#شحال_ستقامتلي
رحلة المغرب (زيارة كازا- طنجة – شفشاون – مراكش – ازيلال اوزود مع المرور مرور الكرام على تيطوان القنيطرة الرباط و اغادير)
حسابي على انستغرام فيه تفاصيل كل الخرجات
Www.instagram.com/khaledumberto
قناتي على يوتوب
وأول vlog حول خرجاتي تابعوني من فضلكم
هذي الرحلة خططت لها من قبل و كنت رسمت كل نقاطها و طريقة معيشة الشعب المغربي و متطلبات الحياة.
تذكرة الطائرة قمت بشرائها قبل الرحلة بأيام قليلة بسعر 33000 دج.
ولم احجز لا فندق و لا اي شيء من الجزائر ماعدا بعض تذاكر القطار كيما نقولو رايح تاكل على ربي ثم على واش خططت من قبل.
يوم 6 مارس ركبت من مطار هواري بومدين و الوصول إلى المغرب بعد ساعة و 45 دقيقة.
شرائح الهاتف بلاك تشرو ادو من المطار مجاني وكل شركات الاتصال متواجدة.
شحنها احسن عرض 50 درهم يعطيك 5 جيقا في شركة انوي و اورانج.
بعد الخروج مباشرة تركب قطار 50 درهم من المطار إلى casa Voyageurs و بعد الوصول مباشرة حجزت في فندق اسمه Colisée قالي 500 درهم و إذا تبات أكثر من ليلة 400 حجزت غرفة ثنائية انا وصاحبي خلصنا نص نص وكاين لي ارخس أقل.
وبعدما حطيت قشي في الفندق خرجت تجولت في الدار البيضاء و هي ليست مدينة سياحية ماعجبتنيش بزاف درتها منطقة عبور فقط.
فيها زرت مسجد الحسن 2 بزاف شباب.
وكذلك المول الكبير.
اليوم الثاني 7 مارس النهوض باكرا ركبت TGV إلى طنجة 320 كم يقطعها في ساعتين ووصلت على 8 صباحا. وانا شريت التذكرة من قبل عبر بطاقة فيزا ب 300 درهم ذهاب وعودة و كلما يقرب موعد السفر يزيد الثمن مثلا كي سافرت انا لقيتو ب 500 درهم.
مباشرة زدت رحت للمحطة تاع الطاكسي بين 10 درهم حتى 15 و توجهت نحو شفشاون مدينة ساحرة تركب ب 80 للذهاب و 80 عودة.
وضربنا طلة خفيفة على تطوان ايضا
المساء وليت لطنجة وهي مدينة أقل مايقال عنها أنها جنة و روعة اهم المناطق فيها
مغارة هرقل و الفنون الدخول 5 درهم للثانية.
مقهى الحافة
CAP SPARTALE
ومنطقة يلتقي فيها المتوسط مع الأطلسي موجودة في الصور.
الساعة 21.00 قلعت لكازا من جديد و خلصت ليلة ثانية في الفندق.
اليوم الثالث 8 مارس الذهاب إلى مراكش التذكرة 110 درهم و انا شريتها من قبل 50 درهم ذهاب فقط.
الإقلاع ساعة 6.15 والوصول ساعة 9 المهم سخونة نار في الجو وفي الفنادق و الأكل.
وفي الليل تحس نفسك في الهند شعب عظيم خاصة ساحة مسجد الفنا
مراكش بزاف شابة ومخدومة بصح السخانة الجمل يرعف والحمار يدومندي كريبوني 😂.
اهم الأماكن السياحية فيها
المنارة دخولها مجانا.
حدائق مجارفال دخولها 70 درهم.
قصر الباهية 70 درهم ايضا لم اد
انا حجزت في فندق تاع واحد ساعدنا خاطر خدم في الجزائر من قبل و بزاف ناس ملاح خلصنا 280 درهم بدل 380 اسمه AFRIQUIA GARDEN قريب من ساحة الفنا حوالي 100 متر.
وفي نفس الساحة توجد وكالات عدة للمغامرات السياحية روحنا عند واحد اسمو اوباما بزاف هايل درنا الجمل ساعة ب 200 درهم بدل 500 😂 عقلية جزائري.
ويوم 9 مارس ذهبنا معه إلى شلالات اوزود السعر بين 150 حتى 200 درهم و بلاصة روعة حنا خلصنا 150 دىهم.
يوم 10 الرجوع صباحا إلى كازا في القطار السعر 121 درهم لأنو شريناه فس نفس يوم السفر.
بعد الوصول الى كازا الذهاب إلى سوق درب السلطان ودرب عمر فيهم القش بالجملة كلشي رخيس.
و نوصيكم روحو décathlon Maroc fi casa بزاف رخيس على تاع باب الزوار.
والمبيت في فندق Colisée مرة أخرى 400 درهم والفندق ماعجبنيش صراحة ضيق جدا مكانش حتى كيفاش تصلي في غرفتك.
يوم 11 مارس ركوب قطار المطار 50 درهم والعودة إلى بلادنا و الحمد لله.
فيما يخص الأكل كل واحد حر واش ياكل يبدأ من 10 درهم و طلع وكاين بلايص غاليين بزاف ثان.
وشيء اضافي الناس لي تقولي شحال صرفت انا خاطيني السهرات و غيره من ملذات الدنيا يعني صرفت الأكل المبيت و التنقل فقط.
احسن طبق كليتو في المغرب بمدينة شفشاون الكبدة بالفريت قوة قوة قوة السعر 30 درهم.
فيما يخص الصرف 1 اورو يساوي بين 10.3 حتى 10.61 درهم حاليا
وفي الأخير خذوا حذركم من الطاكسيات اكبر نصابين خاصة في كازا و مراكش.
اطلبوا طاكسي كونتور وفيما يخص الليل والصباح المبكر فيه تعريفة زايدة ب 50 بالمئة و الطاكسيات الصغار يرفدو 3 بلايص فقط بدل 4 و الكبير يرفد 6 بلايص.
وفقكم الله انا هكذا كل برامجي يمكنك متابعتي في انستغرام اي رحلة جديدة سوف انشرها
متشوق للمغامرة ان شاء الله و بصحتك
خاوتي المروك فيزاا؟
نسقسيك الاخ ، اسعار الفنادق لي في بوكينغ نفسهم لي في صح ؟
Yassine Fellague look
اسمحلي جامي واحد شرح كيفك
Jevte tire chapeau 😊 vraiment ta tt dit. Nchlh ca sera ma prochaine destination touristique 😍
Merci pour les informations
روعة بصحتك امنيتي نزور المغرب
Zeghar AdEl
شحال سقامتلك بالدينار
مي واش فهمت كنت تخلص بزاف غالي
رغم الجزائري لازم ما تخلصش بسومة لي يعطوهالك
خاصتا فالنقل كنت وسمحلي على تدخل
خويا راني رايح في جوان ان شاء الله ، السعر تاع الفنادق فالبوكينج صحاح ولا نو ؟ لقيت فندق فوور بزاف و رخيس بصح كاتبين ملتحت بلي تزيد حق الضريبة كي تلحق .. و بالنسبة ليك لوكان كريت سيارة تخرجلك احسن ولا لا ؟
بصحتكم اخي
انا شفت غير 200 درهم 400 500 دخت ههه 1 درهم شحال بدراهمنا
Klite tanjia f merrakeche wela maklithache ?
Wassi Sabad kifach ndiro
يا سيدي، شكرا جزيلا. هذا البرنامج يلائمني. ساقتبس منه الكثير.
بصحتك شهيتنا نزروها😍😍
ماشاء الله
بصحتك حبيبي ولكن يبالي مشيت اكثر على ما شفت ولى ركزت غير عبر طريقة الانتقال بالاختصار فالاماكن انا المغرب مزرتهاش بصح يبالي من الناس الي راحت ماشي شابة بزاف فيها غير حوايج خصوصية تاع شباب ومنعرف
واش تقول انت خويا
انا روحت و دورت كيما انت مي كريت طونوبيل .. رحت واحد صاحبي كل مدينة روحوح نبات عند صحابوا…. مواصلات غالية بزااف… صرفت 600 اوروا 12 يوم بلا تذكرة طيارة… شابة المغرب لكن فيها بزااف مصروف
Rasha Mohamed chofi
Jma3a ali i7eb isaref fi l’aéroport maysarrfch kolchi psq bera teskamlak khir
Anas Atif 🙆 ا بابا على تيطوان تحمق😋😍
وين راح تروح المرة الجاية نمشي معاك خو ههههه
Mohamed yamah akhadm hada
Mehdi Boumaili hada ya3raf lha 😊
Ya khou site bah techri bilet d avion moins cher
المغرب تحس روحك شغل فالدزاير راك تمشي وكل دورة ترمي مياتالف 😂😂😂 غالية ههههه هادي ڨاع علا خاطر دراهممننا ميسواوش
Bilal Trt
شحال ستقاملك السفر الكل وشحال صرفت فالمغرب ؟
بصحتك السفر 😊
Les photos 😍😍😍 bssahtek
Chkon rayeh had liyamattt?!
Chehal jatak dans l’ensemble !? Est Fatatlak 10 mlayan bel billet wala nn
Ch7al total svp?
Abdelhamid Amara
سوسي ولد أكادير مدينة دار بيضاء شعال بعيدة على أكادير