#رحلةماتتنساش
كتبت الكثير من المواضيع في فقرة شحال ستقامتلي و فقرة ماتغلطش غلطتي و فقرة دول و عواصم … ليوم فكرت نكتبلكم في هذي الفقرة ، في الحقيقة كل رحلاتي ماتتنساش لكن الرحلة لي راح نحكيلكم عليها المرافق تاعي لي ماينساهاش ماشي أنا 😂
🔸 المهم لما اقترب موعد زفافي في 2016 فكرت في شهر العسل ، قلت أنا نسافر بزاف لازم مانضيعش هذي الفرصة لي تقدر تجيك أربع مرات فقط في حياتك 😀 لكن قلت كذلك نخليها سورپريز قدر المستطاع رغم أن المهمة صعبة باش تخبيها لكن نجحت
المهم قبل حوالي ثلاث اشهر من الموعد رحت درت طلب فيزا فرنسا أنا و الزوجة ، و لما دفعنا سجلت ملاحظة أنني أنا من يسترجع الجوازات و هذي اول خطوة في الخطة
بعد مدة رجعولي إيجابي ، رحت استرجعت الجوازات و اتصلت بالزوجة و قلتلها التأشيرة مرفوضة و كيما ڨاع البنات هي كان راسها في تحضيرات العرس “الجهاز” ماحاولتش تفهم علاش و كيفاش قاتلي ماكتبتش و خلاص، و هي الفيزا كانت “معلڨة في الپاسپور ”
بعدها رحت مباشرة لوكالة سفر و علڨت فيزا تركيا و ماكاش لازم تحضر هي ، إذن الآن عندنا فيزا شنغن و تركيا في زوج
مباشرة بديت البحث عن التذاكر و بما أنني قناص في التذاكر لقيت تذكرة ب 2 ملاين فقط الجزائر- باريس – اسطنبول عبر الخطوط الجوية الفرنسية شريت زوج ب 4 ملاين و نسيت موضوع السفر و ركزت على عرسي 😀
لما اقترب العرس قلتلها مافيهاش شهر عسل خارج الوطن و راح نعوض ذلك بعطلة في جيجل لأن الفيزا مكاش و الأموال كذلك ، تفهمت الأمر و الخطة مشات كما ينبغي .
حجزت فندق جميل في حي لالولي باسطنبول لمدة سبع ايام مع يومين في باريس ( يوم الذهاب و يوم العودة ) و درست جيدا خطة السفر ..
بعد العرس مباشرة و قبل يومين فقط من موعد السفر اخبرتها أننا سنسافر إلى تونس لقضاء شهر العسل ، فرحت كثيرا لأنها كانت مفاجأة و بدأت مباشرة في تحضير حقيبة السفر و الأهم هو لا احد كان يعلم بهذا باستثناء صديقي أمين الذي حجز معي التذاكر و الفندق و اعطاني نصائح لأنه يعرف اسطنبول جيدا و لا أحد غيره كان يعلم بسفري ولا حتى عائلتي و عائلتها
في يوم السفر خططت لكي تبقى المفاجأة الى اخر لحظة ، بما أن لي قريب يعمل في المطار أعطيته الجوازات و التذاكر من أجل عمل الإجراءات و حتى لا تنتبه الزوجة إلى الاتجاه ، بقينا في القاعة ننتظر و هو فعل كل شيء و أعاد لي الجوازات و بقوا عندي في جيبي بحذر 😂 لحد الآن هي في بالها أنها ستسافر إلى تونس و انا في الحقيقة سأقضي يومين في باريس و سبعة أيام في اسطنبول ، اقترب موعد السفر و الطائرة متوجهة إلى باريس! ستتفطن للمفاجأة، بدأت التفكير في خطة لمواصلة السوسبانس وأخبرتها أن الرحلة غير مباشرة بل تتوقف في باريس و تكمل رحلتها إلى تونس و لا يمكننا الخروج من ” الترانزيت ” في مطار باريس لأننا لا نملك تأشيرة ، هنا انقلبت علي 😂 ” بزاف نروحو لباريس و نقعدو في الترانزيت و نعاودو نهبطو لتونس ” لوكان رحنا بالسيارة أفضل ” أخبرتها أن التذاكر ارخس قالت لي ” لوكان قلتلي أنا نزيد الفارق و نروحو مباشرة مع الخطوط الجزائرية ” .. المهم ركبنا الطائرة و هي لا تعلم بوجهتها الحقيقية لحد الآن ، بعد ساعتين و نصف الطائرة وصلت إلى سماء باريس ، برج ايفل يظهر من النافذة و مضيف الطائرة يخبرنا بالوصول …
يتبع في الجزء الثاني لأن المقال طويل 😀
ضحكتني عندك سرد جميل جدا بصحتكم و ربي يطيب العشرة بيناتكم
الجزء الثاني : الأسبوع القادم باذن الله
فرصه تتعاود 4 خطرات …😤😤
جلال نحتاجك هههه غير نعول نقلك عجبتني القصة و غير كملها غدوا هههه
كملنا الجزء الثانية بش نقدر نرقد 🤣😂🤣🤣
ربي يرزقني واحد يديرلي سبرايزات ماش وحدة برك 😁😁 ماعليش تكمل خويا تحمست 😌😌
Hhhh bshtk ❤️
بصحتكم و هات الجزء الثاني 🤩
ما كملتش المقال خاطر انا ما خدامة ما طامعة نخرج بصح يا ربي راجل كيما هاد السيد يا ربي
يعني خطرة في حياتي قلت والله خلي نقرا لحكاية تبان مليحة دهرت ماتكملهاش… أبعت la suite كيما يقول في الخاص انا خوك… 😒😒
اللهم سوربريز كهذا لي سوربريز لي في حياتي كل كانو خدعات 🤣🤣🤣
😍😍😍😍😍 الله يا سلام
عشنا وشفنا جزايريين بهاذ رومتنسية 😂😂
ربي يخليكم ويحفظكم
يارب ارزقني بزوج كيما هذا 😭😭 متحمسة نكمل الجزء الثاني
و الله لوكان هاد suspense ڨاع و منبعد تقولنا ماشي صح و راك تتخايل برك !! تباصي 😆
اللهم سوبريز كيما هادي و ما نزيدش بصح ديراكت لتركيا فرنسا ما نحبهاش
المهم ربي يهنيكم 😊😊😊😊😊
داش داني ما نقراش السطر اللخر د هو اللول ما موالفاش نتكلح و هذه الخطرة تكلحت
Sôü Nà شوف اقرا هاذي و عاود اغلق الثيليفون و كمل اقرا لكونطرول .. المستقبل خير من الأحلام 😂😂😂💔❤️ 🙂 ربي يكملهم و يوفقنا ااااااا 😭😭😭😭😭😭ماقدرتش نتحمل يااالاااهوي 😭😭❤️❤️
و الزهر كيما هادا وين نصيبوه الله يخليكم حلبوني 😇😇 بصحتكم و ربي يدوم محبتكم ❤️
الله يبارك ربي يدوم عشرتكم وبصحتها الزوجة ❤ قريتها برك مت بالفرحة 🤣🤣🤣
Djalal Nekkar يرحم باباك عاود وليلهم دخلت خلطتها و رحت 😄😂
ربي يهنيك ويباركلكم والعاقبة لذرية صالحة 💟
يا خويا حكايتك تفرح النسا و مليحة و فاها التشويق مي مرتك نية لدرجة تصدق ايسكال في باريس باه تروح لتونس ؟ و زيد ارخس فالسومة ؟ 🤔🤔🤔
عقلي مهوش قابل يستوعب بلي مخلوق جزائري🤭🤭🤭 وانا فرحانة بالقصة تقول انا لي ندارتلي سيربريز وعشتها هههههه يا ربي ارزقنا بلي يفاجئنا هكذا
درت غلطة كي قريتها مع صباح ربي 😔😂
👏👏👏💗💗💗ما شاء الله
عند برك حاجة عميتها، ما تزيدش تعاود تاع فرصة تتعاود 4 مرات 😂 تقراها الزوجة يطير راسك
Magnifique ❣️
اللهم ارزقني زوجا محبا للسفر حتى اذا قالي نضربوا دورة ونجيو معناها 7 أيام في المكسيك ويومين في البرازيل 😍
والله غير فرحت في بلاصتها 🥴
تقدر تدي باسبور تاع واحد اخر ودير فيزا باسمو عادي وهو موش حاضر ؟ ولا ديتها معاك وقتلها موش مقبولة كي تاع ترك كي تاع فرنسا،؟
Hhhhhhh machalah machalah raby ydawm l3achra😍😍 bsa7tha Martek🥰🥰 ça fait plaisir nchofo n’as ta3raflha wta7ki 3afsa tala3 lmoral🥰🥰❤️❤️
منعرف علاه تحمست وتخيلت روحي في بلاصتها وانا عندي زوج اولاد 😪
انا حاجة شاغلة خاطري و هاذ الكاليتي مين يصيبوه هاذ الحبات المفقودة حنا حرام علينا مثلا حنا الرخيص و غلاوه فينا اسيدي
مشاء الله . ربي يحفظ من العين مي منقدرش نتخيل هذي القصة كاينة و زيد جزايري !!! قلبي ظرني 😔😔😔 الناس تفواياجي و ماعندهمش الوقت لاهيين بالعرس و انا لاهيا ب Rapport du stage 😫😫
هايلة استمتعت وانا نقرى ولو كان كنت مكان هذي الزوجة لوكان راك تقرى سورة الفاتحة على روحي مانظنش نتحمل مفاجأة كي هذي 😁😁نموت من الفرحة
الله يبارك و بصحتكم
Rose Djsr ya dra taleb 😂😂😂😂
😍 وش راك تحكي كل عشتو😍 مي انا عرفت نهار عرسي وين رايحين وبعدها بيومين سافرنا كانت احلى مفاجأه في حياتي والحمدلله عقوبه للاخرين ههههه
ربي يهنيكم ان شاء الله 💙💙
ربي يرزقنا 😍
La suite
نصف الشعب حاب لاسويت و النصف الآخر حاب يقتنص الثلاث فرص لي بقاو 🤣🤣🤣🤣
حطولنا لاسويت ❤ و ربي يدوم عشرتكم
المهم لي حاب يسمع النسخة لي تحكيها المرأة اي نفسها في جنان زفيرة
في فقرة #أجمل_مفاجأة
مفاجأة ولا في الاحلام
كترلها برك من ليسوربريز من هاذا النوع
ربي يكمللكم و يهنيكم
اللهم لا حسد 😂😂
ربي يهنيكم 😍 .. و كيما كومونتيت في الجزء 1 نزيد نقول … اللهم انك تعرف الموضوع امييين
ياصديقاتي ! ارواحو تقراو الناس الفاهمة واش تدير 😶
الله يبارك الناس لي تعرفلها حنا كون نتمناو برك يقلك اقعدي في دار بيك
جلال احذف المنشور من فضلك راك ديرلنا في لي پروبلام 🤣🤣
نتا ضربة يا Djalal Nekkar 🤣
اللهم زوجا مثل جلال 🤣🤣
المشكلة سافرت ليهم لزوج منجي نزوج راجلي ميصيبش وين يفاجاني ههههه الحمدالله على كل حال و ربي يرزقني من بابه الواسع