واش رأيكم في “أدم ساندلر”…صراحة بالنسبة لي قدم مجموعة مميزة من الأفلام الكوميدية المتقنة …الى تقدر تتفرجها عدة مرات وتعمل “جو” كيما يقولو التوانسة …
ربما تراجع كثيرا في السنوات الأخيرة بأفلام لا معنى لها، ولكن قدر يخلي إرث فني كوميدي تاع بوخفيف …
فيلم Big Daddy في 1999 حاجة نظيفة …قصة تاع واحد ماوش تاع مسؤولية يلقى روحو يربي في طفل عمرو 5 سنين ..
بلا ما ننساو فيلم Happy Gilmore، شاب عندو عدم القدرة على التحكم في الغضب …يفشل في رياضة الهوكي ويتجه نحو الغولف، كيما بايل
وفي 2006 جابلنا ساندلر فكرة جديدة كوميدية ..من خلال فيلم Click، تخيل عندك تيليكوموند تتحكم بها في حياتك؟
قبلها بعامين صراحة ساندلر أبدع في 50 First Dates، مع المميزة درو باريمور، قصة ممتعة وسيناريو روعة، شاب يقع في حب فتاة، ولكنها تنسى كل شيء بنهاية اليوم؟ صراحة تحفة فنية كوميدية رائعة …
وتألق ساندلر تاعي في Mr Deeds، شاب بسيط يلقى روحو ميلياردير ويدي الورث في قالب كوميدي مميز
وصراحة الثنائية الى نبقى نعاود فيها مانكرهش ..هي Grown Ups الجزء الأول والثاني، القصة بسيطة، فيلم عائلي، ضحك وكوميديا بحضور وجوه خشينة فنيا، على غرار كريس روك …سيناريو بدون ملل، مجموعة أصدقاء من الصغر كبروا ورجعوا كهول …ولكنهم مزال “مكانش سيريو” …أنصح به كثيرا ..
في الدراما ما قصرش ساندلر وعطانا فيلم Hustle العام الماضي ويمكن القول أنه جيد إلى حد ما …
في رأيك ما هي أفضل أعمال ساندلر؟
شاهدته في mr deeds
Grown ups 😂
فقط
بلا ما ننساو
Anger mangement
و كاين فيلم لي ترشح فيه الاوسكار ،، القوى دور درامي. Uncut gems
ممثل صهيوني يعتبر من أكبر داعمي إسرائيل و اللوبي الصهيوني في أمريكا
50 first dates و grown ups الأفضل بالنسبة لي
The best
Big daddy كان مليح
بصح click نشفا ضحكت معاه محبستش ملغري نهاية قلبها دراما بزاف
Click كان جد كوميدي
و لكن النهاية جد درامية جدا جدا
وي عندو افلام قوة 🔥
The longest yard is the best movie
أمسط ممثل
ميعجبنيش نحسو يمثل بالمزية
من بكري يجيني جايح ودمو ثقيل و يتصنع و يتكلف بزاف، يعني ماشي فكاهي بالفطرة أو عفوي في الأداء، وزاد جياح وهبط إلى الحضيض منذ أن أبان عن تصهينه في الفلم السخيف”Don’t Mess with the Zohan”. و زيد دار بزاف الدراهم وولى هو المنتج و المخرج و البطل لي ما يطيحش من العود، و يوزع الأدوار الأخرى على أصدقائه و أحبائه، لي تلقاهم تقريباً مجتمعين في مختلف الأفلام التي ينتجها
تفرجت ليه مجموعة افلام ما يعجبنيش بزاف يجيني ثقيل بزاف
الاولد سكول ڤاع قرمة
منحبوش بصح نتفرج افلامو ههههه سيرتو فيلم مع جينيفر تاع الي يروحو لهاواي نحب لقطاتو مع طفلة صغيرك