من الامور لي لازم تتعلمها في هاذ الدنيا، انو يلزم تكون واجد لأي خيبة امل من عند …

من الامور لي لازم تتعلمها في هاذ الدنيا، انو يلزم تكون واجد لأي خيبة امل من عند أي انسان، في اي وقت و بلا حتى سبة، و كي نقول اي انسان يعني اي انسان مهما كان قريب، باش تكون الصدمة تاعك لاحقا اقل من الصدمة تع القيصر يوليوس، لي ربى بروتوس و تهلى فيه و قلشو، منبعد كي قرر مجلس الشيوخ اغتيال يوليوس و بداو يطعنو فيه بالمواس و هو يقاوم، لحق بروتوس، القيصر حسباتلو بما ان بروتوس قريب ليه اكثر من ولدو جا باه يسلكو، ايا بروتوس راح كمل طعنو، يوليوس ما وجعاتوش الطعنة قد ما وجعو انو بروتوس هو لي طعنو، الشيء لي خلاه يقول جملته الاخيرة قبل ما يستسلم للموت: حتى انت يا بروتوس؟! 💔

الصورة لمحكمة بومبي التي حدثت فيها عملية الطعن، منطقة مسرح بومبي، روما

#سياحة_و_ثقافة
#وهران_في_القلب