الإمارات العربية المتحدة، ،دبي 💛
(البارح كان جدل من البعض حول الصورة التي نشرتها للعاصمة القطرية “الدوحة”
وأغلب التعليقات :[[ الجو أصفر , الجو بشع , جوهم ليس جميل يدير الكآبة , الصورة بالفلتر , ……….]]
أسيدي هاهي دبي هي أيضا صحراوية وراكم تشوفو الجو تاعها
هيا يامقاولين ويا مهندسين رجعولنا دزاير كيما هاك
ياك كنتو خايفين اذا تبنولنا ناطحات سحاب والجو يخسر المكان)
Posted in Tourism, Uncategorized
الصور تبهر بالفيلتر او بلا فلتر و لكن الواقع بلا روح !!
من قلب صحراء الإمارات! الألوان لكل واضحين 😒😏
تبرى بصح طول 😉😂
الجزائر تبقى هك و نبقاو عايشين فيها في كآبة حتى نموتو
عقدة النقص دايرة حالة !
لي راهو يقول دبي ما فيها روح، و داروها في جال الإقتصاد و البريستيج…
لو نقلبو الكلام و نحكو على نيويورك، ولا واحد عندو الجرأة يقول بلي نفس الشيء هي تان مدينة بلا روح، فيها غير الاقتصاد و الأضواء لي تصنع البريستيج !
أصلا مقارنة بدبي، نيويورك معدّلات النظافة كل يوم تزيد تحبط النسبة عكس دبي، و كي نقارنوها بمواكبة العصر AI Artificial Intelligence دبي هاربة على نيويورك في بزاف مراتب !
لكن قوة الدعاية لي يصنعها الإعلام على نيويروك خلاتنا نديرو في عقلنا العكس !
ملاحظة : لي راهو جاي يجادل ولا يستهزا، من فضلو يروح يتأكد خير ما يبهدل روحو و يبدا يخلط برك.
المهندسين لوكان جات بيدهم يردوها جنة لكن ليس باليد حيلة🤷🏻♀️
ناس يحبو بلادهم ، يحبو يخدمو بلادهم و يغيرو على بلادهم مش غير بالهدرة .. و عندهم الدراهم بطبيعة الحال عرفو كيفاش يستغلوهم (الدراهم لي يجيبو الدراهم)
هبطت فيها في شهر جويلية لي فات و رغم انه كانت حادية عشر ليلا و المطار ماشي بعيد على البحر الا انه السيروكو لي فيها يالطيف
في دبي ليس هناك طائفية و لهذا امريكا قبلت ان تطور المكان و تسخر شركاتها في بناء هذا البلد عكس العراق و الجزاءر و ليبيا
لن ترضى عنك امريكا لتعيش في رخاء مادام الشعب له خلفية دينية تهدد الامن و تثير الفتن فهمت يا صاحب المنشور
بصح هادي سياحة قادر تعجبهم قادر لا الناس لي راحت لدبي قالولي بلي الجو ديالهم عيان وسخون بزاف سخانة لا تطاق ويبقى رأي
دبي بلاد صحراء و ماهيش فور سمير قريب اربعين سنة من حومتو مازال ماخرج
ما عجبتهمش قطر!!!
صحيح أنها صحراء و مع إطلالتها على البحر الرطوبة تكون مرتفعة بزاف بزاف لكن أحسنو إختيار الألوان الترابية الذهبية المناسبة لبيئتهم باش
مقاولين و مهندسين وناطحات سحاب ؟؟؟؟ هههه يا اخي المقاولين والمهندسين الاكفاء ما تصحلهمش الدالة باش يخدمو حاجة هك ، راهم غير هادوك الي راسهم مكعب ويبنيو غير المكعبات الي راهم يخدمو
ههههه والله يعطيك الصحّة خويا
هاذو ناس لي تحب تخدم على بلادها حنا جهدو يوفر زيت ولحليب ولحوايح لاااازمة
عشت في الامارات يا صاحب الموضوع !!؟؟ باين زرتها بصح ما عشتش فيها كامل الابراج هاذي و ما فيهاش نظام صرف صحي و حاجات اخرى مش راح تفهمها
بصح بلادهم و بناوها و صرفوا عليها هاذي يشهد بيها اي واحد عقلاني ربي يرزقنا بشعب يخاف ربي
شعب فالح غير فالانتقاد هدا ماكان
شعب يعرف ينتقد و فقط عمرو مخمم يطور روحو
حنا. المشكل عنا ف الدولة و الشعب ايضا واحد مايخدم بالصفا. واحد مايخدم خدمتو قد قد حتى مقاول كي يحكم مشروع تلقاه ينقص ف السيمة والرمل باه ميخسرش ياسر ويربح وزيد الشعب تعنا والله ماهو تسياحة تشوف المدن والشواطئ كيفاه لزبل حشاكم مطيش باغتو تلقى ملكبير لصغير ملمرا لراجل يكل ويطيش الزبل ف لرض دزاير كاملا مفيهاش بلاصة نضيفة تسما المشكل أعمق بكثير وانا من الناس لي نأمن بلي دزاير عمرها مراح تتعددل ولا تولي دولة سياحية خاصة كي نشوف تصرفات الشعب ف الشارع
الخليج عندهم عقلية العمل و الاستثمار و خلاص لوكان جاو يسرقو كما المسؤولين تاعنا كون راهم كيفنا دول الخليج إضافة إلى ناطحات السحاب وووو حتى تراثهم الثقافي و معالمهم التاريخية خادمينها مليح و مستغلينها في السياحة أما بالنسبة الجو راه من عند ربي و كل بلاد مناخها هم أصلا صحراء لي يقلك جوهم مش مليح زعما وش راح تتوقع تلقا يحبو يهدرو باش يهدرو برك
مقاولين و مهندسين ميقدروش مثل هذه البنايات كبير اعليهم, دراسة يقعدوا فيها اكثر من عام او 5 سنوات لتوجد و خلي …..
واش دخل المقاولين والمهندسين فهاذي؟ هاذي خدمة تاع الدولة.
جو دبي كارثي
الدوحة رحتلها 2019 كل الاماكن بها اشغال عمومية الطرقات المترو الاستاد ….. مع ذلك جو الكورنيش واللؤلؤة والمساحات الخضراء يبقا رائع رغم كل الصعوبات. في هذه النقطة تحية للعربان (اقول في هذه النقطة )
والله حلمي دبي من كنت صغيرة نحبها
الدوحة من أجمل المدن العصرية التي زرتها،. “هادو مشركين الفم فيهم غي الفم” نحن شعب لا نعمل و لا نطور لا أنفسنا ولا محيطنا و نسمح لأنفسنا بتقييم الآخرين. “ربي يهدينا ولا يجيبنا تسونامي يكمل معانا ههههه”
يا ودي تحكي مع ناس عمرها لا حطت رجليها في صحراء بلادها .
جو الصحراء دائما صحو و في الخريف جو رائع . فترة الزوابع الرملية تتركز في اواخر الشتاء و فصل الربيع ما عداها السماء زرقاء و العصافير تزقزق
حنا وجوهنا اصفر … ماشي قطر
خليهم يصبروا رواحهم
وينو التراب لي يحكو عليه 🤣🤣