🔸️هواتف سامسونج الجديدة لن تأتي بشاحن في العلبة (شارجور) في جميع الفئات
🔸️مثل M33, A33, A53, A73 وغيرها من هواتف الفئة المتوسطة التي ستصدر هذه السنة فما فوق
🔸️يجي معاه كابل فقط Type C من كلتا الجهتين، وهنا لي تحير، الشركات تقولك نحينا الشارجور باش نحافظو عالبيئة وننقصو من التلوث، وعندك شارجور قديم شارجي بيه وهنينا والسماح بيناتنا حنا نديوها فايدة فدراهم الشارجور وفدراهم النقل، البلاصة تع تلفون مع باطة كبيرة وشارجور رجعنا نحطو فيها زوج 🤑
🔸️الشحن السريع ميزة لازملها شاحن سريع، وباش تشري شاحن سريع يسقاملك حوالي 2000_5000دج زيادة، هادي الا لقيتو دوريجين فالسوق الجزائرية.
🔸️صاحا الشارجور القديم لي عندك، فالباطة مدخل USB A كيما تع فلاش ديسك، يعني حتى الكابل لي مدولك ما عندك مادير بيه مام الحواسيب غير كيما بدات تعمم فمدخل Type C
🔸️هدرنا عليها من قبل فالفلاڤشيب بلي استحمار وش دارت Apple للمسهلكين كي نحات الشاحن من تلفون بعشرين مليون، وللأسف بقية الشركات تبعتها وبالطبع رايحا تنحي من كامل الفئات خصوصا الفئة الإقتصادية والمتوسطة لي فيهم هامش ربح صغير نسبيا جيها مليحة.
🐑وبالطبع كاين الكباش لي يقولك ايه وش فيها نخلص كتر، حطيت 20 مليون نزيد نشري شارجور ب5000دج وكيتمان
🔸️الشركات الصينية فقط لازالت متسمكة بالعهد أمثال هواوي، وان بلس، ريلمي،… لي تمدلك أكسيسوارت فالعلبة، كاين لي يقولك يعمرولك الباطة باسكو الهواتف عيانة، لكن فالصح الشركات الأخرى هي لي داها الجشع برك.
#1001phone
الرأسمالية طغات 😤
البيئة بي لايك : 😐
المهم في عوض تشري شاحن آخر اشري كابل برك واستعمل الشاحن القديم اذا فيه المواصفات لي يتطلبها الهاتف
راني نشوف راح نولي للحطبة ونهني راسي
تحيا الهواوي 💞
في وقت الشركات الصينية راهم في 200 watt …
متخافش يركحوهم الشناوة اليوم اوغدا
يعني هوما ينحو شارجور حفاظا على بيئة بصح يصنعو شارجور باش نشروه وحدو !!
هنا تعرف بلي ايفون هي الاصل و الباقي تقليد سامسونغ بكل ضخامتها تبع في ايفون من عشر سنوات
في فرنسا أبل و مخلوهمش ايبيعو هاتف بدون شاحن و سماعات الناس اللي تعرف حقوق المستهلك
واهم شئ ما فيهش بلاصة للكيتمان
واحد ما يشريش تلفون لي ما فيهش شاحن و فرات
منا للڨدام يولو يبيعو لباطة فارغة و نتا اشري تلفون من كاش طابلة 😑
طاجت اسعار مواد أولية
هو ينقص ملحقات ويخلي سعر منافس
كيما سكر كان 900غ مايزيدش سعر ينقص كمية ترجع 800 غ
بزنس ايز بزنس غير لحمار لي يخمم بلي الشركة راح تخمم فالمستهلك مهما واش كانت شركة ولا وش كان المنتوج المهم تحقيق الربح 🧑🦯
Adaptateur
مخلوف ڨحماني
بريزا type c وننا فكيتها
حلاوتها يدير العبد طابلات آبل حاجة مليحة و تيليفون حطبة ويريح راسو من المشاكل هادي كل
عشاق SAMSUNG راهي حشتهالكم 😂
حيلي الهواتف الصينية وين ما كانت ✌🏻
لي يقلك هواتف الشركات الصينية عيانة أعرف بلي إنسان حطبة أو ما يفهمش فالتقنية أو ما يعرفش الفرق بين الفئات
هواوي هواتف عيانة!؟
اععععق 🤮
سامسونغ طاحت من عيني 👎👎👎👎
نشفالها كيما دارت ابل هاذ القرار كامل استغلو الفرصة باش يستهزاو بيها
اولهم سامسونغ دارت بيها ترويج لهواتفها (تيليفوناتنا يجو بشارجور ماشي كيما الشركات لخرين)
مع الاخير كامل تبعوها
حتى ريلمي نحات شارجور..لمهم هذي استغباء واستغلال للمستهلك..
ها نحبسو نبدلو هواتف توعنا وصايي
Huawei 😍
الرأسمالية هبلت هبلت
C’est grave de la part de Samsung
قولولي A52 شحال راه ؟! بصح برام ٨ جيقا ؟
بسياسة عجبك اشري معجبكش اصنع واحد
رايحين للهاوية 🙂 ،لا سماعات ،لا شاحن ! المرة الجاية منلقاوش الهاتف
اللي تحيرك الحاجة كي ديرها آپل ڨاع يزعقو عليها ممبعد ڨاع يديرو كيفها
IPhone tani nhawlo ga3 rahom hak darwek yji gh câble
لازم ناس تفطن و تقاطع هاذ المنتج الغريب 🥴 مزيا عرفت ١روك كنت معولة هاذ الشهر نشري تلفون
ou condor lhak les accessoires kemel yehoutouhoum.
الحمد لله على نعمة هواوي
مجرد تجارة كل واحد يشوف مخروجه وزبون يختار ما يلائمه اكثر الامر متعلق بسوق مفتوح ولك حرية شراء ما يناسبك
تم
Tamim Djh
أبل كبيرهم الذي علمهم السحر
Wild capitalism
Oppo w l9it fih koulchi
الواحد يولي يشري هواوي وصاي مخصهم والو 🚶♀️