ممكن واحد يفهمني علاه علميًا علاه ميشارجيش بشارجور التيليفون ؟ حسب علمي المتواضع.. استطاعة أي جهاز كهربائي هي حاصل ضر

ممكن واحد يفهمني علاه علميًا علاه ميشارجيش بشارجور التيليفون ؟

حسب علمي المتواضع..
استطاعة أي جهاز كهربائي هي حاصل ضرب شدة التيار في التوتر الكهربائي و وحدتها هي الواط
باش نفهموا ، التوتر الكهربائي ( الفولطاج) هو لي لازم يكون مطابق ، باش ميحرڨش الاجهزة يعني هنا في حالة الشارجور و مخرج USB متطابق ( 5 فولط) يعني نفوتو للمتغير الثاني لي هو شدة التيار الكهربائي
شدة التيار الكهربائي كي تزيد متضرش حتى جهاز و كي تنقص أيضا ( التيار هو عدد حاملات الشحنة المارة في سلك ناقل خلال وحدة الزمن أو الثانية) كي يزيد يشارجي عادي ، كي ينقص يطول باش يشارجي أو ساعات يولي ميشارجيش حسب العنصر الكهربائي

مثال تبسيطي: التوتر الكهربائي (الفولطاج) نمثلوه بعرض طرفي مدخل تاع باب 50 سم ( مثلا 5 فولط)
التيار الكهربائي هو عدد الاشخاص لي يقدرو يمروا عبر الباب دون تشويهه ( تغيير ابعاده) و الباب هذا يقدر يدخل شخص واحد في الثانية ( واحد امبير)

كي نجيبو شارجور ( المكلف بالباب) يمرر 2 امبير ( شخصين) هل الباب يتسع لشخصين ؟
طبعا لا إذا يبقاو يمروا بنفس الوتيرة شخص واحد فالثانية ، هل تغير عرض الباب ؟ لا لأن المسؤول عنه هو التوتر ( الفولطاج) ولي بقا ثابت
وقتاش يفسد الباب! عند تغيير عرضه ، يعني العنصر الكهربائي يشارجي ب 5 فولط و نتا تحطلو 15 فولط شغل الباب تاع قبيل و كاين شخصين واحد كل واحد يجبد من جيهة حتى يطرطق و يولي كبير ، فالحالة هذي تصرا ما يدعى sur-tension
يعني الباب اتسع ولا يقدر يفوت حتى 3 أشخاص فالثانية بصح الجهاز يقدر غير ل شخص واحد فالثانية يولي يفسد الجهاز
صحا هل جميع المخارج ( يو أس بي ) متماثلة فالاستطاعة ؟ المخرج من الجيل الأول اقل من الثاني و الثاني أقل من الثالث تسما حسب منطق التجار كون تبدل نوع المخرج يتحرق الكيتمان ؟

خلاصة: تشحن ب شاحن تاع حاسوب ، بشاحن تاع هاتف ، بشاحن تاع طابلات من مخرج تاع حاسوب كامل كيف كيف بشرط التوتر ( الفولطاج) يكون نفسو

و الهدرة هذيك تاع يحرڨ و و ما هي إلا خرطي داروه التجّار لتبرير الخردة لي تتحرڨ لأنو النوعية رديئة
و العلم لله.
#1001_tech