هل تعلم أن عند شرائك تذكرة مع شركات طيران أجنبية تخلص حاجة إسمها ACD (attestation cession devise)
تشري التذكرة تاعك بالدينار و تخلصها مبعد تقيمها بالأورو تروح تشري الأورو من السوق السوداء و دخلها للبنك و يردولك قيمة الأورو هذيك بصرف البنك
مثال : تشري تذكرة سومتها 200€ تخلصها بالدينار في الوكالة مبعد تروح تشري 200€ من السوق السوداء (45000دج) و دخلها للبنك يعطوك 30000دج تسما شوف شحال راك خاسر غير في هذي ACD و زيدلها سعر التذكرة ملفوق 🤷🏻♂️
و هذي كاينة غير في دزاير لعلمكم
Posted in Tourism
مرحبا بكم في الجزائر الجديدة
اشريها اونلاين بكارت كريدي تجيك ارخص وتتعامل مباشرة مع شركة الطيران لقدر الله احتجت تلغي البيي ولا تبادلها تجيك ساهله خير ما تبقى تجري من ورى لاجونص 👌
و تقدر تشريها من اي وكالة سياحية بالدينار عادي بلا مادير هاد العملية، و تقدر تشريها بالذهبية من موقع volz.dz احسن حاجة
هاد العملية لازم ديرها مع الجوية الجزائرية كذلك لما تشري تشري تذكرة عودة (retour simple) لي نعتبرها شرط كاره
ليس كذلك في الحقيقة، هادي كي تشري و يكون Zone B فقط و الا تسلك دينار عادي جدا.
ماشي كي تشريها من شركة اجنبية و انما كي تشريها و الانطلاق ديالها يكون من الخارج و ليس من الجزائر
أنا كي شريت تذكرة طيران التركية دفعت فل بنكا 430 اورو و أيضا مع قطرية 50 أورو
هذي كي تشريها ويكون الانطلاق من خارج الجزائر فقط
سارقينيا🇩🇿
لالا اخي هاديك كي تشريها الانطلاق ماشي من الجزائر ، اذا شريت من الحزائر و الذهاب من الجزائر تخلص دينار عادي
Iméne Ng
هذي في حالة شراء تذكرة رحلتها تبدا من خارج الجزائر،لو رحلتك تبدا من الجزائر تخلص السعر العادي