي يبيعو حاجة مليحة و نقية داخل أبراج الصفوة، و عندهم الفاكهة كذلك ماشي غالية بزاف…
-أسوء شركة طيران سافرت معاها في حياتي هي طيران الناس flynas، يا خاوتي واحد التشناف عمري ماشفتو في المظيفين و المظيفات من قبل، تبسيمة ماكاش و ماكاش حتى الإنسانية، العجايز اللي بالكرسي المتحرك مساكن نحاوهلهم و شرطو عليهم يكريو عليهم الكرسي باه يطلعو فالطيارة، و لوكان تهدر معاه شوية و يضربك، مانعرف إذا عاملين هكذا غير معانا حنا الجزائريين (على خاطر الله يبارك علينا نهبلو 🤭) ولا مع الناس كامل هكذا…
-الفندق لازم يكون قريب من الحرم، مايفوتش 600 متر، لأنو الحرم كبير بزاف، إذا غلقو باب رايحين تمشو بزاف باه تلحقو لباب آخر و أدو معاكم بليغة تكون مريحة و تكون نتاع مشية، ننصحكم بla marque peak, هايلين و ماتعياوش…
-أفضل وقت تديرو فيه العمرة هو الصباح بكري بين الثامنة و العاشرة صباحا لأنو هذاك الوقت الناس تكون راقدة و صحن الكعبة مايكونش فيه الازدحام و ماتكونش سخانة بزاف…
-الناس اللي حابين يشرو عبايات أو الهدايا عليكم و على أبراج الصفوة، الأسعار مليحة، تقدروا تروحوا بعد صلاة التراويح باه ماتراطيوش الصلوات، سويعة و نتوما فريتوها…
هاذي بعض النصائح و إذا كاشما تفكرت راني نزيد نكتبو فالتعليقات و شكرا🙏🏻
ربي يقبل ويرزقنا زيارة في القريب
ما تنساوش التقاشر.
التقاشر ما تنساوهمش 🙂.
هاذي تان نصيحة قيمة هههههه خاطر الحرم داخل لرض تقول راك تمشي على الجليد
شكرا الله يتقبل ❤️😔
ماهو الامر لي ازعجك في الوكالة لو سمحت
Rani nawya nro7 f décembre Ida rabi keteb
لي باغي يروح يشوف story a la une تاع 2algerianstravel راحو وحدهم للعمرة بلا آجونص و هدرت على ڤاع les détails و الله يقبل و يرزقنا و اياكم❤️
لي يروح للعمرة يدير تصويرة عند الكعبة بالجنب ويجي يجري يدير بسبليكاسيو ياخي حالة ياخي
بارك الله فيك
يعطيك الصحة اختي ربي يتقبل و عقبالنا أن شاء الله
غيرتني هههه ربي يتقبل منكم وان شاء الله يرزقنا زيارتها مع الوالدين
ربي يتقبل منكم ختي و يكتب لنا عمرة وحجة في اقرب وقت ان شاء الله
Je valide aussi tt ça ☺️ الحمد لله الذي أنعم علينا اللهم اكتب لنا الرجوع ان شاء الله 🕋🥹
ربي يتقبل و ربي يرزقنا زيارة ، نروح بلاطاي والله يجيبها في وين نبات ولا وش ناكل المهم نروح بإذن الله
راكي غالطة وقت العمرة مليح وقت التهجد ولا بعد الصبح بعد فااااااارغة الكعبة و السخانة مكانش و تخلص مع 7 تروح تريحي 10 زيدي تهبطي باه مضيعيش صلاة الظهر
وبالنسبة ل flynass
Pour moi la meilleure 👌 khir mn air Algérie ya lhenana 😁
حنا قامو بينا عالخر و لا تشناف لا والو بالعكس يحكيو يضحكو و كلش بلاك ڨروب لي طحتو فيه مش مليح
و بالنسبة ليكادو صفوة غالي شوية بما انك راح تشري حوايج بزاف كاين اسواق الجملة طايحة تم كتين سوق العزيزية قريب و سوق الكعكية و كاين العتيبية مليح هدا تاني مي بلاك بعيد شوية
صفوة فيع عبايات ملاح و قمصان برك 👌
ربي يتقبل منكم إن شاء الله
ماشي كامل كيف كيف انا رحت مع وكالة و جازت خير من لي رحت وحدي فندق قريب بزاف و يدونا قريب كل يوم يوريلك ضواحي مكة و الاماكن التاريخية و مع اللخر زادولنا يومين من عندهم .. المهم وحدك مليحة كوتي مصروف .. و على العمرة و الغاشي دوك تبدلت ولات لازم يكون لابس الإحرام باش يدخل للصحن… نمد نصيحة برك لي جامي راحو كي تروحو تشرو حاجة يقولك مثلا عشرين ريال اعرف بلي تقدر تديها بعشرة عادي .. أديو فيستا خفيفة البرد كي يطيح الليل بعدا في المدينة … ادو معاكم ريزيستونص و شوية روز عدس قهوة … و طيبو فالشامبرا خاطر الماكلة ديالهم برا مدرنا والو غير لهنودة و الباكيستانيين انا واحد عفتهم و ربي يغفرلي
تقبل الله منكم طبيبة
Sa7 flynass mkan mkan 🚶🚶🫠
عمرة مقبولة و لعقوبة لينا 🤲🏻❤️
عمرة مقبولة 🤍 ربي يرزقنا زيارتها 🤲🏼🥺
عمرة مقبولة ❤️ ولعقوبة ليا والوالديا
الله يرزقنا عمرة 🙏🏻
ربي يتقبل يارب،امنيتي ندير عمرة بشهر رمضان يارب.
ربي يتقبل ان شا الله انا أوافقك الرأي رحت ف أوائل رمضان مع وكالة مليحة واش خلصنا واش لقينا الحمد لله و المرشد مليح لكن لي موالف بالسفر يسافر وحده أحسن و أحسن
فيما يخص الفندق ف المواسم كل ما يكون قريب كل ما يكون أحسن لتوفير الوقت و الجهد خلصت الأكل في الفندق و كانت أكبر غلطة كيما قلتي يشرطوا الافطار بعد المغرب حتى الساعة 23 سما يا تفطر يا تصلي و الأكل ماشي بنين بالرغم من التنوع
آخر نصيحة اغتنموا الوقت في العبادة و حاولوا تصلوا كل الصلوات في المسجد حنا كاين بعض المرات كنا نقعدوا ف الفندق من كثرة الازدحام و كي جينا ندمنا
ربي يتقبل ياربي . شكرا على نصائح💚💚💚
وين يروحو وحدهم الاغلبية عائلات مكاش كيفاش و لي جامي راح كيفكيف و نتي مثلا لازملك محرم … قليل لي يروح وحدو و ماشي ساهلة كيما راني تقولي فيها ميزيريا تشوفي الناس يعبدو في ربي و نتي تحوسي وين تباتي النقل الاكل … انا نقلهم روحو مع الوكلات اعرفو تخيرو برك كاين وكلات بزاف ملاح و ناجحين
عمرة مقبولة ان شاء الله
الله يتقبل ويكتبها لكم، و بارك الله فيك
الله يتقبل منا ومنكم
ختي أولا عمرة مقبولة أن شاء الله ❤️
ثانيا حبيت نسقسيك إذا كاين كراسي فالحرم ؟ ماشي كراسي يمشو بيهم قصدي كراسي عاديين كيما لي نلقاوهم فالجامع باش انسان يصلي عليهم اللي ميقدرش؟
ربي يتقبل
Je confirme tous خاصة الاكل تاع الفندق تقعدي مربوطة بيهم حنا بلا رمضان خلصنا الفطور و العشاء لازم نرجعو نتعشاو و نرجعوا تعب و مضيعة وقت
و ثاني الشراء من ابراج الصفوة اسعارهم معقولة و تقضي كلش في نهار بلا ماتروحي للاسواق البعيدة و تضيع صلوات في الحرم
شكرا ربي يوفقنا معولة نديرها بعد الحج ان شاء الله
بارك الله فيك عندك الحق فواش قلتي لكن عمرة مابين عصر ومغرب يوم الجمعة روعة روعة
ربي يتقبل انشالله، واش اسم الفندق من فضلك ؟
ربي يتقبل ويثبثك عليها
شكرا
ربي يتقبل منكم ويكتبها لينا يارب
عمرة مقبولة إن شاء الله
نروح ان شاء الله دربالة ما نشريها