#معلومات
اليوم سوف أحدتكم عن تجربتي في أزربيدجان (أرض النار) الجميلة و النضيفة
هيا بلد ضغير و جميل شعبها 93% مسليمين تقع بين توركمانيستان و تركيا عاصمتها (باكو) الجميلة و المتطورة تطل على البحر(كاسبيان) الجميل و البارد فيها مساجد شابين بنايات حديتة حدائق و أترات كتيرة و مولات عصرية لمهم ما تكرهش فيها نهدرو على الأمان يا خويا خرج فالليل و دور بدراهمك في يديك مكانش لي يخرب فيك
الفيزا سهلا مهلا هيا إيفيزا و رقة برك لي عندو كارت فيزا ولا بيصيرا يدير كيفي عبر أدريس تع لومبصاد تعهم يرسلوهالك فل ميل غي 25$ ولي ما عندوش كارت و ما يحبش تكصار الراس يروح أجونس يديروهالو ب 900 ميتألف على حساب علمي
التدكرة تلقها من 5 ملاين حتا 7 ملاين علا حساب وقت تع ليسكال عندك لوفتانزا رخيص فيهم بصح طيب فل إسكال ننصحك تشري مع التركية كيما لي روحت فيه أنا خلصتو 6.4 ملاين مدتة الرحلة 8 سوايع بل إسكال في إسطمبول
آه دروك نهدرو على دراهمهم 1منات أزربيدجاني 75دج وفي 100€ يعطوك 185منات بصح دوك نفهمك عندهم المكلا رخيصة و حلال ب 12€ تدرب فطور فيه 3 أطباق ما تعوتش تاكل حتا لغدوة ههه سندويش مكدو 4€
كي توصلو للمطار كي تخرج ركب يا في المطرو يا فل ميني بيس تمن رحلة في ميطرو 0.20منات و ميني بيس من 0.20 الى 0.40 على حساب التراجي تاعك يحطوك في قلب العاصمة باكو المطرو تقد تركبه باطل من المطار جايين حنان ما يحبوكش تنغبن
كي توصلو للعاصمة ديرو أبونمو تع لبيس تخلص 10€ 1900دج لانو ترام راه حابس مزال ما عودوهش يجي فيه شهر هدا مليح لناس لي حبا تريح 10 أو 15 يوم اما صحاب 6 7 8 أيام غير مكان لاه
الفنادق منهم و عليهم أنا نحب نبات في فندق مليح شوية يعني هادوك تع 8 10 15€ ليلة نتا راقد و لخنفوس مساميك فرحان بيك لاحبيبي شكرن ههه أديت هاد الفندق روايل كست بوتيك 4☆ جاي قريب صونتر فيل بي 150€ 7ليلي فيه و حد فطور صباح يعني ما تعاودتش حتى معا لعشية سيرتو لي يكلو مليح صباح كي حالتي ههه يتسما 21€ لليلة و من بعد كل واحد و الإختيارات تاعو
فيما يخص وين تروح تحوس يا خوتي سمحولي كاين بزاف بزاف بلايص شابين تحوسهم في باكو العاصمة ما تكرهش فيها والو تصدقوني إلى خير من دبي بزاف مدينة تاريخية و شعبها متربين بزاف بزاف هوما أتراك الأصل مخلطين معا الروسيين يتكلمو أزيري لي هيا تركية و يتكلمو روسية و شوية أنجليزي و فرنسية بنسبة قليلا ننصحكم باش تروحولها مدام الدعوة رخيسة عندهم لأنه بلد في طريق النمو المتواصل
فيما يخص شحال تدي معاك دراهم تنجم تحوس 7 أيام ابتدأ من 400€ كلش داخل فيها الفندق
راني حطيتلكم تصاور شابين و إسم الفندق و كاش حجا راني هنا 🙂
ملف الفيزا كيفاه
اي فصل تنصحنا بالسفر اليها ؟
الصيف الشتاء الربيع الخريف؟
وبالنسبة للغة يتكلمون انجليزي ولا كيما الأتراك يفضلون لغتهم اكثر ؟ وشكرا
عندهم اجمل حلبة فورمولا وان في باكو بين البنايات القديمة♥️🔥
Badia ❤️❤️❤️❤️c mon reve
شحال فيها الفيزا تاعها يعني المدة لأني باغي نزورها إن شاء الله من تركيا نزيد ليها
و الله غير القالة و سكيكدة خير ب الف مرة
Bsh lvisa ta3ha kifach 3tina detaille kifach dert l visa le lien
Les meilleures mois pour y aller ?
يا أخي معولين العام الجاي انا و صاحبي نروحولها مع العلم انا 18 و هو 19 سنة لا منلقاوش مشاكل و الا رخيصة و شحال تسقام ؟
سفيان هلالي Safwane EL Bahamasse محمد الامام بن ساسي. حافظ ابراهيم قريشيواش رأيكم
شحال بدراهنا تسقاملك كلش
Je suis tentée
Merci
الله ينورك وبصحتك سوْال من فظلك اذا حبيت جاوب عليه بالنسبة للطقس واش من أشهر مليح تروح فيهم؟
اسمها و معرفتش نقراه بصح نقية تهبل
Farah Bouchra we go mafiha ni coghona ni zmar we go
G tellement envie de la visiter
بصحتك
الفيزا
بصحتك ليزوم ❤️
Merci pour le partage
يعطيك الصحة💕💕 وبصحتك
Fatiha Sadouki hayaa berk nroho Azerbijan hhhh wlh tban mlihaa hhh
هي نفسها اذربيجان ولا لا
اذربيجان وازبكستان وجورجيا وماجاورهم خير بشحال من دبي وبلدان اخرين
بصحتك أخي وشكرا على المعلومات في قلبي رحلة العمر إلى إيطاليا واليونان شفت بلدان أخرى مي المدة الأخيرة كنت مهتمة بالوالدة ربي يرحمها والآن حابة فوايج مفاجئة لبنتي هل بإمكانك مساعدتي
شكون الي يعرف مدينة تركية اسمها سامسون كاش واحد راح ليها يعطيني معلومات
بالنسبة للفيزا أيضا ساهلة ، الفيزا إلكترونية مافيها لا وراقي لا والو ، الفيزا ب 750 الف فقط .
وجهتي ان شاء الله أذربيجان
شعال لازم تكون رافد دراهم معك
باش تقدر تريح 1o ايام
واخيرا لقيت الوجهة المناسبة ..بعد الازمة ان شاء الله.٨٨
Hbb @Allal Mohamed ch7al st9amlek l voyage kamel b l visa ? 🥰😍
أذربيجان تسمى بأرض الفرص و ذلك لكثرة رؤوس الأموال و الإستثمارات فيها
شوفونا كيفاش نروحلها فيها فيزا ولالالا
توحشتها 😍 أرض النار فعلا… وكلامك صحيح نظيفة جدا وشعبها روعة عاقلين… 😍 ❤️
شعال تستقام 7
شابة بزاف وكل عام يديرو سباق فورميلا1 فالشوارع تاعها 😍😍
تهبل بصحتك😍😍
56milion ? Donc
ماشاء الله بلد ولا أروع