نصائح و معلومات لي حابين يديروا العمرة
#1001tourisme #1001عمرة
#معلومات
1- سعر الصرف راه 100euro=400ريال
و 1000 دج= 14ريال
2-اختاروا فندق قريب عالحرم يعني 500 او 600 متر على الاكثر باش مايروحلكمش الوقت في المشية لانوا الحرم كبير مع المشية لي لداخل هاديك هي باش تصلوا كامل الاوقات في الحرم .
3- حاجة صرالتي و شفت بلي مهمة و ما يهدروش عليها ادا صرالكم حادث داخل الحرم شوفو شرطي قريب ليكم يتصل بالاسعاف او اتصلوا ب 997 او 977(نسيت) و استناو يلحق الاسعاف وهما يدوكم المستشفى لانوا الطريق مغلوقة الاسعاف يفتحولوا الطريق و كي تلحقوا يدخلوكم هما متديروش la chaîne f l’hôpital ولازم الفيزا تكون معاكم و assurance باش ماتخلصوا والوا.راح تقولوا نروحوا وحدنا باش نربحوا الوقت لكن العكس
4-الاكل اذا درتو مع الفندق راح تزيدو تخلص 3ملاين لواحد وتبقاو مربوطين بوقت فتح مطعم الفندق .دوا معاكم شوية و شروا هناك راح تجيكم احسن وتكونوا libre و اصلا مراحش تحسوا بالجوع.
Alimentation تقدروا نشروا من supérette carrefour et bendaoud جايين جيهة الابراج الاسعار فيهم احسن من المحلات العادية (راح نحط بعض الاسعار في الصور)
5-ماء زمزم عندكم الحق في 5 لتر تشروهم من المطار ب 8,5 ريال و تقدروا تزيدوا قرع صغار فالحقيبة لي تروح bagage المهم ما تفوتش 23 كيلوا (كل شخص عندوا الحق في 2 حقيبتين 23 كيلوا في الوحدة و حقيبة صغيرة تطلع معاك ما تفوتش 10 كيلوا)و لي تطلعوا معاكم في الطائرة نتوما و زهركم انا جوزت 3 قرع صغار ف sac ados خلاوني و وحدة نحاولها يعني حاولوا متمرقوهاش هما يغمضوا عينيهم مرات.
6- شراء الملابس و الهدايا اذا حابين وين قريب ابراج الصفوة السعر معقول و زيدوا نقصولهم تقدروا تشروا الحاجة بنصف السعر والا حابين مارشيات كاين العتيبية و مول العزيزية و الكعكية الاسعار اقل شوية وكاين اختيارات اكثر تروحوا في الحافلة او تاكسي لكن ديروا حسابكم راح تضيعوا الوقت و ممكن يفوتكم اوقات الصلاة (انا مرحتش شريت في الابراج وشارع غزة).
7- المراحيض مكاش داخل الحرم لازم تخرجوا الى التوسيعات الخارجية راح تضيعوا الوقت و تروحلكهم بلاصتكم يعني ديروا حسابكم خصوصا لي يحب يصلي اكثر من وقت بلا ما يخرج
8- الكابات تاع بلاستيك هادوك مع air Algérie يجوزونهم مع الطيران السعودي ممنوع
9-لي حاب يحط مصحف او كرسي صدقة جارية في الحرم لازم من نفس النوع لي موجود في الحرم خصوصا المصاحف كي تشروا قولولو مصحف وقف الحرم تلاقاو السعر ديالوا اكثر من سعر المصاحف الاخرى.
10-لي صراتلوا حاجة او حاب يستفسر في امر كاين اماكن مخصصة داخل الحرم فيها أإمة يفتولك و يفسرولك باش تكون العمرة صحيحة و مقبولة انشالله
11- لي حابين يديروا عمرة اخرى كاين حافلات مكة يدوا الى مسجد عائشة للتنعيم( الاستحمام والاحرام) باطل في شارع غزة و الى كنتوا مجموعة تاكسي يدي 10 ريال لبلاصة
لي حابين معلومات اخرى يسقسوا في التعليقات
نصائح مهمة:
1) ما ترفدش معاك باسبور و دراهم للحرم
2) ما ترفدش معاك باسبور و دراهم للحرم
3) ما ترفدش معاك باسبور و دراهم للحرم
4) ما ترفدش معاك باسبور و دراهم للحرم
يروحلك باسبور تفسدلك العمرة ، و شفت حالات معانا بالعشرات
Hou Da
بالنسبة للاكل
مليح تدي معاك مالجزاءر خاصة الحاجة اللي ماتفسدش
الفرماج، المعارك، الڨاطو (تنقص شوية عليك) و زيد الماكلة ديالهم ماتعجبش بزاف
بالنسبة الماء زمزم، اذا مانيش غالط بيدون تاع 5 فكابة
(تعمروهم و غلفوهم مليح بالسيلوفان و حطوهم مع الحوايج) انا جبت زوج بيادن و زدت شريت بيدون مالمطار
بالنسبة الفندق، اذا نقدرو كيما قال الأخ (يالوكان نزيدو مليون ولا زوج) و روح لفندق قريب من الحرم (500 متر) باش ماتراطي حتى الصلاة (الصلاة واحدة لتم قيس 80 سنة هنا) معنتها ماشي خسارة فيها 2 ملاين زيادة
بالنسبة اللي حب يزيد عمرة مليح تتجنب عمرة عاءشة رضي الله عنها (هدرو فيها العلماء، ابحثو في هاذ الموضوع) و لوكان يلزم شوف جماعة و اكرو طاكسي للطاءف احسن (واقيل 50 ريال للشخص)
و ربي يقدر كل مومن
التكلفة كااامل من هنا لهيه حتى لي عاودتي رجعتي شحال ستقامتلك من مليون للواحد
حنا كي رحنا درنا اطعام. الفطور بعد صلاة الصبح. و العشاء بعد صلاة العشاء. و مرات تقدري تطلبي منهم يخليلولك الفطور. اما في رمضان اظن لا داعي
حاجة اخرى الفواكه ثاني ارخص. مثلا الكيوي ب 7sar
المراحيض صح لازم تخرجو برى. لكن باه تعاودو الوضوء. كاين وين. ف دور صحن المطاف كيان اماكن مخصصة للوضوء فاصلين فيهم ب ستار اخضر
اذا تروح خارج رمضان. حاولو تصومو اثنين و خميس و تختمو القران تم. راح تقعدو ف مكة حوالي عشر ايام
لي يسكنو ف شارع اجياد كاين تم حوانت و كان لي يحطو ف طريق
ف الابراج ف Rez de chausse كاين لي طبعو سجادات و يكتبلكم الاسم عليها. فكرة مليحة
متنساوش تدو نسخة من مسحف هدية يمدهولكم . باب 82-81
او ف دور الاول كاين مكاتب كبار خشبية مراة يجيو مرشدات يمدوهم صباح جوايه العشرة
اما الطعام صح راح تلقاو صعوبات. خاصة كبار السن. الرز ابيض يكرهو منو. ديرو حسابكم
عمرة مقبولة ♥️
تقبل الله
رمضان هذا كارثة في الاسعار .
رحتي حرة ولا مع الوكالة ؟؟
ربي يكتبلنا عمرة قريبة أن شاء الله
Ch3el le prix w chahowa le mois li ykon mlih
1000Da=18riyal machi 14 corriger et mrc