هاذا نوع من المنشورات ديما نصادفو و الحق يستفزنتي
منطق المستهلك الجزائري غريب كيفاش شركة كبيرة و مشهورة ذات رأس مال ضخم راح تطمعلك في زوج جيغا تاعك ؟
المشكل انو يتحمس فالتعليقات و يسب الشركة و احيانا يسب حتا تبون بسك الجيڨات تاعو نقاصو.
يا اخي انت واش خاسر روح ادخل للإعدادات تاعك و ذوك تعرف كل ميڨا بالتفصيل واش من تطبيق استخدمها اتأكد من واش راح تنشر ماشي تقول “مانضنش”
#1001_tech
Posted in Tech
نظن بلي منشورك مستفز أكثر رغم أنك عارف بلي هاذو الشركات لي راس مالهم ضخم كما راك تقول سراقين بصح تحاول تقزم الأمر.
هاذي الشركة كي تسرق 2 جيڤا من المواطن الواحد كل شهر اضرب 2 في عدد زبائنها لي يفوت 5 ملاين زبون … تلقا بلي يسرقو اكثر من 10 ملاين جيڤا شهريا
وتان كي نقولو يسرقو معناها تخلاص قبل الوقت وهذا يخلي الزبون مضططر باسش يزيد ياكتيفي
تاع تسرق لي جيغا مكاش منها وتقدر تشوف الاستهلاك تاعك في اعدادات الهاتف وتطابقها وتلقاها هذيك هي وشخصيا في حياتي مزال ملقيتش جيغات ناقصين ومهمش ف الاعدادات وطبعا احتمال يسرقولك ليجيغا مستحيل جدا ،جيست الانترنت مؤخرا فيه تحسن كبير في التدفق والسرعة خاصة اوريدو (عمموا 4 جي + في اغلب المناطق)وبالتالي كي تكون السرعة حيدة يمشيو الفيديوات بجودة عالية خاصة تيك توك وفيسبوك ومنه ملي تكون تستهلك 1 جيغا فاليوم تولي تستهلك 2 جيغا
الحاجة الوحيدة اللي الشركات معلباليش يديروها بالعاني ولا كاين خلل هو الاشتراك التلقائي في بعض الخدمات كيما رنتي و موبسوند وغيرها وتولي غير تفليكسي ينحولك دراهم الاشتراك (حسب استفساري سابقا خبروني انو بعض المواقع لي فيها اعلانات تؤدي لتفعيل الخدمة تلقائيا…منيش عارف كيفاش وعلاش ولاه محبسوهاش ووو )
يااخي ماتهدرش باه تهذر برك تقعد بيا تدفق 45kb يكونسومي 4Gb فنهار كيما تحسبها ماتصلحش
شركات الإتصالات في الجزائر بريئة من النصب و الإحتيال ؟
بصح واش الفرق ؟ أنا فان تع اوريدو تخلاصلي فمفم مالڨري تع موبيليس ولا جيزي 13 جيڨا تشد خير وش السبب؟؟
Because most of them don’t understand how it all works. They think that these operators actually buy that internet in gigs and re-sell them
تع تسرق الرصيد يسرقو كون يحلفو ولا يقعدو يبقاو يسرقو، بعدة طرق من بينها يفعلولك رنتي وشكبي ومعرف واش نتا تريكلامي يقولولك نتا لي فعلت 😮
سراقين
العرض ناجح ، الشبكة رقم 1 في تدفق الانترنت ، الشعب مريض فقط … يروح يداوي …
2 جيغا اضربها في 1000 مستهلك
اوريدو اكبر شركة نصابة
شفت نص دورو تطمعلك فيه
الشعب ڪان صاب راها الڪنڪص باطل.. ڪيفاه مايتهمهمش بالسرقة حمبوك😆
صح سراقين خو
منشوراك هو لي مستفز صراحة
7gb كملتها غير في الواتس اب
و انت راك تهدر بصفة محامي شركة اوريدو و واش؟؟؟
محامي اوريدو؟
يطمعو فالدراهم مش الجيڨات
كي ينقصولك لي جيڨا تضطر تعاود تفليكسي
بالتالي دراهم اكثر
صراتلي شحال من مرة مع موبيليس، درت العرض تاع شهر 30G عطاوني غير 15G
و المرة الثانية عطاوني غير 20 يوم و لي جيڨا ماخلاصوش
و زيد رنتي لي تتفعل بدون اذن،
نجي نحسب نلقا روحي خاسر 4000DA في شهر
هذا نوع من التحايل و كل مرة يجيبو حيلة جديدة و تعتبر سرقة غير مباشرة
اوافقك الرأي
منشورك هو اللي مستفز لدرجة كبيرة جدا، من حقو يسقسي و يستفسر، هل من المعقول 20 جيغا تروحلو في يومين بدون إستعمال مكثف مستحيل مهما كان نوع التطبيقات اللي عندو
باينة تخدم مع اوريدو 😂😂
محامي انت ؟
يظلو فالتيك توك ومن بعد يجي يقولك وين راحو الجيغات يا أخي العزيز التيك توك يستهلك الداتا دون توقف انت تتفرج في فيديو وهو يتيليشارجي فاللي بعدو واللي بعدو واللي بعدو قم بتفعيل économie de données ضرك يحبس ما يستهلكلك فالداتا
لالا صح متعاملين جيزي اوردو موبليس كامل يسرقو حقيقة
مش كيف كيف صراحة ، نخدم بموبيليس و جيزي ، موب تاكل كثر بزاف من جيزي
و انت غاضك عليهم الحال هههه و زيد مكش خالص عليها بففف
يتغرج تيك توك بلا حبسة يبارتلجي لعايلتو وصحابو وحيرانو ومبعد يقلك علاه نقصت
وانت موكل عليهم ؟ معه/ا كل الحق متعاملين في ثلاثة ساراقين و فريمو مرقوها يعني:)
يعني حاب تقنعنا مايسرقوش و حنا ظلمناهم مساكن انت محاميهم مكلف بالدفاع
استهلاك عادي ادا كان يتفرج بزاف فيديوهات وكنكسيو تكون خفيفة
نع تحديثات تلقاءية ادا كانت مفعلا هدك هوا
وفوق هدا شركة اوريدو شركة كويتة وعندها فرع في الجزائر
أودي نا من 8 اوت لل 16 راحت 26 جيغا
الشهب تاعنا يضرب ب سوايع يتفرج ف تيكتوك طالع هابط( لي فيديو كامل يمشو ب دقة عالية ) اومبعد كي تخلاصلو الكونيكسيون في سمانة يقولك سرقوني و كلاوني
ما يسرقوش قصدك ؟ جيڨات ما علاباليش لكن سرقة الدراهم يسرقو موبيليس ناس كامل تشكي يفليكسيو يلحقوهم ناقصين و ممبعد يلقاو بلي عندهم نغمتي و هوما ما داروهاش أصلا