السلام عليكم لمهم المهتمين بالسياحة الداخلية في الجزائر (المثقفين والمريدين ) …

السلام عليكم
لمهم المهتمين بالسياحة الداخلية في الجزائر (المثقفين والمريدين )
لمهم اليوم حبيت نحكيلكم على الولاية رقم 24 -قالمة- الاسم القديم #كالاما وتعني الينابيع الساخنة تبعد عن العاصمة ب 520 كلم
قالمة ولاية لها عدد من الحدود مع الولايات في الشرق الجزائري وهم عنابة سكيكدة سوق اهراس قسنطينة ام البواقي
لمهم ولاية قالمة فيها ما يجعلها قبلة سياحية بامتياز وننصحكم بيها في وقت الخريف والربيع
اهم المعالم السياحية فيها :
– حمام ذباغ بتسميته الادارية اما التسمية الشعبية هي حمام المسخوطين ولها قصة كبيرة ساحكيها لكم لاحقا ، تحتوي على اسخن شلال طبيعي في الجزائر درجة حرارته 96°
-شلالات حمام النبائل وهي روعة طبيعية مكونة من ازيد من اربع شلالات طبيعية
-آثار تيبيليس بسلاوة عنونة والمقابر الميقاليثية بالركنية
-المسرح الروماني بقالمة مركز
كذلك تعتبر قالمة ولاية تاريخية بامتياز فهي تمتلك ارث تاريخي ثوري كبير واهمها : فرن الجير الذي احر.ق فيه شهداء 8 ماي 1945 ، كذلك حطام طائرة جون بيار الذي اسقطها القائد خليفة ختلة وكتيبته
كذلك المهتمين بالتراث قالمة تمتلك التمثال الوحيد للملاك الطائر وهو حاليا ببلدية وادي الزناتي ويلقب بخطاف لعرايس
قالمة كذلك لها ارث فتي كبير في شتى المجالات واهم هذا الفن : فن المالوف والعيساوية و القصبة و قالمة لها كثير من الفنانيين في شتى مجال ذكرته
لمهم ننصحكم بزيارة قالمة لي اهلها يحبوا السائح و يعيش معاهم كانه في ولايته
#حوس_بلادك





15 Comments

  1. Ahmed Khoualdia dňa مايو 28, 2022 o 1:20 م

    #welcome_to_algeria ❤❤

  2. Noor Huda dňa مايو 28, 2022 o 1:34 م

    اضافة فقط المسرح الروماني الدخلة ليه ببطاقة الفاكسان تع كورونا 😒

  3. Imene Benk dňa مايو 28, 2022 o 1:47 م

    مع مناظر طبيعية خلابة في الربيع

  4. Nada Serine dňa مايو 28, 2022 o 1:50 م

    Medini Sami وجدي شربة فريك والشخشوخة

  5. Nour Elhouda Merabet dňa مايو 28, 2022 o 1:51 م

    انا بنت قالمة بصح خطاف العرايس جامي سمعت بيه ؟
    واش حكايتو

  6. Djaber Guettaf dňa مايو 28, 2022 o 2:05 م

    درك نقوللكم بالتفاصيل على الحاجتين المبهمتين
    اولا حمام المسخوطين وعلاه تسما هكذا
    يحكيو بلي قديما كان هناك ملك مزواج فتزوج من كل نساء المنطقة وتبقيت سوى اخته ، بعد ما كمل وتزوج كامل النساء جاء الدور على اخته ، يوم العرس سخطهم ربي كامل في منطقة في حمام مسخوطين اسمها لليوم العرايس ومزال لدرك كاين ترسبات صخرية تشبه للعرايس
    وهاذي صورة ليهم

  7. Ka Rina dňa مايو 28, 2022 o 2:05 م

    Wilayti thbl surtt f rbi3 😍😍

  8. Djaber Guettaf dňa مايو 28, 2022 o 2:07 م

    وعلى خطاف لعرايس او ايلوا او تمثال اخت الملائكة قصته مستوحات من قصيدة اخت الملائكة eloa
    وهي تحكي على ايلوا الذي عشق ايزوس وتزوجها نكاية في آلهتهم آن ذلك
    نحته جوزيف ميشال بين 1814 و 1873
    يوجد نسختين في العالم فقط
    واحدة في الجزائر -قالمة_وادي الزناتي تحديدا _- والثاني هناك من يقول في ايطاليا وهناك من يقول في تركيا
    لكن للاسف السلطات مهمش مادين اهمية لهذا النحت لي يقدر يجيب بزاف دراهم وهاذي صورة ليه

  9. Rome Mer dňa مايو 28, 2022 o 2:08 م

    قالمة هايلا بصح متليقش فالصيف مليحة فالربيع و الشتاء ، فيها بزاف حمامات و مناظر طبيعية و اثار .

  10. Djaber Guettaf dňa مايو 28, 2022 o 2:08 م

    وهناك ثاني لي يقول بلي حمام المسخوطين هو اختصار للمسك والطين لانهم يستعملون المسك والطين للعلاج من الامراض الجلدية والمفاصل

  11. Djaber Guettaf dňa مايو 28, 2022 o 2:11 م

    وحمام ذباغ كذلك فيها منطقة رائعة اسمها بئر بن عصمان ، منطقة جاية تحت الارض والخرجة تاعها لحد الساعة مجهولة هناك من يقول انها تخرج للقالة وهناك من يقول انها تخرج للمصرى بسكيكدة
    لمهم المستكشفين اقصى مسافة قدروا يمشيو فيها هي 10 كلم فقط

  12. Otman Bavari dňa مايو 28, 2022 o 2:11 م

    الحمام يخدم دوركا ولا عنده وقت معين؟
    وواش خدمات لوخرين لي فيه!

  13. Djidji Manseur dňa مايو 28, 2022 o 2:53 م

    Sabrina Manseur كي نجي اديني نحوس

  14. Rida Didou dňa مايو 28, 2022 o 2:54 م

    راك نسيت معلمين مهمين غار جماعة والمقابر المغاليثية بين حمام مسكوتين وبلدية الركنية وبالتوفيق

  15. Kinési Thérapeute dňa مايو 28, 2022 o 5:14 م

    لي عندو وكالة سياحية يعلق ، و يحط التفاصيل ( لي يحب يجي شحال التكلفة تع المشاوير للاماكن هذوما + الفنادق )

أترك تعليق