ثلاثي مصري🇪🇬 من المؤثرين و صناع المحتوى يقوم بجولة سياحية في الجزائر🇩🇿 لاقى استحسان كبير في أوساط الجزائرين فقد استطاع هذا “الثلاثي” ابراز أهم المعالم السياحية في الجزائر
فشكراً:💔🇪🇬🇩🇿🍀
Mahmoud Ibrahim – محمود إبراهيم
على سعيد – Ali Saed
محمود حجازى/ Mahmoud Hegazy #سياحة_1001
Posted in Tourism, Uncategorized
حمدي شجيع هاذاك غير بكاي ..تصراله جاست ماشي مليحة يبدا يدير في التخيلات و الدراما الزائدة
كون يقولك واحد جيهة 2010 بلي الشعب الجزايري والمصري يولو يحبو بعضاهم هكذا ماتآمنش
هادوا فاقوا لواحد الحاجة، دير كلمة جزائر أو جزائري فعنوان اليوتوب وخلي المشاهدات تطلع 😑
عندهم غي الجزايريين فصفحاتهم
كي شغل روجو للجزائر بصح للجزايريين برك
😍😍😍😍
برافوووووو
يتبعو فيهم غير جزائرين كبما راني نشوف على كل حال حاجة مليحة ربي يكون في عونهم
ابرازها للجزايريين…..هههه
مش مؤثرين ومش صناع محتوى
هذو فاقو بلي حنا شعب نتبع وصاي داروا اسم لرواحهم باسم الجزائر وفقط
وش من ابراز …تاع كورة خاطيهم الترويج السياحي …لا متريتال تصوير لا خدمة على الفديوهات لا سناريو لا معلومات مهمة و زيد اغلب جمهورهم جزائريين …منروموش بعيد قارن فديوهاتهم مع فديوات حمدي الشجيع و شوف كي صحفي يعمل الترويج السياحي كفاش لازم يكون😉
Grande différence entre leurs vidéos et les vidéos de Ben N’co le français, côté matériels, montage et même le côté aventureux, social, j’ai beaucoup aimé ce dernier.
Ils ont transmis une belle image de notre pays. Bravo à eux tous et bienvenue.
شاهدت بعض المقاطع، ما مدوش للمناظر و المشاعر حقهم. يزربو لدرجة تحس انك في مطاردة. كيفاش يختصر عنابة في 3 دقايق و هم موالفين يديرو 10 دقائق من التكرار و الثقل باش يهدرو على ماتش مرتقب، ولا أداء لاعب عربي في ناديه،….
مشكل اغلب متابعينهم جزايرين يعنى استفدنا ايه
يطلعو بالجزاءريين في نسب المشاهدة وانتوما فرحانين وترويج السياحة والمشاهدين كلهم جزاء بين واحد اجنبي ما شاف هدي الفيديوهات لي تهدرو عليها
كاين ولاد بلادكم روجو للجزائر وما دعمتوهمش يسفقو للرابح. . على كل حال. مرحبا بيهم بالجزائر لاكن نتوما كل شعب تعلمو ماتزيدوش عليها
كي تقرا التعليقات تاع الكعب تفيق علاش بقينا الآخرين في كل المجالات
وانتم ماذا فعلتم
نستعرف بيهم طلعو ودارو اسمهم بالجزائر … وزادو عرفونا ببلادنا لي 90 بالمية مايعرفوهمش…ولي معجبوش الحال من الارقام لي يديرو فيها مجرد غيرة فقط … ومانشروش الفسق ولا الدعارة… زارو اماكن سياحية فقط
حنا المؤثرين تاعنا نص رآه فالحبس و نص يروجو للدعارة …
والله وأنا عشقت في بلادي خاصة عنابة مع أنني بنت عنابة هههه الجزائر جميلة صح ناقصنا شوي ثقافة السياحة والنظافة والتربية
حنا ليزالجيريان تمتم تسخنا الفرفارة واحد يهدر على بلادنا برك نشيعوه و بلا ماننساو رياكشن تاع زوافرة تاوعنا عدد المتفرجين فليلة يلحق لمليون
الشعب هذا حاجة متعجبو ينتقدو كلش ،علابيها بقينا التاليين ،قالك يطلعو نسبة المشاهدة ،ايه و المشكل وين رآه ياك مراكمش تخلصو فيهم
لو بتدورو ع سياحه الثلاثه دول معروفين ف الجزائر بس محدش يعرفهم ف مصر
اللي عمل سياحه حلوه ف الجزائر واحنا نعرفه هيا رانيا يحيي
💕
ماصرفوش دينار واحد وتقلي سياحة،السياحة كي يجوك لجناس ويصرفو بالعملة الصعبة ماشي المعروضة تربح
التعليقات مع الليف نتاعهم يقولهم مرحبا بكم في بلاد دكم الثاني وهو لوكان يلقى خوه يدفنو هههههه
هذا كله بمساعدة وكالات سياحية جزائرية
الدقس خيرمنهم كامل
بصح تحبو البراني
كيما قال بلماضي مانحبوش بعضانا
جمهورهم كله من الجزائر حتى المصاروة ميتبعوهمش
سمحلي اخي مؤثرين على الجزائريين فقط
شوف متابعيهم تعرف
المشكل أنو أكبر المتابعين لهم هم جزائريين
والسؤال….
علاش المؤثرين المشهورين تاعنا ما يديروش كيما داروا هذوا ويعرفوا بالجزائر وجمالها
متابعين تاعهم نص كبير جزايرين
و زيد رحلة تاعهم مدفوعة التكاليف من وكالة سياحية
و هوما هدفهم المتابعين و المشاهدات
كي نشوف التعليقات يغيضوني مساكن راهم يتعبو باش يحسنو صورة الجزائر و يروجولها و شعبنا الله يبارك راهو متكلف بجلد الذات فالتعليقات و يحبو يبينو ديما بلي رانا فالخرا 🙂
المهم والأهم أن العملة الاجنبية قاعدة تدخل الجزائر
وزيد قاعدين يمدوا في صورة مليحة على السياحة في الجزائر خيرمن اليوتوبرز الجزائريين لي ماشفناهم في حتى فلوق عن السياحة الجزائرية
انا ندعمهم مهما يكون عندهم متابع واحد جزائري لأنهم قاعدين يعرفوا بمناطق جزائرية ويحطوها على قنواتهم حتى كي يجي زائر آخر للجزاير ويبحث عن رأي السياح البرانية في زيارتهم للجزاير يلقاهم يشكروا في بلادنا وانتم ابناء الوطن مع الأسف راكم ضد
السياحة الداخلية وحتى الأجنبية وليتو خلاه تقولوا يطلعوا على ظهور ناس خلي يطلعوا هم بالمشاهدة والجزاير تطلع بأموالهم
عندك برك تبخصوا بينا تبيعولهم قرعة ماء بعشرين ألف نعرفوكم استغلاليين
Chokrane dois commencer par nos youtubeur qui font d’énormes efforts avec zéro moyens comme Djamel Taleb etc
تاعنا الشعب مايعجبوش لعجب
محتواهم ناقص ، تصويرهم سيء جدا ، بعاد جدا على الإحترافية .. جايين يصورو بهاتف كوندور بلاصة شابة تولي باشعة ..
إختيارهم للاماكن سيء… يعني ضرونا أكثر من ما فادونا .. مرحبا بهم
علاه الانتقاد هذا اكل سواء هو ما والا غيرهم ربي يسهل على كل واحد اهم حاجة مضروش بلادنا لباقي وش حبو يديرو يديرو
لازم علينا كشعب نتقبلو اختلافات بعضانا و اختلافات شعوب الاخرى لانو من هذي ناحية نص لكبير ميتقبلش اختلاف الشعوب
حتا لو غرضهم مشاهدات برك هيه ومبعد هذا رزقهم و راهم يسعاو
نورمالمو يأثرو على المصرين و متابعيهم من الدول الأخرى باه يجو فالاخر الاغلبية الساحقة من التعليقات كانت من الجزائرين و هوما لي تأثرو بيهم ههههه
والله تقعد حاير ادخل للتعاليق جلهم جزائرين اذ لم نقل كلهم أين التأثير في استقطاب السواح
مع احتراماتنا لهم
لكن لا أدري لماذا أحس من خلال فيديوهاتهم انهم مصطنعين ، بل مستفزين
مين داك تلقى بلاصة عادية ربما …تلقاه يقول انها قطعة من الجنة . لم اتوقع وجود هذه الاماكن في الجزائر ، افضل مكان زرتو في حياتي ….. ما إلى ذلك
ظف إلى ذلك جميع التعليقات لجزائريين …. هل فعلا هذه الفلوجات وصلت للمصريين ؟ و هل هؤلاء المؤثرين لنم نسبة مشاهدة داخل مصر ؟؟؟؟
( راحاليستا . ابن حتوتة . جو حطاب ) من أفضل المؤثرين العرب و بنسبة مشاهدة عالية بالإظافة إلى الاحترافية في نقل الفلوجات و إيصال الصور الجميلة .
أتمنى أن يتم إستغلال شعبيتهم مستقبلا