نصائح للمتوجهين الى اسطنبول
بعد زيارتي لاسطنبول بداية هذا الشهر اردت تقديم بعض النصائح للافادة
– اذا أول مرة تروح ولا عندك بزاف مارحتلهاش دير حسابك بلي راهي غالية بزاااااف مقارنة بوقت فات، يعني مثلا اذا قبل كنت تشري سندويتش شاورما ب 40 أو 50 ليرة، الان راه يدير من 90 حتى 120 ليرة
– بطاقة النقل istanbul card راه ب 70 ليرة وتشحنها maximum ب 500 ليرة ثم بعدها لازمك كارت جديدة
– الأكل في المتوسط ل 2 أشخاص يسقام من 350 الى 600 ليرة لوجبة غداء ( يبقى كل واحد وكيفاه قادر ياكل انا نهدر بالمتوسط)
النقل دير حسابك أقل شيء كل يوم 100 ليرة فما فوق
سعر الصرف راه في حدود 2800 ليرة ل 100 أورو
– ننصحك خير فندق يكون فالفاتح أو السلطان احمد وبايازيد لقربهم من أغلب الأماكن السياحية ولتوفير مصاريف التنقل والتعب
اذا حاب تشري ملابس أو اي حاجة اخرى ماننصحكش بالسوق المصري و grand bazar الأسعار هناك مرتفعة، كاين سوق فالفاتح يوم الاربعاء وسوق الجمعة في أكساراي الاسعار فيهم مليحة ننصحك تشري منهم لكن حذاري، السرقة بقوة ثم تغفل على روحك يعريوك
– راح تلقى بزاف اشهارات لجولة البوسفور بمبالغ كبيرة، ننصحك ماتروحش معاهم لأنو عند ركوبك فعبارات النقل العام راح تعمل نفس الجولة تقريبا وبمبالغ رمزية
– كاين أماكن بزاف داو شهرة رغم أنهم أماكن عادية جدا ( من وجهة نظري) كجزر الأميرات، بالنسبة ليا حسيت اني ضيعت نهار كامل فيها وكنت قادر نروح لأماكن افضل منها بزااااف
الأتراك شعب كيما كافة الشعوب فيهم المليح وفيهم الحاير لكن ننصحك تفادى التعامل معهم أو الاحتكاك بهم على خاطر متعصبين بزاف وهناك نوع من العنصرية حاليا
– أماكن كيما eminunu و uskudar جميلة جدا وقت الغروب ننصحك ماتراطيش هذاك الوقت الا وتكون تم
– كاين قاطو مشهور جدا في مواقع التواصل الاجتماعي اسمو san sebastian موجود في مقهى جنب برج غلطة لا أنصح به، طعم مخلط بين حلاوة الشوكولاطة و الفرماج، شخصيا ماعجبنيش وسعره مرتفع جدا 250 ألف بدراهمنا للحبة الواحدة، صراحة حبة ميلفاي تاعنا خير عليه
– بالنسبة للتكاليف:
تذكرة الطائرة ب 3,8 مليون مع الخطوط الجوية الجزائرية
الفيزا ب 2,7 مليون
كراء غرفة فالفندق مع فطور الصباح ب 269 أورو لمدة 9 ليالي و 10 ايام
بالإضافة إلى مصاريف الاكل والشرب وغيرها من المصاريف لي كانت بين 400 و500 أورو بالنسبة ليا وقد تتغير من شخص إلى آخر
Honnetement machi Blad
جزيرة اميرات مليحة
Overrated
شكرا على التنوير خونا المعيشة غلات في العالم كامل
ممكن اسم الفندق لي حجزت فيه من فضلك
الاسعار بالاورو هما هما نفس الاسعار مع تلعام الماضي
حاجة ما زادت كي نشوفو الاسعار بالاورو
ممكن اسم الفندق تعيش
Je confirme جزر الاميرات اكبر حشوة 😂😂
بارك الله فيك أخي جات في وقتها ان شاء الله نعمل بالنصائح تاعك؟
الشريحة اخي واش شريت؟
Le san Sébastien a ne pas rater ana chhel 3jebni
جزيرة الاميرات عندك حق انا رحتلها ضيعت نهار ما عندها حتى معنى
مشكور على المنشور سأضيف شئ العنصرية ضد العرب كثرت كثيرا في تركيا لذا خذ حذرك
سندويتش شورما كنت ناكلو 10~15ليرة
بصحتك زادت بزاف علا حساب الشوفة 😑
لوكان رحت لولايات اخرى اسطنبول خمسة ايام بزاف عليها
اك غالط جزر الاميرات روعة صديقي
اسم الفندق من فضلك
تركيا مبقاتش فيها السياحة طغاو بلعنصرية
ما تشروش شريحة الهاتف فالمطار الثمن غالي بزاف
San sebastian wa3raa
Djat f wa9tha…..merci bq pour les conseils
شكرا
اكره بلاد عندي هي تركيا
خاوتي الناس لي راحت للفندق هذا يعطينا رايو فيه ؟
عندي اقل من اسبوع منين روحت اوافقك وًبشدة
ياحسرة نهار رحت 100 اورو صرفتها ب 650 ليرة
Bsahtek .. ma3lich t9olna nom de l’hôtel stp
موقع السوق الاسبوعي تاع اكسراي !!
شكرا لك
Rania Care اقرأي تفهمي
شكرا على النصائح القيمة
اسطنبول أجمل وجهة سياحية للكثيرين
اعتقد انك ما عرفتش كيفاش تستغل وقتك فيها
الاسعار لم تتغير نهائيا معرفتش كيفاه شفتها تغيرت
ممكن بعض الاشياء زاد سعرها لكن حتى سعر صرف الاورو راه يجيب اكثر من العام للي فات
كنت قادر تشوف مكتب سياحي يوجهك كي يوم لمكان سياحي و بأسعار رائعة
نظن انك اعتمدت على نفسك و معرفتش تستغل وقتك
جزيرة الاميرات من أجمل الاماكن لكن الناس مش كيف كيف عادي تقدر تعجبني و ما تعجبكش
.. شوفو فانستغرام مكاتب سياحية ف تركيا و استغلو وقتكم معاهم احسن .. حتى اسعارهم عادية ف المتناول و يختصرو عليك التخمام و يوصلوك من باب الفندق و يرجعوك ثم بأسعار جيدة
تركيا اذا حبيت تحوس مليح طلع اقل شي 1000 اورو علي جيهة بلا الطيارة بش تستمتع و ما تفوتش 15 يوم احسن .. بش ما تدخلش ف روتين ..
Istanbul card on l’a acheté à 50l et 100€ valait entre 2900 et 3100l à laleli en juillet
هادك الوقت مية اورو كانت تجيب اربعمية او خمسمية ليرة الان راهي تجيب الفين
السياحة ليس لها ثمن
المعيشة غلات ثم بزااف
بارك الله فيك
Je ne recommande pas, pays anarchique
بصح ماتنساش بلي 1€ راهي 28 tl
زيد نصيحة باي الي يروح باش يحوس من الاحسن يشوف اجونص تع عرب ثم وهومه يحوسو بيه احسن ويتجنب احتكاك بالاتراك وزيد يكسب الوقت لانه اسطنبول مشكلتها هي النقل وقتك قع يروح فيه والمناطق السياحية بزاف بعاد على بعضاهم
Awedi hadik brouhha gaa mchi bled…
وكل هذا تزيد تدي طريحة من عندهم كي يعرفوك عربي جيت عندهم
ملاحظة :
سعر الصرف يتغير كل يوم
يعني كي يعطولك 2900 دير في بالك بلي اي حاجة تشريها و تخلصها راح تكون زايدة ايضا
بالمختصر كل ما يزيد سعر ابصرف تزيد الاسعار يعني ما تفرحش كي يعطولك 3000 راح تكفيك كيما كي يعطولك 1000